مشكلة عضوة " انا اتجوزت وخلال سنة ونص"

#مشكلة عضوة
انا اتجوزت وخلال سنة ونص اطلقت وعندى ولد منه وحاليا مطلقة من 4 سنين.. طليقى خلال الخطوبة أو واول شهرين من الجواز كان تمام وزى الفل ومفيش مشاكل بعد الجواز بشهرين بدأ ينام لوحدو ف اوضة تانية وبقى واخد منى جمب لا بيكلمنى ولا بيتعامل معايا ومكانش راضى يقولى ماله وليه بيعمل كدة وفضل هاجرني

لحد م طلقنى واطلقت وانا معرفش اطلقت ليه مع العلم ربنا يعلم انا نضيفة ف نفسى وف بيتى وجميلة كمان  وكنت براعى ربنا فيه بس هو برضو مكانش راضى يتعدل معايا ولما روحت اولد قعدت عند ماما راح طلقنى من غير م اعرف ومسألش ع ابنه الا بعد سنتين وانا مرضيتش امنعه عنه لما سال عليه قولت مش هحرم ابنى من كلمة بابا ف خلال الاربع سنين دى مكانش راضى يتجوز لحد ما من حوالى سنه

عملية وقولت يمكن دا اللي كان باعده مني بس برضو متوصلش للطلاق ودلوقتي خاطب من شهر تقريبًا فسؤالي دلوقتي هو عمل معايا كده ليه ؟ يعني مثلًا هو كان هاجرني بالشهور عشان تعبان ولو تعبان توصل إنه يطلقني ولا هو كرهني كده من غير سبب ولما طلقني وعمل العملية وخف راح خطب واحدة تانية ومفكرش يرجعلي حد يفسرلي هو عمل معايا كده ليه ؟ 

اللي حواليا بيقولوا ده مر@يض نفسي وأنا ساعات بقول ممكن يكون في واحد تانية في حياته وممكن تكون اللي خطبها حاليا دي كان يحبها قبلي هيتجوز بس مش زعلانة عليه ولا عايزاه لا لا لا أنا مبك@رهش حد في الدنيا قده بس مش عايزاه يرتاح في حياته بسبب ظل@مه ليا.