طفلة قلبى

طبيعي إن اي شاب في سني مقبل علي الجواز يكون في مخيلته فتاه أحلامه الي بيرسمها دايما بيشاريكها كل تفاصيله حتي لو مش موجوده انا دائما بحلم ببنت الناس الي تصون بيتي وتحميه وتحافظ عليه في غيابي تكون هادئه عاقلها كبير فاهمه الدنيا دي عامله إزاي رزينه في كلامها محدش يعيب عليها بحاجه دي المواصفات الي في بالي دايما وقلت هدخل بيوت الناس علي كده
رجعت من مكان إقامتي في المدينه لقريتي عشان امي تشوفلي العروسه وبحكم شغلي الي اسسته وقتي محدود في فلازم اخطب في شهر لما كلمت امي عينيها لمعت كأنها مستنياني اكلهما سكتت وسمعتني ولما خلصت طبطبت علي عليا وقالت ليانا عندي ليك العروسه دي ونكون جوزناك ومخرجناش الضفر من اللحم..
بصيت ليها بإستغراب يعني اي منخرجش الضفر من اللحم
مين في دماغك ي امي قوليلي..
بنت خالك مافيش بعد كده جمال وادب.
قومت من مكاني واتعصبت في حكم اننا في الريف فطبيعي البنات بتتجوز بدري لكن انا اعمل الفعل الي كنت اعيبه فيهم
بنت خالي مين!دي عندها 17سنه دي طفله !!
واي يعني ياواد خدها ربيها علي إيدك
اربي مين هو انا فاضي وكمان هربيها ولا هربي عيالها !
البت ميعبهاش حاجه وكمان وانت مخدتهاش انت فاكر انها هتقعد
تقعد متقعدش ماليش دعوه بالحوار ده شوفيلي حد تاني..
بص انا حجزاها ومش هتنزل كلمتي الارض انت فاهم وكمان اتخطبها لو معجبتكش محدش قالك اتجوزها مايمكن بعد ماتعرفها تحبها وتيجي تشكرني
رديت بإصرار
مستحيل
اصريت علي موقفي وسبت الحاجه ومشيت ازاي تحجز حد وانا متقوليش وازاي اتجوز دي دي طفله وقال اربيها قال اتمشيت ورجعت لقيت امي قاطعه الكلام معايا خالص استمر الحال علي تالت ايام وهيا كده اكلمها متردش عليا كأني شفاف قدامها لحد ماقولت لنفسي اخطبها وخلاص وبكده اكون رضيت امي واخطبها شويه وافسخ علي اساس معجبتنيش..
روحت اتفقت مع خالي علي كل حاجه تخص الجواز علي الرغم اني كنت قاعد بهزر معاهم بس انا مش راضي علي الوضع قعدنا شويه وخرجت علينا انا معرفتهاش
هما سنتين يحلوا كده دي احلوت