رحلت و رحلت معها روحى
لولولولولولولولوى الف مبروك يا قلب امك
ماما انا خاېفه .. مش عاوزه اسيبك
مټخافيش يا حبيبتى و انبسطى دى ليله مش هتتكرر تانى .. ده انهارده ليلة العمر
ياااااااه ليلة العمر !! هى دى ليلة العمر !! لسه فاكره لما حضنتينى و مبقيتيش عايزه تسيبينى .. قلبك كان حاسس انك هتبعدى عنى للأبد .. مشيتى و خدتى روحى معاااكى ..
فى ايه يا سميره ! هو انتى علشان اول مره تجوزى حد من عيالك !
لا لاء فى حاجه غلط يا احمد .. انا قلبى مش متطمن .. حاسه انها مش كويسه
يا حبيبتي اهدى بس .. ده انتى لسه سايباها من كام ساعه
بنتى .. بنتى يا احمد حاسه انها فى مشكله .. اتصلى عليها عاوزه اتطمن عليها
اتصل عليها ازاى بس يا سميره ده انهارده ليلة دخلتها و اكيد مع جوزها دلوقتي
اتصلى بيها ابوس ايدك .. ريح قلبى يا احمد انا مش هستحمل
طب اهدى .. اهدى بس و بكره الصبح نروحلها .. لكن مينفعش اتصل بيها دلوقتي ده الفجر خلاص هيأذن
لاء انا مش قادره .. مش قادره اصبر للصبح .. اتصلى بيها علشان خاطرى
حاضر .. حاضر يا سميره هتصل بيها ..
مسك التليفون و اتصل عليها و ....
هااا ردت !
لا مبتردش و انا مش مستغرب بصراحه لإنها عروسه و الليلادى ليلة دخلتها
طب .. طب اتصل على جوزها .. اتصل على يوسف
مبيردش بردو
طب و بعدين .. هعمل ايه انا ! انا .. انا هقوم البس و اروح اتطمن عليهم
تروحى فين يا سميره انتى اتجننتى ! عاوزه تروحى المعادى دلوقتي !!!
ما انا خاېفه و حاسه ان فى حاجه وحشه حصلت لهم
فال الله و لا فالك يا شيخه .. قومى .. قومى اتوضى و تعالى نصلى الفجر يمكن ربنا يهديكى
قمنا اتوضينا و صلينا و قلبى لسه خاېف .. بنتى يا ناس .. عاوزه اتطمن عليها ..
فضلت قلقانه و مجاليش نوم لحد الصبح .. الساعه بقت 10 و انا عاوزه البس و اروح اشوفهم .. كل ما اتصل عليهم ميردوش هما الاتنين ..
تروحى فين بس يا ماما دلوقتي ! دول عرسان جداد و لسه فرحهم كان امبارح يعنى اكيد نايمين دلوقتي .. استنى يا حبيبتي و نروح كلنا سوا العصر
انا لسه هستنى للعصر يا ادهم ! الله وحده عالم انا قضيت ليلة امبارح ازاى
يا حبيبتي ادهم معاه حق .. انتى مالك خاېفه كده ليه يا ماما ! ده انتى اللى كنتى بتطمنيها امبارح .. بصى روحى ارتاحى شويه و لما العصر يأذن نلبس و نروح كلنا
انتوا ليه مش
