سكريبت أرهقني عشقك للكاتبة رحمة رضا

- معرفش بس انا كده جبت اخرى ، انا مش هستحمل بروده ده كتير
************
- انا عايزه اروح عند ماما
- ليه ؟؟
- هو ايه اللى ليه يا يوسف ؟.. وحشتنى وعايزه اروح اشوفها
- فرح عمر و جنا الخميس الجاى
- يوسف .. ايه دخل الفرح فى انى اروح عند ماما ؟ ولا هو اى كلام فى الهبل و خلاص ؟
- استنى ونروح بعد الفرح ، انا داخل آخد شاور .. جزى السفره
دخل وسابنى واقفه .. انا ڠصب عنى دمعت ، مسحت دموعى و طلعت جهزت السفره ودخلت اوضتى و فضلت اعيط .. بعدها بشويه لقيته بيخبط على الباب
- نجوى
- ...........
- نجوى افتحى
- بصوت مبحوح :- عايز ايه يا يوسف ؟
- عايز اتكلم معاكى
- وانا مش عايزه اتكلم معاك .. اكلك بره ع السفره
فتح الباب ودخل لقانى قاعده على الارض وعماله اعيط .. وطى مسك ايدى وقومنى قعدنى على السرير وقعد قصادى
- نجوى
- اطلع بره يا يوسف
- طب اسمعينى
- بصړاخ :- مش عايزه اسمع حاجة ... طلقنى يا يوسف .. انا عايزه اتطلق
- بصلى پصدمه :- طلاق !! نجوى انتى بتهزرى ؟! طلاق بعد شهرين جواز ! وعلشان ايه .. اسباب تافهه
- لا مش تافهه ، انا حبيتك وعشقتك وعمرى ما قصرت معاك .. بس انت .. انت عملتلى ايه يا يوسف غير انك بعدت عنى و جرحتنى.. عاقبتنى على حبى ليك ... يظهر ان اختيارى كان غلط فعلاً
- نجوى .. انا عارف انك بتحبينى .. وانا كمان والله بحبك بس ...
- متقولش بحبك .. انت لو بتحبنى مش هتبكينى وتجرحنى كده .. انت عارف انى بمۏت فى بعدك ومع ذلك بتبعد .. طب بتعاقبنى ليه ؟
- انا مش بعاقبك يا نجوى .. بعدين انا مبعدتش .. انتى اللى سيبتى ايدى وبعدتيى عنك
- غلطت وندمانه .. والله العظيم ندمانه .. ندمانه انى شكيت فيك .. بس يا يوسف ده .. ده حقى ، انا لما عملت كده ده من حبى ليك .. انت جوزى وحقى انى اغير عليك ..يعنى لما اشوفك بترقص مع واحده تانيه عايزنى اعمل ايه .. انت بتعاقبنى دلوقتي على حبى ليك ! كل ما بقرب منك بتبعد .. ده كله علشان بحبك!
- وانا كمان والله العظيم بحبك .. وحرام ابقى مستنيكى العمر ده كله وفى الاخر نتطلق بعد شهرين جواز ... نجوى انا بعدت عنك علشان اعرفك غلطك .. بس ده مش معناه انى بكرهك او بطلت احبك
- عقابك طول اووى يا يوسف
- خلاص بقا .. انا اسف .. متزعليش
قرب منى وباس راسى و خدى
- ايوه ايوه خلينى اضعف بقا واقوم احضنك ، بس والله أبداً ده انا عيطت بسببك كتير
- انتى قلبك اسود كده ليه .. خلاص انا اسف
- .........
- نجوى
- ماشى خلاص .. عفونا عنك
- كده ليا حضڼ
- انت عارف يا يوسف
- امممممم
- انت بجد ارهقنى عشقك