عوضنى الله بك خير زوج ♥

و ڠضب و ....
- كماااان ! هتغضبنى و تعصينى علشان حتة بت لا راحت ولا جت ! مااااشى يا عز .. مااااشى يا ابن الشافعى .. طب روح و لو ما اتجوزتش بنت خالتك خالتك يا عز قلبى وربى غضبانين عليك ليوم الدين ..
- انتى بتهددينى ! بتمسكينى من ايدى اللى بتوجعنى يا ماما !
- ما هو انا مش هسيبك للحيه الحربايه دى لحد ما تخلص عليك .. انا قلت كلمه .. يا تتجوز بنت خالتك يا اما لا انت ابنى و لا اعرفك و قلى و ربى غضبانين عليك ليوم الدين
- ماشى يا ماما .. بس عايزك تعرفى انك مش هتجبرينى و رقيه انا عمرى ما هطلقها و لا هبعد عنها .. سواء ده كان برضاكى او حتى ڠصب عنك
- بصيتلى باستحقار و كره - منك لله .. منك لله يا رقيه يا بنت هدى .. حسبي الله ونعم الوكيل فيكى .. روحى الهى ما تطولى و لا تنولى السعاده أبدا .. ربنا ياخدك يا بعيده و نرتاح منك .. من يوم ما دخلتى على حياة ابنى و سميتى فيه سمك الهى تنسمى يا بعيده ..
دى كانت آخر كلمه سمعتها منها .. بعدها محسيتش بأى حاجه تانيه ..
فتحت عينى لقيت نفسى فى اوضتى و على سريرى و عز قاعد جنبى و هموم الدنيا باينه فى عنيه .. ما طبيعى واحد عرف ان مراته مش بتخلف و انه مش هيبقى اب المفروض يعمل ايه .. انا فضلت ابكى بصمت .. لحظات و اتحول بكائى الصامت لشهقات عاليه .. عز الټفت و بصلى بفزع .. فضل يسألنى مالك يا حبيبتي و انا ابكى بصمت من غير ما ارد .. خدنى فى حضنه و فضلت اعيط لحد ما تعبت و نمت ...
عدت ايااام و شهوووور و عز اتجوز سلمى بنت خالته علشان يرضى امه .. انا كنت بشجعه و كان جوايا قلبى بيبكى ډم على حب عمرى و حبيبى .. رسمنا حياتنا سوا بس القدر كتب لنا سطور مكناش متوقعينها و فى الآخر بقول الحمد لله على كل حال
يوم كتب الكتاب عز كان ماشى و دموع الندم و الحزن فى عينه .. لحظات قضيناها بنبص لبعض بدموع و حزن و عنينا هى اللى بتتكلم .. كان بيعتذر على اللى هيعمله ...
شويه و سمعنا صوت زغاريد تحت فى شقة حماتى .. بعدها لقيتها طالعه و معاها سلمى و ابوها و امها و المأذون و ياسمين اخت عز .. صممت تكتب الكتاب عندى فى الشقه ..
عز بصلى لقانى واقفه متحركليش جفن و لا دموعى نزلت .. اول ما حط ايده فى ايد ابو سلمى