يا حبيب امبارح وحبيب دلوقتي بقلم ريم خالد

كل عريس هتفضلي تتطلعي فيه عيوب كدا..
_ يماما والله اللي بيجوا دول مش عرسان دولي مرضي عايزين يتعالجو..
_ لا وانتي العاقلة اوي انتي اول اللي عايزين يتعالجوا.
اتنهدت وأنا بقولها بنبرة ثقة مزيفة..
_ الدعم لما بيجي من الام بيبقي حاجة تانية برده..
ضحكنا أحنا الأتنين وهي بټضرب كتفي براحة بعد شويه انا وماما واقفين قدام الاسانسير مستنينه.
_ السلام عليكم..
لفينا للشخص كان دكتور عمر واقف جنب ماما بصتلي وأبتسمت جامد وهي بتمد أيديها بتسلم عليه..
_ وعليكم السلام ورحمه الله وبركاته..
مد أيده وهو بيسلم علي ماما ومبتسم..
_ أهلا بحضرتك..
_حضرتك دكتور..
_ايوه دكتور قلب وأوعية دموية..
شاورت ماما عليا وهي بتقوله..
_ كويس انك جيت اكشفلي علي ريم..!
بصيت لماما پصدمة وهو بيبصلي بأستغراب..
_خير يادكتورة حضرتك بتشتكي من حاجة..
هزيت راسي بلأ وانا ببص لماما تفسر..
_ يدكتور دا قلبها لا بيحب حد ولا بيتعلق بحد بيضخ ډم من سكات..
ضحك جامد هو وماما وانا والاسانسير بنحاول نستوعب ماما قالت اي..
_طيب خدي بس طب انتي زعلتي لي دلوقت..
لفيت لماما بعد ما دخلنا شقتنا وانا بقول بعصبية..
_أنا قلبي بيضخ ډم..!
_يابنتي ما كلنا قلبنا بيضخ ډم..
_ ماما..!
_ أنا عملت أي غلط عايزة أطمن علي قلبك.
فضلت ببص لماما بعصبية وهي بتبصلي ببراءة.
_ بس لطيف دكتور عمر مش زي ما أنتي حكيتيلي عنه لأ.
_ لطيف هو فين دا اللي لطيف..
_ اه ولله لطيف وجان وبغمازات يعني جميع الاوصاف موجوده..
_ بس قليل الذوق.
قولت كدا وأنا بدخل أوضتي وسمعت صوت ماما وهي بتقولي..
_ لا مش قليل الذوق هو يعني عشان حد قدر علي جبروتك بقا قليل الذوق..
فتحت الباب فجأة وأنا بجري عليها وهي بتجري قدامي ودخلت أوضتها وضحكت..
_طيب خليكي في الاوضة بقا..!
قدام العمارة تاني يوم الصبح..
_ مين الحلو اللي راكن في مكاني بقا..
نزلت من عربيتي وأنا بنادي علي عمو سعيد وهي جيلي جري..
_ ايوه ياست الدكتورة..
_ مين واخد ركنتي..!
_ أنا..
سمعت صوت ورايا وكان عمر واقف ولابس النظارة الشمس بتاعته وقفت قدامه وأنا بقوله
_ ومين سمحلك تأخد ركنتي..
قلع النظارة وهو بيقرب مني وبيربع ايده قدامي..
_ انا اللي جيت الأول..
_ هو أي دا اللي جيت الأول هو أحنا في فصل تالته تاني..!
_ والله أنا جيت ملقتش حد راكن فركنت..!
_ طيب يا عسول أنا جيت اهو خد عربيتك وأركن في حته تانية..
ضحك بسخرية وهو بيقولي..
_ عسول..!
فضلت ابصله بعصبية وهو بيبصلي ببرود لحد ما عمو سعيد قالي..
_طيب يا دكتورة هاتي المفتاح وأنا هركن عربيتك متقلقيش..
رفعت صوابعي في وشه وأنا بقوله ببرود.
_أول وأخر مره تأخد ركنتي حتي لو مجتش اليوم كله متاخدهاش برده..!
نزل صباعي بايده وهو بيقولي بأبتسامة مستفزة.
_ حاضر لما تتكتب بأسمك مش هأخدها..
_ اعتبرها من دلوقتي مكتوبه..
أديت لعمو سعيد المفاتيح ومستنتش رده وأنا داخلة العمارة وقفت قدام الاسانسير جه من ورايا وهو بيقولي بسخرية..
_ عيادتي مفتوحة في أي وقت لو عايزة تكشفي..
لفيتله وأنا بقوله ببرود.
_ وأنا برده عيادتي مفتوحة في أي وقت لو حابب تحكي أي اللي حصلك خلاك عدواني كدا..
_ انا عدواني..!!
ثواني بصينا لبعض وبعدها ضحكنا أحنا الاتنين..
_ مينفعش نفضل علي خلاف كدا عشان ركنة
ولا اي..
_انت اللي بدأت..!
_ خلاص أنا آسف نتعرف من أول وجديد أنا عمر.
_وأنا ريم..
_وقلبك بيضخ د م من سكات..
ضحكنا وأحنا بنركب الاسانسير اللي أخيرا وصل وكل واحد دخل عيادته بعد ما ودعنا بعض..
_ وبس يماما هو دا اللي حصل..!
ابتسمت ماما وهي بتقولي بأبتسامة واسعة وبتحط أيديها علي خدها.
_ هيأخد معاد مني أمتي..
_معاد لأيه..
_ عشان نشوف السجاد