رواية دب@حت لحماتي القطه بقلم هويدا زغلول

وفي الواقت ده طلعت لقاء ومعاها صنيه اكل وقالت

لقاء _ اتفضلي يا حماتي الاكل زي ما الدكتور قال بالظبط شوربه خضار وابنك جابلك ارنب

الحما _ تسلم ايديك يا حبيبتي ربنا يخليكي يا رب على اللي انتي بتعمليه معايا ده وبعدها شنت  الاكل ايه ده هو الارنب ده
ريحته عامل ليه كده

لقاء _عامل ايه يا حماتي ما هو كويس اهو زي الفل ولا انتي  عايزه تطلعي فيه اي حاجه وخلاص

الحما _ شيلي يا بنتي الاكل انا مش عايزه اكل منه وهتشيلي اللقمه بحته جبنه

لقاء _ هو انتي يا وليه فاكره ان انا شغاله عند اللي خلفوكي ولا ايه هفضل داخله خارجه داخله  على المطبخ

الحما _ يا خراشي يا لقاء ايه طريقه الكلام اللي انتي بتكلميني بيها دي اعتبرني امك

لقاء _ عماله اقول الوليه  دلوقتي هتتهدي شويه وهتتهدي وانتي ما بتتهديش ابدا انا زهقت يا شيخه

الحما _ روحي يا بنتي على شقتك شوفي عايزه تعملي ايه وسيبيني انا هنا وبعدها خرجت 
وانا فضلت اعيط

وبعدها افتكرت وفاء كلمتها

وفاء _ايه ده معقوله انتي يا طنط بتتصلي بيا خير يا حبيبتي في حاجه ولا ايه

الحما _  معقول لسه رقمي معاكي طول عمرك اصيله يا بنتي حقك عليا انا بكلمك علشان تسامحيني في اي حاجه عملتها معاكي

وفاء _ هو انتي فيكي ايه بالظبط وايه طريقه الكلام اللي انتي بتقوليها دي طبعا مسامحاك يا حبيبتي

الحما _ انا خوفت اجوز ابني واحده معاها فلوس تتنك عليه جوزته واحده هي والشيطان واحد

وفاء _ طيب انا عايز اجي اطمن عليكي ممكن تديني العنوان لان انا عرفت ان انتم عزلتم من المنطقه اللي كنتي فيها

الحما _ ماشي يا بنتي وبعدها جت وكانت 
مكشره اوي

الحما _ مالك يا وفاء شكلك عامل ليه كده هو في حاجه حصلت ولا ايه اوعي تقولي ان 
لقاء قبلتك وكلمتك وحش

وفاء _ لا يا حبيبتي بس انا شوفت حاجه توجع القلب بس لقيت ناس ملمومه قدام العماره عندكم تحت بيقولوا لقوا دماغ قطه بس مين اللي عمل فيها كده