رواية دب@حت لحماتي القطه بقلم هويدا زغلول

فوزيه _ مش قادره اتكلم لأن انا اللي فضلت 
ورا لحد ما يتجوزها

بمبه _ حبيبتي هو انتي كنتي هتعرفي ان هي هتكون كده لو بتحبي ابنك بجد لازم تعرفيه على كل حاجه

فوزيه _ مش وقته الكلام ده ارجوكي أنا 
عايزه ادخل انام شويه

وفي شقه مدحت راحت ام لقاء

لقاء _ ماما حبيبتي عامله اي نورتي 
اي ده مالك فيه اي وبعدها الام دخلت 
وقفلت الشقه

الام _ هو جوزك هنا ولا برا

لقاء _ بره يا ماما هو عمل حاجه ولا ايه شكلك متعصب قوي ليه كده

الام _ متعصب ده انتي مش هتعرفي 
انا هعمل فيكي اي اشرف ابن عمتك شاف 
سمير وهو نازل من العماره من 
عندك كان بيعمل اي

لقاء _ اي الكلام اللي انتي بتقوليه ده يا ماما وانا اعرف منين ان شاء الله هو كان هنا في العماره بيعمل ايه وبعدين هو ما فيش الا شقتي انا

الام _ بلاش يا بنت اللون ده معايا انا عارفاكي كويس قوي يا بنتي ما تمشي عدل بقى جوزك كويس ومحترم وابن ناس

لقاء _ بس مش بحبه وانتي عارفه كده كويس قوي انا ما بحبوش ما تخليني اطلق منه

الام _ برده كلام في الحوار ده يا بنتي حرام عليك بقى اللي بتعمليه فينا ده وبعدها دخل مدحت

مدحت _ايه ده طنط عندنا ازيك عامله ايه والله وحشاني قوي مالك واقفه كده ليه.

الام _ ابدا يا حبيبي بعاتب مراتك علشان 
خاطر مش بتيجي تسال عليا معلش انا بستاذنك اخد لقاء عندي كام يوم محتاجاها معايا

لقاء _ بصي يا ماما هاجيلك طول اليوم وارجع ابات في بيتي معلش بقى بقيت احب بيتي وجوزي مش عايزه اسيبهم

الام _ طب يلا البسي وتعالي معايا دلوقتي 
بعد اذنك طبعا يا جوز بنتي

مدحت _تحت امرك يا فندم بس لو في مشكله تقدري تقوليلي عليها يمكن اقدر احلهالك
انتي مش شايفه شكلك عامل ازاي

الام _ لا والله يا حبيبي اكمني بس تعبانه الفتره دي فمحتاجه بس لقاء تقعد عندي وبعدها 
اخدت لقاء وراحت عند مامتها

لقاء _ انا جيت معاكي اهو بس ملوش لازمه اللي انتي عماله تعمليه ده

الام _ انتي مش هتمشي من عندي يا اما طلعي سمير من دماغك يا اما 
هتطلقي من مدحت