رواية زوجي باع أرضه بقلم هويدا زغلول
سيد
انا كمان كنت طمعان بس عمري ما كنت افكر ان ااذي واحد فيكم
محمد
حقك عليا وسامحني ولو عايز تبلغ انا ما عنديش مشكله بس والله انا كان معايا العقد علشان امضيه على بيع الارض بس عمري ما اعمل كده
سيد
مش قادر اصدقك يا ابن ابويا وبجد خايف على اخويا منك
محمد
الشيطان ضحك عليا والله يا سيد بس بجد انا مش عايز ليه اي شر بعد انهارده واوعدك ان مش هعمل له اي حاجه، وفي الوقت
ده بدريه اتصلت بيا وقالت
بدريه
الحقيني يا مدام نفيسه ا بطه وقعت على دماغها
وانا مش عارفه اتصرف ازاي
نفسيه
ايه وده حصل ازاي ده يا رب يكون المصايب دي بتحصل لنا كده ليه طب انا جايه حالا
سيد
في ايه يا نفيسه مالك
نفسيه
اختي بيقولوا ان هي وقعت على دماغها وانا مش عارفه اتصرف ازاي مش عارفه اسيب عتمان ومش عارفه اروحلها
محمد
خليك انت جنب عتمان هو اكيد محتاجك وانا هروح واشوفها وفعلا راح وبدريه قالت علي كل
حاجه وتم القبض علي روحيه ونجلاء
نجلاء
والله انا ما عملت حاجه دي روحيه انا عملت كل حاجه حتى هي اللي صلتت الناس علشان يضربه عتمان
روحيه
لا والله ومين اللي كان جايب بدريه علشان تحط برشام منع الحمل النفيسه علشان ما تخلفش هي كمان متهمه معايا
الظابط
بس انتوا الاتنين مش عايزه اسمع صوتكم
لما نطمن عليها ونشوف اي اللي حصل
وراح سيد ومحمد
روحيه
الحقني يا محمد شكلي كده هيتقبض عليا
محمد
منك لله يا بعيده فضلت وراكي لحد ما كنت هضيع اخويا من ايدي انت طالق يا روحيه
روحيه
معقول بتسيبني يا محمد بعد اللي عملته عشانك
سيد
وانت كمان يا نجلاء كنت مشتركه معاها انت كمان طالق عايزه اعرفكم ان الاخ عمره ما يتعوض وزوجه تتعوض عادي وانا عمري ما ابيع
اخويا
نجلاء
والله ما ليا ذنب يا سيد اللي خططت في كل حاجه اهي واقفه قدامك منك لله يا روحيه
محمد
كنت راضي بحياتي لحد ما عرفتك خليتيني طمعت في اخويا ومشيت وراكي منك لله
وتم القبض علي روحيه ونجلاء وفاق عتمان
عتمان
انا فين هو ايه اللي حصل ليا بالظبط
محمد
سامحني يا عتمان حقك عليا كل اللي جرى لك ده انا كنت السبب فيه بس حقك عليا يا اخويا
سيد
مش وقته خالص كلامك ده المهم ان يطمن على اخويا وبعد كده نبقى نشوف هنعمل ايه
وفعلا قام عتمان وقرر أنه مش هيبع ارضه
واشتغل فيها هما التلاته وبعد فتره سيد اتجوز فاطمه اختي وكانت بتربي عياله وانا كمان خلفت
ولد بس محمد اللي قرر انه ما يتجوزش تاني بعد اللي حصل بس كان عايش ندمان على اللي هو عمله في اخوه كان دايما بيسال على عياله بعد ما خرجت مراته من السجن وفضلوا معاها بس رفض أنه يشوفها حتي
بطه
يا حبيبتي كل شئ قسمه ونصيب وربنا يكتب
ليكي الخير
نفسيه
أنا بفكر اروح لدكتوره بس خايفه عتمان يقول
لا ومش عارفه اعمل ايه
بطه
دكتوره لا طبعا انتي عارفه أن عيب في البلد
ان واحده تروح لدكتوره
نفسيه
مهو أنا لو مروحتش لدكتوره هقولوا
أنه يتجوز ده حقه برضه، وفي الوقت ده
دخل عتمان وقال
عتمان
وانا عمري ما اسيبك يا نفسيه وافكر اتجوز
واحده غيرك ولو عايزه تروحي لدكتوره أنا
معنديش مشكله
نفسيه
ربنا يخليك ليا يا عتمان وفي الوقت ده
كانت بدريه الخدامه وافقه تسمع
كل حاجه وبعدين راحت قالت
ل روحيه
روحيه
اها واشمعنى بقي دلوقتي فكرت في موضوع
الدكتوره ده
بدريه
اول لما عرفت ان حضرتك حامل وكمان
مدام نجلاء
روحيه
اي ده هي عرفت من مين استني كده
انتي بتقولي ان نجلاء حامل يا بت الفرطوس
بقي انتي حامل
بدريه
والله انا جيت لحضرتك لأن بحبك.لله في لله
روحيه
اها فهمت طيب خدي الفلوس دي ولو في اي
جديد تيجي تقوليلي أنا فاهمه ولا لا
وبعدها مشيت بدريه ودخل محمد
محمد
البنت دي كانت هنا ليه وعايزه ايه
روحيه
اسكت مش اخوك طلع ملوش في الخلفه ورايح لدكتور على اخر الزمن حد من عيلتكم بيروح لدكاتره
محمد
انا كلها من الارض الراجل كل يوم عمال يكلمني عليها ومش عارف اقوله ايه ثاني
روحيه
روحله واعرض عليه مبلغ اكبر من اللي عرضته عليه قبل كده يمكن يوافق
محمد
خايف يطمع ويعرف ان الحكايه فيها ان لما يعرف ان كل شويه بعرض عليه فلوس
اكتر لا لا مش هعمل كده
