رواية زوجي باع أرضه بقلم هويدا زغلول
نجلاء
والله ما كان قصدي ازعلك يا حبيبتي حقك عليا انتي اختي برده طيب يلا عايزه حاجه بقي
نفسيه
لا شكرا وبعدها مشيت نجلاء وراحت بيت روحي
روحيه
كنت عند عتمان بتعملي ايه يا نجلاء
نجلاء
هو انتي مخليه حد يمشي ورايا في البلد يراقبني ولا ايه يا روحيه عادي كنت رايحه اشوف مراته حامل ولا لا
روحيه
لا ابدا اصلك عارفه انك بتحبي الكل وما بتحبيش تخسري حد
نجلاء
اسكتي مش مراته طلعت مش حامل
روحيه
يا رب يوافق بقى يبيع الارض علشان ناخذ الفلوس اللي احنا عايزينها
نجلاء
ارض ارض ايه وفلوس ايه اللي بتتكلمي عنها
روحيه
ها انا قولت ارض برده ما فيش ما فيش حاجه
المهم اوعي حد يعرف أن أنا حامل خالص
لحد بس ما الحمل يستقر
نجلاء
عيب عليكي هو انا ممكن اقول لحد برده بس مش عارفه انت ليه فكرتي في الخلفه تاني
روحيه
علشان ناويه اخلي عتمان يتجوز تاني هفضل وراه لحد ما اخليه يتجوز مش انتي موصيه البنت اللي شغاله في بيته تحط لها البرشام زي ما اتفقنا
نجلاء
طبعا يا حبيبتي بتحطي لها البرشام
والله سيد عمال يتحايل عليا علشان احمل تاني بس انا قولت لا بقى خلاص ربنا كتب لنا اثنين نحمد ربنا عليهم
روحيه
ربنا يكملك بعقلك يارب وفي بيتي كانت قاعده
نفسيه مضايقه ودخلت بطه عليها
بطه
ايه ده مالك في ايه شكلك متضايق ليه كده هو عتمان زعلك
نفسيه
خالص والله يا بطه بس عرفت ان مرتات اخواته الاثنين حوامل ونفسي الفرحه بحته عيل
بطه
يا حبيبتي كل شئ قسمه ونصيب وربنا يكتب
ليكي الخير
نفسيه
أنا بفكر اروح لدكتوره بس خايفه عتمان يقول
لا ومش عارفه اعمل ايه
بطه
دكتوره لا طبعا انتي عارفه أن عيب في البلد
ان واحده تروح لدكتوره
نفسيه
مهو أنا لو مروحتش لدكتوره هقولوا
أنه يتجوز ده حقه برضه، وفي الوقت ده
دخل عتمان وقال
عتمان
وانا عمري ما اسيبك يا نفسيه وافكر اتجوز
واحده غيرك ولو عايزه تروحي لدكتوره أنا
معنديش مشكله
نفسيه
ربنا يخليك ليا يا عتمان وفي الوقت ده
كانت بدريه الخدامه وافقه تسمع
كل حاجه وبعدين راحت قالت
ل روحيه
روحيه
اها واشمعنى بقي دلوقتي فكرت في موضوع
الدكتوره ده
بدريه
اول لما عرفت ان حضرتك حامل وكمان
مدام نجلاء
روحيه
اي ده هي عرفت من مين استني كده
انتي بتقولي ان نجلاء حامل يا بت الفرطوس
بقي انتي حامل
بدريه
والله انا جيت لحضرتك لأن بحبك.لله في لله
روحيه
اها فهمت طيب خدي الفلوس دي ولو في اي
جديد تيجي تقوليلي أنا فاهمه ولا لا
وبعدها مشيت بدريه ودخل محمد
محمد
البنت دي كانت هنا ليه وعايزه ايه
روحيه
اسكت مش اخوك طلع ملوش في الخلفه ورايح لدكتور على اخر الزمن حد من عيلتكم بيروح لدكاتره
محمد
انا كلها من الارض الراجل كل يوم عمال يكلمني عليها ومش عارف اقوله ايه ثاني
روحيه
روحله واعرض عليه مبلغ اكبر من اللي عرضته عليه قبل كده يمكن يوافق
محمد
خايف يطمع ويعرف ان الحكايه فيها ان لما يعرف ان كل شويه بعرض عليه فلوس
اكتر لا لا مش هعمل كده
