رواية حياة عشوائية بقلم اسراء ابراهيم عبدالله

كان قاعد بيكلم بنت من اللي اتعرف عليهم وبيقول: لا يا بنتي أنا ماسك شركة والدي واللي هى هتبقى بتاعتي فيما بعد، وعندي عربية فيراري

والدته بزع.يق من المطبخ: أنت باض يا بتاع البنات يا نص.اب انزل شوف أبوك في الورشة تحت بينادي عليك

هو بضي.ق وحط إيده عالموبايل عشان البنت مش تسمعه فقال بعد لما خلصت كلام: حاضر يا مامي

البنت عالموبايل بفرحة قالت: إيه دا بتقول مامي؟ واو

هو بمكر: أكيد أنا وأخواتي متعودين على كدا لأننا عايشين في فيلا كبيرة وكنا في مدارس انترناشونال

بصي هقفل بقى وهكلمك بعدين عشان معاد الغدا

قفل معها وهو بيضحك، هو دايما بيتسلى بالبنات الموبايل عبارة عن أرقام بنات وبيضحك عليهم

والدته: يلا ياض أبوك هيعلقك على عمود النور اخلص

هو بع.صبية: حاضر ياما نازل أهو

نزل لوالده اللي كان قاعد تحت وناس بتحمل الخشب اللي اتعمل ويودوه ورشة الدهان

والده بعص.بية: إيه ياض ساعة على لما تنزل

هو بكدب: كنت في الحمام يابا

والده: اخلص يا معاذ اركب العربية وودي الخشب للورشة التانية

ركب معاذ العربية ومعه شخصين عشان ينزلوا الخشب، وهو في الطريق اتصل عليه واحدة من البنات فرد عليها وفضل بتكلم معها طول الطريق ومش منتبه للطريق

واحد من اللي راكبين معه: يا بني ركز عشان مايحصلش حاجة

معاذ بدون اهتمام: ماتقلقش واللي مكتوب هنشوفه .