رواية حياة عشوائية بقلم اسراء ابراهيم عبدالله

الشخص التاني قال: يا بني بردوا لازم الح.ذر، مش نروح نقف قدام العربيات ونقول اللي مكتوب هنشوفه!!

بصله معاذ بق.رف وماردش عليه، وفضل يتكلم ويضحك مع البنت وفجأة جت عربية قدامه فقال شخص من اللي راكبين بهلع: حاسب يا معاااااذ

بص معاذ عالطريق بصد@مة ووقع الموبايل منه وحصل****

عمل معاذ حا.دثة بالناس اللي كانت معاه في العربية

وفجأة الناس اتلمت حواليهم، وبدأوا يطلعوهم وطلبوا الإسعاف

كان معاذ مفتح عينه وفي عالم تاني بس سامع دوشة الناس حواليه واللي بيقول: لا حول ولا قوة إلا بالله

واللي بيقول: ربنا يسترها والإسعاف تيجي على طول 

واللي بيدعي ليهم، كان في د.م نازل من بوقهم واللي رأسه اتفتحت

وبدأ معاذ يغمض عينه ويذهب لعالم تاني، بعد لما كان بيحاول يتكلم يقول أي حاجة لكن كأن لسانه وقف

جت الإسعاف وخدتهم وطلعوا على المستشفى بسرعة

وكانت حالتهم صعبة

كانوا خدوا حاجتهم عشان يعرفوا يوصلوا لأهلهم

دخلوا العم.ليات، واتصلوا بأهل كل واحد يعرفوهم 
باللي حصل عشان يجوا بسرعة

أهل معاذ لما عرفوا كانوا في صد@مة دا ابنهم الوحيد رغم إنه كان مستهتر وأسلوبه بيضايقهم لكن دا ابنهم

جريوا على المستشفى بسرعة وأعصابهم سايبة ودموعهم على خدهم

الشخص اللي كان في النص متأذاش أوي، لكن معاذ اتأذى من الازاز اللي وقع على رأسه وإيده، وكمان الشخص اللي كان الجهة التانية من الازاز تأذى زيه