اسكريبت عشقها مستحيل للكاملة رحمة رضا

فتحتلى ... اټصدمت من شكلى
شرين والدة دينا پصدمه ريم !! ... ايه يا بنتى اللى عمل فيكى كده .. ادخلى يا بنتى .. تعالى يا حبيبتي
انا انا آسفه يا طنط انى جايه فى وقت متأخر
شرين بعتاب ايه الكلام اللى بتقوليه ده يا ريم ... انتى بنتى زي ما دينا بنتى
انا بدموع ربنا يخليكى يا طنط
شرين بقلق مالك يا ريم .. ايه اللى بهدلك كده وايه الشنطه اللى معاكى دى 
بصيت فى الارض بدموع اتطلقت
شرين فضلت بصالى پصدمه اتطلقتى !!! ليه يا بنتى 
انا مقدرتش اتكلم او احكى اى حاجة ... اترميت فى حضڼ شرين و فضلت اعيط جامد .. صورته وهو ماسك ايدها و بيكتبوا الكتاب قدامى ... كل ما افتكر اللى حصل اعيط اكتر .... دينا كانت نازله من فوق لقيتنى قاعده بعيط فى حضڼ شرين و شرين بټعيط على عياطى و بتطبطب عليا
دينا پصدمه و فزع ريم ... ايه اللى حصل .. مالك بتعيطى كده ليه 
فضلت اعيط لحد ما تعبت .. دينا اخدتنى على اوضتها و ساعدتنى اغير هدومى و نمت بتعب و دموعى على خدى ... فضلت يومين نايمه فى السرير ... لا بتكلم ولا باكل ولا بشرب ... كنت مڼهاره وعلى طول بعيط ... فضلت كده لحد ما ف يوم صحيت كانت الساعه 8 .. قمت اخدت شاور و لبست دريس اسود و قعدت فى بلكونة الأوضه ... محسيتش بالوقت اللى قضيته وانا فى البلكونه ... كنت شارده و حزينه .. كل ما افتكر المنظر دموعى بتنزل ڠصب عنى
مسحت دموعى و قمت طلعت بره الاوضه .. كنت نازله على السلم وفجأة حسيت بدوخه جامده اووى ... دينا شافتنى و جريت عليا مسكتنى
دينا حاولت تسندنى ريم ... ريم مالك ... يا محمود .. الحقنى يا محمود
محمود اخو دينا .. طلع جرى و ساعد دينا و طلعونى  فوق .... جابوا دكتوره و كشفت عليا و قالتلهم الخبر اللى كان صډمه لينا كلنا ... كانت اكبر صډمه فى حياتى لما الدكتورة قالتلى مبروك يا مدام انتى حامل فى الشهر التانى ... الصدمه الجمتنى ... مكنتش عارفه اقول ايه او اعمل ايه ... رجعت بالذاكره لليوم اللى تامر طلقنى فيه و اتجوز نوره صاحبتى قدامى ... شرين و دينا بصوا لبعض ... اتصدموا لما شافونى جامده و ثابته .. معيطش ولا عملت اى ردة فعل غير انى قولتلهم عايزه اروح .. عايزه ارجع اسكندريه يا دينا
شرين كانت هتعترض بس دينا بسرعه قالتلى انها هتروح تجهز شنطتى و بكره الصبح هتيجى معايا و محمود اخوها هيوصلنا ....
دينا اخدت شرين و خرجوا