قصة أميرة الجامعة كاملة بقلم رحمة رياض

هأذيكى ... بصى يا اميرة انا سمعت كل كلمه زين قالها ... انا هساعدك تهربى
پصدمه اهرب !!!
اسراء ايوه انتى لازم تهربى ... لو فضلتى هنا زين ممكن ېأذيكى ... لازم تهربى و .. وتتجوزى
پصدمه اتجوز !!!! جواز ايه ده يا اسراء 
اسراء بصى ده هيبقى علشان حمايتك بس .. يعنى مده لحد ما زين ينسى الموضوع .. انا واثقه فيه يا اميرة .. مټخافيش انا هبقى معاكى وعمرى ما هأذيكى
اومأت بقلق و خوف ... دخلت انا واسراء جوه لقينا زين قاعد على السفره جنب عمتو و بيبصلى بابتسامة ... انا خۏفت جدا ومسكت فى ايد اسراء ...
ايمان اقعدوا يلا الأكل هيبرد
قعدت جنب اسراء وانا جسمى كله بيرتعش و الخۏف متملك منى .. حاولت ابعد عينى عنه ...
الحمد لله
ايمان انتى مكلتيش حاجة يا بنتى ... اقعدى كملى اكلك
لا يا عمتو ... انا الحمد لله شبعت .. عن اذنكم
طلعت اوضتى وانا كل تفكيرى هو انى ازاى هتجوز واحد معرفهوش و مشوفتهوش قبل كده ... وليه زين عايز يعمل فيا كده ... فوقت من شرودى على صوت
خبط على الباب ...
رديت بصوت مرتجف م....مين 
انا اسراء يا اميرة
تعالى يا اسراء
اسراء دخلت وقفلت الباب وراها وجت قعدت جنبى على السرير و قالت اميرة ... انتى تجهزى نفسك علشان هتمشى انهارده
انهارده !!!
اسراء ايوه .. المفروض ان زين هينفذ بكره .. لازم تهربى انهارده
هو ليه عايز يعمل كده ... انا معملتلوش اى حاجة وحشه
اسراء مش وقته يا اميرة ... امسكى .. انا جيبتلك شريحه جديده .. ارمى اللى معاكى دى ... اميرة .. انا واثقه فى احمد وعارفه انه اكتر واحد هيقدر يحميكى .. جهزى نفسك و انا هاجى معاكى .. على الساعه 12 كده هرن عليكى تنزليلى تحت فى المطبخ .. هنطلع من باب المطبخ الخلفى
تمام .. هستنى اتصالك
اسراء حضنتنى بحزن مټخافيش يا حبيبتي انا هبقى على اتصال بيكى
اومأت بدموع وقمت جهزت هدومى وفضلت قاعده على السرير .. كل شويه ابص فى الساعه .. مستنيه اتصال اسراء .. الساعه دقت 12 بالظبط .. لحظات ولقيتها بترن علشان انزل .. اخدت شنطتى ونزلت ...
اسراء .. هو .. هو لازم نتجوز .. يعنى .. انا معرفهوش و كمان ...
اسراء مټخافيش يا حبيبتي .. صدقينى احمد هيحافظ عليكى وهيشيلك جوه عنيه .. انا لو مش واثقه فيه مكنتش سلمتك ليه بايدى
بس .. انا خاېفه اوووى ... انا حتى معرفهوش ولا عمرى شوفته .. هعيش معاه ازاى .. وكمان اهله .. ازاى ...
اسراء ملكيش دعوه بأى حاجة .. احنا ظبطنا كل حاجه متشغليش بالك انتى
اومأت بحزن و خرجنا .. ركبنا العربيه ومشينا .. بعدها بشويه اسراء وقفت العربيه فى مكان