كارهة الرجال

ما بتكرهش في حياتها أد الرجالة منحازة ضدهم في أي قضية أو معركة هم طرف فيها كلهم أوغاد إلى أن يثبت العكس في المشمش يعني 
كله بسبب خطيبها السابق نادر اللي عمله فيها مش هين خېانة وسفالة ونطاعة من ساعتها كل الرجالة بالنسبالها نادر 
لحد ما ظهر منير 
عرفته أول مرة في مكتبة عامة كانت بتسأل أمين المكتبة عن رواية اسمها أقفاص فارغة دايخة عليها ومش لاقياها ظهر هو من اللا مكان وقالها إن عنده الرواية دي وهيجيبهالها بصتله بامتعاض من فوق لا تحت وما ردتش رجعت تكلم أمين المكتبة ولا كأنه موجود!
للأسف مش موجودة يا أستاذة نهى
شاب في قميص كلاسيك أبيض وبنطلون جينز إسود دقنه خفيفة وشعره مبعثر شكله يدي على تلاتين واحد وتلاتين سنة في الرينج ده بيعرض خدماته وشكله عذب اللسان سويت توكر مثقف كمان دي كلها صفات فخ! نادر كان كده لسانه بينقط شهد وتشوفه تقول ده مستحيل تطلع منه العيبة لذلك ما ندمتش على تجاهلها إياه وردها على عرضه الرواية بنظرة ازدراء 
راحت المكتبة بعد يومين لقت الأمين بيناديها بابتسامة وبيديها الرواية الدكتور منير جابهالك إمبارح بس حضرتك ما جيتيش
قالت في عقل بالها وكمان دكتور لزوم اكتمال الفخ
كانت قرت مقتطفات من الرواية ومراجعات عنها على جودريدز ومن ساعتها وهي متشوقة تقراها أخدت الرواية خلصتها في سهرة عجبتها جدا حست إنها اتعاملت مع من أهداها الرواية بقلة ذوق ملهاش مبرر لكنها ظلت على موقفها من الصنف كله فقط قررت تشكره باقتضاب وترجع الرواية 
تاني يوم ما كانش موجود في المكتبة سألت الأمين عنه قالها إنه بيقطع فترة طويلة ويرجع سألته عن نمرة تليفونه مش معاه 
ترددت على المكتبة أسبوع وما عترتش فيه ولا مرة 
نسيت الحكاية 
بعد فترة والدتها كل اللي باقيلها في الدنيا وقعت من طولها فحوصات في تحاليل في أشعة اتحجزت في مستشفى دكتور القلب اللي جه يكشف عليها كما لعلك توقعت هو الدكتور منير اللي أهداها الرواية واختفى ولأن الحياة مش مسلسل عربي ولأن نهى تؤمن بالرسايل الخفية سألت نفسها ليه القدر وقعهم في طريق بعض مرتين ابتسم كأن بينهم سابق معرفة كشف على مامتها وسألها أثناء ما هو شغال 
عجبتك الأقفاص الفارغة
مش أوي ليه ما بتقولش الحقيقة وليه مش بتشكره لأن الرجال جميعهم أوغاد
عشان رواية كئيبة
أنا ما بقيمش الأدب والفن بالطريقة دي لهجتها بتزداد حدة
ممكن نتقابل في أي مكان ونتناقش في طريقة تقييم الفن والأدب ونظر للأم بعد إذن طنط طبعا
عنده جرأة فظيعة مباشر وما بيلفش ولا يدور ثقته في نفسه ضاربة في العلالي ففرصة سانحة لكسر الثقة دي هتحس بمتعة بعد ما ټضرب غروره في مقټل