اتولدت في ساعة غفلة

في البلاد العربية.. انتهت جميعها نهايات ساعتها مرضية نسبيا إلا في سوريا.. في مسجد المدينة الجامعية كانت الدعوات بتنهال على بشار الأسد ومن والاه على الحيطان في الطرقات اتلزقت صور بشعة كتير للضحايا اللي انتهكت أفظع الجرايم في حقهم طلعت مظاهرات من الكلية والجامعة ضد بشار شارك فيها طلاب سوريون واحد منهم حكى عن أخوه اللي اتخطف من بيته هو ومراته ادام عينيه ثم ضړبوها حتى المۏت وإمعانا في الفجور طلبوا من جوزها يتاويها في خلال عشر دقايق كان الطالب بيحكي ودموعه منسابة بعفوية وسلاسة ووائل شايط من الڠضب ما فعله أبوه بأمه ما يختلفش كتير عن اللي حصل مع زوجة أخو الطالب! اختلفت الطريقة لكن النتيجة في النهاية واحدة..
انطوائية وائل ساهمت في تأجيج غضبه بغضبه على بشار الأسد كان بيهرب من مواجهة أخرى مرعبة مع إخواته الأشاوس اللي ما يعرفوش إنه موجود.. ليل نهار منكب على الهاتف واللابتوب يتتبع أخبار الثورة السورية وتطوراتها لحد ما اتحولت من هوجة شعبية سلمية لثورة مسلحة.. في الفترة دي اتعرف على ثوار سوريين كتير من خلال الإنترنت اتحمسلهم جدا ومع دخول امتحانات نص السنة وهو في الفرقة الثانية اختفى توقيعه من كشف حضور الامتحانات.. معظم الطلبة ما يعرفهوش عن قرب كلهم شايفينه معقد ومكلكع فما شغلوش بالهم إلا واحدة ياسمين..
ياسمين كانت زميلته في تيم ال كانت زيهم كلهم في الأول مستتقلاه لحد ما دارت بينهم أحاديث متفرقة بخصوص الأسايمنت.. في البداية كان عندها فضول تتعرف على الشخص الغامض العجيب ده مع الوقت لمست فيه نقاء وشهامة تفتقدهم بشدة في حياتها المزعجة شافت منه كرم أخلاق وطيبة صافية اتعلقت بيه صارت صديقته الوحيدة في العالم إلا إنه كان متحفظ جدا وما بيقولش أسراره بسهولة لحد ما اعترفلها قبل الامتحانات بأسبوع واحد بلهجة جريئة وواضحة ما اتعودتهاش منه إنها الإنسان الوحيد اللي حس بيه من يوم ما اتولد.. فرحت وقررت تعترفله بحبها بعد الامتحانات.. في دوكة المذاكرة ما خدتش بالها إنه قفل الأكاونت بتاعه ما عرفتش غير لما راحت تتواصل معاه بعد ما اتفاجئت بغيابه عن أول امتحان.. حتى تليفونه مقفول مش عارفة توصله!
قررت في لحظة جنان تسافرله بلده تشوف إيه اللي حصله وخلاه يغيب عن الامتحانات فلقت إن أمه قاعدة على أعصابها بتتنشأ على معلومة واحدة عنه!
خلصت ياسمين الامتحانات بأداء سيء جدا ورجعت مرة تانية على بيت أم وائل اللي كانت دارت هي وجوزها بطبيعة الحال على المستشفيات وأقسام الشرطة بلا فايدة كانت حجة ياسمين للغياب أدام أهلها إن الكلية منظمة قافلة طبية من الأساتذة والطلبة في سيوة طول أسبوعين نص السنة وفعلا كان فيه إعلان عن القافلة دي على صفحة الكلية..
ما سابتش أم