رواية غل.طة العمر كاملة للكاتبة سلمي سمير

ممدوح بيه:- في ايه يا نورهان علي الصبح
نورهان:- الاستاذ باهر صحيت ادور عليه ملقتهوش ولما رجع بساله كان فين يقولي اخد العربيه وكان بيتمشي لانه مخ نوق
انا عايزه افهم مخنوق ليه علشان بنفكر في مستقبله
ممدوح:- خلاص ورجع بالسلامه وبخير اتفضلي اجهزو علشان سافركم يلا اطلع يا باهر شوف هتعمل ايه
وبلاش خروجك بدون علمنا علشان منقلقش عليك
باهر:- اوك دادي انا تحت امركم ويطبع بو.سه علي خد باباه احلي صباح علي احلي بابا في الدنيا
ممدوح:- طيب يلا تعالي صلي معايا الفجر
باهر:- ياريت يا بابا تصلي بينا زي زمان هروح اصحي بهيرة واجي نصلي وراك
ممدوح:- ماشي وانا مستنياكم
نورهان:- اقوم انا كمان اجهز علشان اصلي معاكم وحشني اصلي وراك
ممدوح:، طيب يلا وياريت تبطلي خن.اق مع باهر هو اللي لينا وكفاية وافقت علي انه يسافر ويتغرب عني علشان اراضيكي
رغم انه هيتعلم هنا زي بره بالظبط وكفاية انه معانا لكن اصرارك خلاني اوافق والولد مخنوق بلاش تضغطي عليه اكتر من كده ليضيع مننا
نورهان:- حاضر بس تعليمه بره هيكون احسن وهيكتسب خبرة اكبر ويقدر ينجح بسرعه في تكوين شركته
ممدوح:- طيب خلاص هينفذ اللي انتي عايزاه ارحميه بقي
ثم موضوع سافركم الساحل هيخلق ليا مشكله
نورهان:- ليه مشكله ايه
ممدوح:- علشان هنا ممكن تخرج في اي وقت ومش معقول تقعد لوحده ده غير ان سعدية في اجازو مين هياخد باله منها ويرعاها في عد.م وجودنا 

نورهان:- خلاص سيبها في المستشفي علي الاقل في متابعه ورعاية صحيه لحد ما نرجع
ممدوح:- يعني اقول لدكتور لا خليها مش عايزينها حرام عليكي هرميها في المستشفي واسيبها انا لما تخرج هحاول اكون موجود في السرايا لاي طارق يحصل
نورهان:- انا نفسي افهم سر اهتمامك بيها اوعي تكون بتحبها
ممدوح:- انتي مجنونه ابص لبنت اصغر من ولادي بتغير ولا ايه عليا منها دي بنت يتيمه وطيوبه جدا
نورهان:،- اه بغير ما دي بيسموها مراهقة متاخرة
ممدوح:- وانتي كنتي ايه مراهقة مبكره يا حبي الاول والاخير
نورهان:- انا كنت مراهقة بالنسبالك يمكن لكن انت كنت كل حياتي وانت فاكر كويس وقفت ضد اهلي علشانك ازاي
ممدوح:- هو انا كنت اترفض بذمتك كل بنات البلد كانو يتمنو ابص ليهم لكن انتي ملكتي عقلي وكياني وقلبي ورفض باباكي كان علشان كاره بابا لانه كان شاكك انه السبب في خسارة شركاته في البورصه لما نزل الاسهم بتاعته فجاءة وكسب بابا كتير من ورا ده
وباباكي للاسف خسر كل حاجه
نورهان:-بزعل قصدك اني عيلتي كانت مفلسه
ممدوح:- يضحك كنتي ومازلتي بنت عز واصوال وده الاهم وادي السرايا وكل مالي وشركات بابا تحت امرك ولا ايه يا زوجتي العزيزة الغاليه وياخدها في حض.نها انا ملكك وكل ما املك ليكي انتي وولادنا
باهر:- بغمزه بابا العزيز احنا في انتظارك من بدري
بهيرة:- بطل رخامة يا باهر خليهم شويا في رومانسيتهم
نورهان:،- اتلمي منك ليه ويلا هطلع اتوضي واحصلكم
ويصلو ورا ممدوح جم١عة ليعم الخير علي بيتهم الهادي
باهر:، انا جهزت العربيه وجاهز خلصو انتو بقي
نورهان:- يلا يا بهيرة شوفك هتاخدي معاكي ايه علشان مش هنرجع غير بعد زفافك
بهيرة:- حاضر يا ماما