سكريبت حب اجباري بقلم رحمة رياض

لا .. الخدم كلهم واخدين أجازه اسبوع
اومأت بهدوء و قولتله فين اوضتى .. عايز اغير هدومى
احمد بهدوء تعالى معايا
طلعنا فوق و شاورلى على اوضه و قالى دى اوضتك يا نيفين
اومأت بتفهم و بعد ما مشيت خطوتين ....
احمد نيفين
وقفت والټفت بصيتله بإستفهام نعم
احمد استنى عايز اتكلم معاكى
بلعت ريقى بصعوبه و توتر و اومأت ... شاورلى على الريسيبشن .... قعدت على كنبه و هو قعد قصادى ...
احمد بصلى و اتنهد وبعدين نيفين ... انا عارف انك مبتحبينيش و انك رافضه الجوازه دى من الاول .. بس صدقينى انا بجد بحبك ... انا عمرى ما قولتلك كده ولا عمرى اعترفتلك بحبى ليكى بس بجد انا بحبك ... انا مكنتش عايز جوازنا يبقى بالطريقه دى .. بس ڠصب عنى .. والله العظيم ڠصب عنى .. انا لما ماما قالتلى ان ....
كنت بسمعه بهدوء ولما سكت فجأة بصيتله وقولتله سكت ليه يا احمد .. كمل كلامك .. عمتو قالتلك ايه 
احمد بصلى بتوتر مفيش ... بصى يا نيفين انا مش هجبرك انك تعيشى معايا ... انا عايز اطلب منك نكون اصحاب اعتبرينى صاحبك ... اتكلمى معايا و انسى خالص اننا متجوزين ... على الاقل علشان نعرف نتعايش مع الواقع .. ها قولتى ايه يا نيفين 
بصيتله و اتنهدت ماشى يا احمد .. موافقه
احمد ابتسم وقالى تمام .. روحى غيرى هدومك و انا كمان هروح اغير و لما تخلصى هتلاقينى مستنيكى تحت علشان نتعشى سوا
بصيتله بتوتر ....
احمد بضحك مټخافيش يا بنتى انا مش هاكلك
ابتسمت برقه و دخلت الاوضه .. اول ما دخلت روحت قعدت ع السرير و فكرت فى كل كلمه هو قالها وابتسمت بسعاده انا مش عارفة سببها ...
قولت فى نفسى يظهر انى فهمتك غلط يا احمد
اتنهدت وقمت اخدت شاور و لبست بيجامه و لبست عليها شال خفيف ... مع ان الجو كان حر جدا بس اتكسفت اطلع قدامه بالبيجامه ... فضلت نص ساعه واقفه فى الاوضه وماسكه مقبض الباب .. متردده اطلع ولا لاء .. اخدت قرارى و كنت لسه هفتح الباب واطلع لقيته بيخبط ...
احمد نيفين ... نيفين انتى خلصتى .. محتاجة اى مساعده 
رديت عليه من ورا الباب لا يا احمد انا خلصت
احمد بضحك طب يلا يا بنتى انا جعان .. بقالى ساعه مستنيكى تنزلى .. بتعملى ايه ده كله
اتنهدت بعمق وفتحت الباب و ابتسمتله يلا انا جاهزه
احمد بصلى بإستغراب ايه اللى انتى لابساه ده 
بصيت على نفسى و بصيتله ماله لبسى 
احمد مفيش حد هنا غيرنا
قولتله بعدم فهم و استغراب ايوه يعنى ايه 
احمد قرب منى وشال الشال على فكرة انا جوزك .. اقسم بالله انا جوزك .. اطلعلك القسيمه
بصيتله بدهشه احمد ....
مكملتش كلامى ولقيته شدنى و نزلنا تحت ...
انا براحه يا احمد هقع ... يا ابنى براحه انت مستعجل على ايه
احمد بضحك ابنك !!! .. ماشى يا ماما
انا اووووف انت رخم على فكرة
بصلى و هو بيضحك ماشى يا محترمه ... بقى فى زوجه محترمه تقول لجوزها يوم فرحهم انت رخم !!
انا اه فى
احمد مين 
بصيتله بإبتسامه و تحدى انا
ابتسم بتوهان .....
اتحرجت اووى من نظراته ليا احم .. مش هنتعشى 
احمد بابتسامة يلا نتعشى
اتعشينا و بعد ما خلصنا