صړخة أنثوية

شجن طفولي عذب فحسيت من حيث لا أدري إني لازم أستقوي بضعفها.. الإنسان لما يكون في موضع عجز وقلة حيلة بيحتاج إلى إنسان يعاني نفس معاناته يتخلصوا من الهم البارك على صدورهم مع بعض من غير ما طرف يلوم التاني أو يتفه من ضعفه أبدا ما بيحتاجش لشخص إيده في الميه الباردة يبكته ويكلمه بالعقل..
في الكافيه بكت وتعالى بكاها لدرجة النهنهة كأنها ما صدقت حد يشاركها الهم..
سبتها براحتها وفي غمرة استغراقها في الحزن تأملها شيطاني الرومانسي.. قلبي اللي زي المطرقة بيخفق طول الوقت من القلق والهواجس والكوابيس بيدق المرة دي لكن لسبب مختلف..
فضلنا نتكلم لحد غروب الشمس اكتشفنا إن قعدتنا في الكافيه امتدت ل٣ ساعات!
عند مدخل شارع العمارة المشئومة افترقنا قالت قبل ما تسبقني أنا لولاك النهارده كان ممكن أحصل ضحى.. علاج الدكتور ده ولا محوأ فيا
بعد الجملة دي انضاف لهواجسي هاجس جديد ما خطرليش على بال خفت عليها من دماغها.. أدركت أهمية إني أكون في حياتها أعتقد إن قرار زيارتي لطبيب نفسي قرار قدري أروح فأقابلها فأنتشلها بدون قصد من حافة الهاوية.
طبعا كنت أخدت رقم موبايلها..
بالليل بعد ما الكل نام خرجت البلكونة كلمتها صوتها كان بيرتعش بتتنفض من الخۏف رجعت لقت مي زميلتها التالتة اللي كانت غايبة عن الشقة يوم الحاډثة لمت هدومها وسابت الشقة طمنتها لكن بلا فايدة مړعوپة من البقاء وحيدة اتسحبت وطلعتلها دخلت رغم كل المخاطر اللي ممكن تترتب على خطوة زي دي لو حد شافني..
بعفوية اترمت في حضڼي أول ما فتحتلي الباب لحد ما نامت زي الطفلة!
ما سبتهاش إلا مع طلعة الشمس..
الطقس ده اتكرر ليلتين ورا بعض تنام وما نتبادلش حرف واحد..
في الليلة التالتة طبعت قبلة بالغة الرقة على خدي اعتذرت عن بهدلتي معاها على حد قولها سألتني إن كنت بحب المزيكا وقبل ما أجاوب كانت مشغلة أغنية في التليفون يا أم الفستان الإسود شكلك حلو وعاجبني.. أوصاف حميد الشاعري متسقة مع جمالها ماشية عليها بالمسطرة.. الكحل الظالم في عيونك.. والعقد الحالم في رقبتك على صدرك نايم بيصونك وبيحلم إنه في مملكتك!
كانت ليلة فشړ ليالي ملوك بغداد في عصرها الذهبي..
في العصرية التالية اعترفتلي بحبها ما اتفاجئتش بس دقت فرحة الاعتراف كاملة مكملة..
وأنا كمان بحبك يا ياسمين..
لونها اتخطف مرة واحدة وهي بتبص في تليفونها سألتها خير.. إيه اللي جرى
قالت ولا حاجة..
لمحت بطرف عيني اسم المتصل مي ..
ما خدتش ولا اديت دي أكيد مي زميلتها اللي سابت الشقة أكيد مخڼوقة منها علشان اتخلت عنها..
لكن مش لدرجة تقولي روحني وتصمم..
بالليل كلمتني مكالمة طويلة اعتذرت فيها عن سوء نيتها تجاهي في البداية قالت إنها كانت فاكراني مدسوس عليها من المباحث اللي هروها تحقيقات وأسئلة من يوم الحاډثة فادتني