صړخة أنثوية

ريق حلو بدافع من خۏفها لحد ما اطمنت لي تماما فكرتها بتهزر لكن نبرة صوتها جادة جدا وفي نص الكلام قالت بحبك وقفلت الخط..
تاني يوم الصبح برن عليها أصحيها كالعادة علشان الجامعة ما ردتش جرس واتنين وعشرة طلعت أخبط على الباب ما ردتش برضو رنيت تاني فسمعت رنة الموبايل جوه! ضړبت الباب المتهالك برجلي فانفتح.. وشفت نفس اللي شفته من شهر ونص مع اختلاف الوجوه.. مكان ضحى ياسمين!
العجيب إن الصدمة المرة دي خدت شكل تاني غير الصدمة الأولى.. عقلي لجأ للإنكار كوسيلة دفاعية ضد الاڼهيار شغلت بالي بالقضية وبحق ياسمين علشان ألهي نفسي عن نفسي..
ياسمين لا يمكن تعمل كده صحيح معرفتي بيها لسة حديثة العهد لكن كانت مقبلة على الحياة وبتحاول النجاة بشتى الطرق بدليل لجوئها للطب النفسي لكن برضو فيه خاطر راودني وحاولت قدر الإمكان طرده من نافوخي ليه لأ وهي في أول مقابلة قالت إنها كانت مقبلة على خطوة زي دي لولا إن القدر بعتني ليها.. كلامها الغريب برضو في آخر مكالمة كأنها بتودعني! لكن لأ الفكرة الأكتر استحواذا على عقلي هي اللي انتصرت وهي المنطقية أكتر من غيرها.. مي اللغز في مي.
ليه ياسمين اتعصبت وصممت تروح وإحنا في لحظة صفا كنا فيها سمن على عسل بمجرد ما شافت اسم مي على الشاشة وليه كلامها في نفس الليلة دي كان غريب إن لم تكن مي هي الجاني المباشر فبالتأكيد لها يد في الکاړثة..
ده اللي ذكرته للمباحث والنيابة وبالفعل استدعوا مي عزت وجاءت شهادتها كالآتي 
عرفت ياسمين وضحى من سنة أولى جامعة يعني دي السنة التالتة لينا مع بعض ما كانش فيه واحدة فينا تعرف التانية أنا أول واحدة لقيت الشقة فكتبت على جروب خاص بطلبة الجامعة المغتربين إن فيه مكانين متوفرين في شقة في المكان الفلاني والإيجار بالشيء العلاني وجت أكتر من بنت تعاين الشقة لكن أنا اللي رفضتهم كلهم لحد ما جت ضحى بعدين ياسمين وارتحتلهم أخلاقهم كويسة أوي ومعايا في طب ففاهمين الأجواء وهنعرف نتأقلم على بعض.. أول سنتين مروا تمام بس من أول السنة دي وياسمين فيها حاجة مش مظبوطة بتسمع أصوات محدش غيرها بيسمعها بيتهيألها إن حد بيطاردها بعدين الهاجس بيكبر وتبدأ تشك في كل الناس.. نصحتها تروح لدكتور نفسي وراحت لكن مفيش تغيير والحكاية كل يوم بتوسع أكتر أنا وضحى كنا واقفين جنبها طلب منها وكيل النيابة تكلمه عن يوم ۏفاة ضحى كنت مسافرة أنا وياسمين وضحى قالت إنها مزنوقة في المذاكرة فمش هتقدر تنزل الأسبوع ده لما عرفت الخبر في الأول مخي ترجمه تلقائي إن ياسمين هي اللي ماټت ياسمين هي اللي بتعاني نفسيا مش ضحى ما كنتش قادرة أرجع نفس الشقة
بس ياسمين اتحايلت عليا ما أسيبهاش لوحدها وقررنا ندور على شقة تانية ونقعد في دي بشكل مؤقت لحد ما نلاقي.. وفي الفترة دي اكتشفت الحقيقة لو فيه خطأ أستحق العقاپ عليه فيبقى إني كتمت السر..
اتفاجئت بالبوستات اللي انتشرت باسم ضحى ضحى كانت عاملة deactivation طول الوقت للفيسبوك.. فاستغربت من وجود الأكاونت ده واستغربت أكتر لما قريت البوستس دي نفس مشكلة ياسمين.. افتكرت إني دخلت عليها ياسمين قبل كده ولقيتها مندمجة في الكتابة عن معاناتها مع المړض النفسي ساعتها اټخضيت وقلتلها اوعي تنشري الكلام ده المجتمع لسة ما عندهوش ثقافة تقبل الفكرة فطمنتني إن الأكاونت باسم مستعار اسم ولد حتى تحسبا لأي حاجة..طبعا مش محتاجة فراسة الأكاونت اتغير من اسم الولد لاسم ضحى.. خفت أواجهها سبت الشقة والمدينة كلها ولما رجعت بيتنا بعتلها رسالة طويلة قلتلها فيها إني عرفت كل حاجة وإنها لازم تعترفلي..
كلمتني وهي بټعيط وأقسمت إنها ما عملتش كده رغم إن ضحى تستحق علشان متآمرة ضدها مع الناس اللي بيطاردوها الهاجس ده ما كانتش اعترفت بيها أدامنا قبل كده.. عمرها ما شكت في حد فينا حالتها كده اتدهورت للآخر قالت إنها قررت ټنتقم بشكل تاني بس مش لدرجة المۏت صورت ضحى في الحمام من غير ما تاخد بالها وصورتها وهي بتغير هدومها صور كتير جدا وبعتتلها الصور دي من أكاونتها الفيك اللي باسم ولد.. ابتزتها بالصور دي غيرت اسم الأكاونت لاسم ضحى وهددتها إنها هتنشرها إن بابليك علشان الناس تعرف اسم صاحبة الصور كانت في الوقت ده في البيت مش في الشقة كانت مقررة تقرص ودن ضحى بس لحد لما ترجع تاني وتعرفها الحقيقة.. لكن حصل اللي حصل وضحى ما استحملتش قررت إني أكتم السر في نفسي لكن ضميري عڈبني بعتلها أقولها لازم تعترفي بنفسك ومرضك النفسي هيطلعك منها ما ردتش كلمتها كتير في التليفون ما ردتش لكن النهارده الصبح صحيت على رسالة بعتتهالي في وقت متأخر وأنا نايمة بتقولي فيها حتى إنتي متآمرة معاهم كلهم ضدي أنا هريحكم مني خالص للأسف قريتها بعد فوات الأوان..
كان كلام مي مدعوم بتسجيل المكالمة اللي دارت بينهم وبالشات..
بعد ما انتشرت تفاصيل القضية للجميع قرر طبيب نفسي رفع قضية على الطبيب المعالج لياسمين وطلب من نقابة الأطباء شطبه لأن حالتها كانت تستدعي الحجز في مستشفى الأمراض النفسية.