8 سنين جواز بدون فرحة

تمن سنين جواز ما عاشوش خلالهم مبسوطين ومرتاحين إلا في أيام معدودة لو مفيش خناق وزعيق وشخط ونطر بيبقوا ساكتين ومش طايقين يبصوا في وش بعض عشان يتخانقوا وللأسف خلفوا فيهم بدل العيل تلاتة عشان الناس بتقول وتعيد وطبعا ما اتطلقوش طول الفترة دي لنفس السبب أصل الحكاية من بدايتها عجيبة..
بدأت لما المهندس سامر خبط بالغلط مراهق ضمن مجموعة شبان كانوا بيتحركوا بعشوائية وهرجلة في الشارع رافعين أعلام وشايلين طبل وزمامير استعدادا لماتش المنتخب في تصفيات كاس العالم..
خد الولد على المستشفى والدكاترة أكدوا إنه صاغ سليم وقدر ولطف لكن أهله كانوا اتخضوا وجم على ملا وشهم أم الولد دعت عليه وأبوه كان مخضوض ومش على بعضه بس بنتهم اللي هي أصلا دكتورة بعد ما دخلت استفسرت من الدكاترة وعرفت إن مفيش حاجة اعتذرتله في رقة وأدب كأنه بيشوف الست لأول مرة في حياته القلب ده عليه أحكام تنقط وصلهم البيت بعربيته طول الطريق ېختلس نظرات زي الحرامية في المراية البنت رقيقة ومؤدبة وجميلة ومتعلمة كويس وأسرتها طيبين ومن نفس طبقة أسرته فليه لأ كان عنده في الوقت ده ٣٢ سنة مستقر في شغله ومرتاح وجاهز من مجاميعه قلبها في دماغه وتاني يوم راحلهم بورد وجاتوه بحجة إنه جاي يطمن على الولد هي اللي فتحتله الباب ساعتها وكانت في لبس بيتي عليه إسدال ارتبكت وضړبت لخمة وتراجعت وهو برضو اتكهرب سرى في بدنه تيار لذيذ الناس استقبلوه كويس وأمها اعتذرتله عن عصبيتها في المستشفى وهي ما ظهرتش تاني بس قدر يعرف بصنعة لطافة من باب إنه بيتعرف عليهم هي شغالة في أي مستشفى..
راحلها المستشفى وصارحها بحقيقة مشاعره وبإنه عاوز يتقدملها لقى منها قبول مداري ورا تمنع عشان محرجة ومع الأيام وتكرر الزيارات صرحتله إنها موافقة وتمت الأمور بسرعة وسلاسة وما كانش فيه أي مشاكل العيلتين شبه بعض ومتفاهمين والدنيا تمام..
في الشهور الأولى من الجواز يحصل أول اختبار ېهدد استقرارهم.. الشركة اللي شغال فيها وهي شركة قطاع خاص سرحت أكتر من نص موظفيها وهو من ضمن.. اضطر يدور على شغل من أول وجديد ويلف بالسي ڤي على كل الشركات بلا فايدة كلهم مستكفيين وهو مجتهد وناجح بس مش لقطة عشان الشركات تتصارع عليه إنسان عادي بيمشي على الجايدلاينز من غير تجويد أو مغامرة..
في الوقت ده بدأت المشاكل تعرف طريقها لبيتهم.. طول الوقت متنرفزة بتلقح كتير بالكلام لما يسألها عن سبب تأخيرها تقوله بعصبية والله إنت عارفني وأنا دكتورة ومتجوزني وأنا دكتورة.. ليه متفاجئ دلوقتي برجع متأخرعن الأول شوية طب ما هي الظروف اتغيرت طول الوقت كلام من ده دبش ناهيك عن نظراتها ساعتها رغم كل ده قالتله إحنا بندلع بقالنا شهور عاوزين