8 سنين جواز بدون فرحة

نخلف بقى رد إن الظروف ما تسمحش دلوقتي وإن الخلفة عايزة استقرار وأمان مادي فتقوله بلهجة سخرية وصله مغزاها يبقى كده مش مخلفين خالص بقى!
الشاهد.. خلفوا لأن مامتها في الوقت ده كانت بتلح عليها وصاحباتها بدءوا يحسوا إن فيه مشكلة بينهم وهي بطبيعتها بتحب الأنزحة وكانت طالعة بيه السما قبل الجواز فما هيصدقوا ويشمتوا للأسباب دي بس خلفت منه..
المسئولية كبرت البيبي عايز بامبرز باستمرار وهدوم ومصاريف دكاترة ولبن صناعي غير إن كلها سنتين تلاتة وتوديه حضانة وبعدها مدرسة وطبعا لازم يروح مدرسة من اللي بتاخد الشيء الفلاني بقت تسيبله الولد في البيت يحتاس بيه وتنزل الشغل ما استحملش الجو ده عمل كارير شيفت وخد من أبوه سلفة وفتح محل عطور في حي بعيد عن الحي اللي ساكن فيه صنعة العيلة اللي طول عمرهم شطار فيها فكان عنده فكرة كبيرة عن المجال في الأول ما قالهاش وكدب عليها قال إنه لقى شغل في شركة بعيدة في الصعيد وكان بيضطر يبات كل ليلة في شقة قديمة مركونة ملك عيلة واحد صاحبه وكل أسبوعين يرجعلها بقى اللي بينهم مجرد شهوة صرفة مجرد ما يتخلصوا منها يحط عليهم السكوت والقرف كأنهم ارتكبوا ذنب..
كان بيكسب من المحل أضعاف مكسبه من الهندسة ومع ذلك لما عرفت الحقيقة لأنها من الأول ما هضمتش حوار شركة الصعيد قامت بينهم خناقة لرب السما ساعتها كان بيتمنى إنها تطلب الطلاق عشان يريح ضميره لكن كان البيبي التاني في الطريق بعد أخد ورد وقلة أدب من الطرفين وصلوا لحل إنه يسافر طالما مش لاقي فرصة في مصر وبالفعل باع البضاعة كلها ودور على سفرية لحد ما لقى فرصة معقولة في تايلاند سافر والعجلة دارت وبدأ يبعت من هناك فلوس كويسة وهي تكنز وتحوش كان معجب أوي بعقليتها في استغلال الفلوس تشتري دهب وتركنه لحد ما يغلى فتبيعه وتكسب تدخل جمعية كبيرة تحط فلوسها في مشروع جانبي شركة بينها وبين أي زميلة ليها وتصرفات من هذا القبيل..
لكن بيحصل للمرة التانية إنه بيتسرح من الشركة بعد سنة لأنه فقري مفيش تفسير تاني بتضيق الدنيا في وشه وهو في عز اليأس بيتفاجئ بتليفون من زميل شامي كان معاه في الشركة ولما عرف إنه من ضمن المستغنى عنهم كلمه يواسيه وصمم يقابله في كوفي شوب مؤكدا إنه هيرجع من المقابلة مجبور الخاطر وبما إنه بيتنشأ على أمل راحله علطول..
بعد كلمات المواساة المستهلكة قاله الشامي إنه له صديق عنده شركة أدوية كبيرة جدا بس لسة مالهاش سوق في مصر حس سامر بحاجة مريبة في العرض بمجرد ما قال شركة أدوية.. وبالفعل صدق حدسه فرغم إن الراجل زوق الكلام على قد ما يقدر لكن كان الهدف واضح