رواية مراهقه علي الماسنجر كامله بقلم هبه وليد

هشام: ياعم رد عليا خمسين رساله ومفيش رد منك

حازم: الخمسين رساله ملهمش لازمه انا عايز الفيديو

هشام: حازم انا مسحت صورة أختك اقسم بالله مسحتها ارجوك كفايه كده عايزين نلم الموضوع

حازم: لا لا ياسوسو انا كده ازعل موضوع إيه الي نلمه إحنا لسه عملنا حاجه ده لسه في حاجات كتير

هشام: طيب ممكن طلب

حازم: طلب واحد ياحرام انتي تؤمري  يا سوسو

هشام: امي موتت نفسها من البكا ارحم ست كبيره في السن وخليها تكلم بنتها

حازم: وأنت مرحمتش لي طفله علي نيتها وعلي قلبها الطاهر الي صدق كدبك وغشك مرحمتش لي دموعها وهي بتترجاك ما تفضحهاش مفكرتش هي ممكن تعمل في نفسها ايه وانت بتهددها كان ممكن تنتحر وتموت كافره بسببك وجاي عايز رحمه اسمع يازفت انت من لا يرحم لا يورحم

هشام: اقسم بالله ضربت نفسي امبارح بالشبب وندمان وبتمني اختي نرمين تسامحني ابوس إيدك أمي هتموت بسبب اختي شيماء

حازم: قصدك بسببك انت عارف انا حصلي إيه بسببك أنا شتمت امي لأول مرة بسببك  وكنت هموت اختي وصاحبي كان هيروح فيها كل ده بسببك ده غير تعطيل الشغل ولقمة العيش جرب شويه تشوف ربع الي انا شوفته بسببك

هشام: حازم أنا أمي بتموت من إمبارح مش عايزه تأكل ورافضه كل حاجه حالتها تصعب على الكافر

حازم: قصدك بسببك  عارف انا حصلي إيه بسببك أنا شتمت امى لأول مرة   وكنت هموت اختي وصاحبي كان هيروح فيها كل ده بسببك  غير تعطيل الشغل ولقمة العيش جرب شوي تشوف ربع اللي انا شوفته بسببك

هشام: حازم أنا أمي بتموت من إمبارح مش عايزه تأكل ورافضه كل حاجه حالتها تصعب على الكافر

حازم: والمفروض أعمل إيه

هشام: انا عملت الي انت عاوزه ومسحت صورة اختك أنت كمان المفروض تمسح صور اختي وترجعها البيت

حازم: ولو رفضت اعمل كده هيحصل إيه

هشام: أمي هتموت وهيبقي ذنبها في رقبتك

مصطفى: ياعم سيب ام التلفونات وكمل اكلك

ad
ماما: وآلله يابني انا تعبت حازم اتغير وخس النص مش هو ده حازم ابني

مصطفى: معلش يا خالتي فتره وتعدي

حازم: بقولكم إيه بما أننا متجمعين كده انا عايز افاتحكم في موضوع

ماما: خير يا بني

نرمين: اكيد موضوع جواز اخيرا هنفرح بيك يا زووومه لولولوي

مصطفى: ههههههههههه جواز معتقدش

حازم: اتلمي يابت قال الجواز قال

نرمين: لي هو انت مش هتتجوز

حازم: لسه متخلقتش الي تسرق قلب اخوكي  

مصطفى: أنا مش عارف هما بيحبوك على إيه هههههه

 ماما: قصدك ايه انا ابني الف واحده تتمناه

مصطفى: مش قصدي والله بس أنا بضحك معاه

حازم: بطلو رغي كتير هقول الموضوع ولا اسيبكم

ماما: خير موضوع إيه

حازم: دلوقتي انا أخت هشام معايا وهو بيقول امه مموته نفسها من العياط ومش راضيه تحط حاجه في بوقها ولو استمرت على الوضع ده هتموت ويبقي ذنبها في رقبتي وانا كلامه وجعني ومش عارف أعمل إيه

ماما: انا أم وحاسه بيها ومن راءي ترجعها بيتهم

حازم: ها وانتي يانرمين

ad
نرمين: أنا شايفه ماما عندها حق

حازم: وأنت ياعم الرخم

مصطفى: كلامي مش هيعجبكم

حازم: يهمني أعرف

مصطفى: أنا شايف إن هشام بني آدم مش سهل وممكن يكون بيفكر في حاجه كده مش ولابد

حازم: أنا بقول كده برضو

ماما: طب والحل يا اولاد

حازم: مفيش غير حل واحد

مصطفى: أوعي يكون الي في بالي

حازم: عندك حل تاني

مصطفى: لا معنديش بس لازم ناخد بالنا من الخطوه الي جايه وخصوصا اخته معانا دي لوحدها مصيبه

ماما: هي اخته فين

مصطفى: عندي فوق في الشقه

ماما: يامصيبتي جبتوها اذاي هنا وامتي حصل الكلام ده انتو اكيد اتجننتو استر يارب