رواية مراهقه علي الماسنجر كامله بقلم هبه وليد

أم هشام: ههههههههههه الله يكرمك والله دي اول مرة اضحك من سنين

نرمين: اذيك ياخالتي عامله ايه

أم هشام: بخير يابنتي هاقوم اروح لخوكي هشام

ماما: استني تعالي ياحازم اسندها

الجميع في غرفة هشام حتي مصطفى قام من علي السرير وذهب معاهم

أم هشام: ياحبيبي يابني انت بخير

هشام: ها ه ه

الممرضه: من فضلكم سيبوه يرتاح شويه من تأثير البنج

أم هشام: انا مش هسيب ابني وهقعد جنبه لحد ما يقوم بالسلامة

حازم: طيب احنا ماشين انا عديت ع الحسابات ودفعت المصاريف يلا بينا ياجماعه

شيماء: خلاص هتمشو

ماما: ايوه يابنتي ماشين عايزه حاجه

شيماء: متشكره ياخالتي

حازم: طب يلا بينا ولا ايه

 مصطفى: أم عصبيت اهلك دي انا خايف اتعدي منك

نرمين: تبقي مصيبه وحطت على راسي

ماما: ههههههههههه

نرمين: الحقو ماما ضحكت

ماما: بس يا مفعوصه

ad

حازم: عجبتني مفعوصه دي ههههههههههه

في البيت

ماما: ياااه ياولاد كبوس ونزاح انا كنت كل يوم مرعوبه

حازم: لي ياست الكل

مصطفى: دنا كنت مرعوب عليك اكتر منها

نرمين: مش عايزين نتكلم في الموضوع ده تاني الحمد لله رجعنا لحياتنا الطبيعيه نضحك بقي ههههههههههه

مصطفى: ربنا يستر عليا ههههههههههه

نرمين: قصدك ايه

ماما: الله يخرب بيت الفيس على الي طلعه

مصطفى: ههههههههههه عندك حق ياخالتي ده فيه مصايب اكتر من كده تلاقي البنت من دول تبعت فيديو وصور لواحد لمجرد بعتلها رساله ولا اتنين على المسنجر  وتعيش جو الحب ومش عارف إيه

حازم: حب إيه يا عم دي بنات عايزه الحرق إلي تبعت  صورتها لواحد   متعرفش عنه حاجه غير الإسم

مصطفى: طب ما انت بنات كتير بتبعتلك صورها ومنهم عمل معاك بث مباشر علي صفحتك

حازم: يابني انا عندي بنات كتير اسمهم جمهور القراءه ياجاهل حاجه كده مش هتفهمها

مصطفى: فهمني

حازم: بص لما أنت بتابع قصتي مش بيجيلك إحساس تحب تتعرف على صاحب الخيال ده

مصطفى: تمام

 ad
حازم: هي بقي بتيجي تتعرف وبتطلب تشوفني ابعتلها صورتي هي بقي تبعت صورتها ولا متبعتش دي حاجه ترجع ليها وبعدين انا مش بدخل على المسنجر غير للضروره يمكن اكتر وقت فتحت فيه المسنجر يوم البنت بتاعت ……..

مصطفى: اه افتكرتها الي كانت بتحكي عن اغتصابها أنت سميت الروايه بنت تحكي قصة اغتصابها على المسنجر

ماما: يعني مش نرمين بس الي غلطت في بنات كتير ذيها غلطت

مصطفى: ايوه ياخالتي كتير اوي وأنا عندي اقتراح

ماما: اقتراح ايه

مصطفى: انا بقول حازم بيكتب قصص ف يعني لو

ماما: يابني وضح كلامك مش فاهمه منك حاجه

نرمين: قصد مصطفى ياماما حازم يكتب قصه تخلي البنات تاخد بالها من الفيس والي بيحصل فيه عشان ميحصلهمش نفس ما حصل معايا

حازم: مش هينفع شيلو الموضوع ده من دماغكم

مصطفى: لي بس ياصاحبي ده يبقي خير وممكن تدخل الجنه بسبب الخير ده تخيل لو واحده شافت قصتك اكيد هتاخد بالها

حازم: أولا انا صفحتي اتعطلت من ادارة الفيس ثانيا انا كرهت الفيس بوك ومش حابب ادخلو تاني

مصطفى: خلاص نرمين بنت واكيد البنات هتبعت ليها طلب صداقه

حازم: قصدك ايه بقولك ايه انا اختي مش هتدخل الفيس حتي لو انطبقت السما على الأرض

مصطفى: اسمعني بس هي اكيد اتعلمت من غلطها وبعدين هي مش هضيف شباب هضيف بنات بس

حازم: ولو برضو لا

مصطفى: قوليلو حاجه انتي ياخالتي

ad
ماما: هو يابني انت متاكد بنات المسلمين هتستفاد من الي بتقولو عليه ده

مصطفى: اكيد ياخالتي متأكد

ماما: خلاص ياحازم اعملهم الي بيقولو عليه

حازم: حاضر يا ست الكل بس عارفه لو لقيت ولد صديق عندك هشرب من دمك

نرمين: حاضر والله هقبل طلبات الصداقة بتاعت البنات بس ورحمة بابا مش هكلم شباب

مصطفى: انا عندي سؤال

حازم: اتنيل أسأل

مصطفى: أنت لي مش بتعمل حقوق النشر حرام عليك تعبك يروح على الفاضي

حازم: اولا انا عايز اعمل خير طالب الجنه مش طالب فلوس وبقي من المشاهير  ثانيا مش بحب الشهره وانت بتشوف بنفسك ع البحر وانا بغني الناس بتعمل ايه وأنت اكتر من مره تقدم في مسابقه وانا برفض

ثالثا وده الأهم أنا ربنا عطاني موهبه استثنائيه

مصطفى: يعني ايه مش فاهم

حازم: يعني موهبه مؤقته ممكن ابطل أكتب قصص في أي وقت علشان أنا انسان متقلب بسبب العصبيه

مصطفى: طيب انا عايز اتعلم اكتب قصص

حازم: القصص والروايات والمسرحيات عالم التلاته مختلفين عن بعض تلاقي القصه صغيره وتشد انتباهك وتندم إنها خلصت بسرعه والروايه طويله تصحي الفضول عندك وتجعلك كل جزء تنتظر الي بعده بفارغ الصبر لدرجة انك تتمني وانت بتقرا يكون ده اخر جزء

مصطفى: والمسرحيه

حازم: المسرحيه عباره عن  زياره مثلا بنت راحت تتزوق وتحط المكياج علشان لما توصل خالتها تقول عليها جميله بس هي دي المسرحيه

 مصطفى: طيب انا عايز اعرف هتسمي روايتك الجديده ايه

حازم: هسميها مراهقة على المسنجر

                      تمت