رواية زينب (كامله ) بقلم هي جنتة
خالد:محبتش اجرحك وقلت يمكن تفهم من
نفسها وانا اصلا مكلمتكيش مره وبصيت في
وشك ومضحكتش معاكي مره وكنت ببعد
عنك وانتي اللي مصممه توصلي لهدفك
سهر اهتمي بكليتك ودراستك وبكرا تلاقي
اللي يهتم بيكي وهي اللي يجري وراكي عشان
توافقي تتجوزيه ومترميش نفسه علي حد
ممكن اللي ترمي نفسك علي يستغلك وياخد
غرضه ويرميكي ومتأمنيش لحد لان البشر
خداعين الا من رحم ربي روحي واتوضي
وصلي واستغفري ربنا وتوبي إليه وهو الغفور الرحيم
مشت سهر بقلب غير اللي كانت جايه بيه ربنا يهديها وإيانا
زينب: انا أسفه بجد انا مش عارفه من غيرك كنت عملت ايه
خالد: يازينب احنا كلنا بنغلط وخير الخطائين
التوابون ربنا يتور علينا ويغفر لنا
خلي عندك ثقه في جوزك دايما انه وراكي
يحميكي ويسندك اهم حاجه اعلني للناس عن
جوازنا عشان لا تبقي مطمع ولا أبقي مطمع
زينب:حاضر ياخالد يلا بقي عشان نروح ماما
اتصلت وقالت الاولاد هيموتو من الجوع
خالد:وأنا ميت من الجوع
وراح يركب العربيه جات عربيه علي اقصي
سرعه وخبطته رماته علي الرصيف التاني
السلام عليكم ورحمة الله وبركاته
احبتي في الله اليوم معاكم الفصل
الثاني عشر من قصتي الجديده
زينب
بقلم هي هى جنتة
خالد راح يركب العربيه وبيكلم زينب جات
عربيه مسرعه خبطته رماته علي الرصيف
التاني زينب وقفت لثواني من الصدم#مه حست
ان رجلها اتربطت بالارض وبزهول تام من اللي
حصل ومره واحده صرخت خااااااااالد
وجرت عليه وهي بتجري حست انها مش
بتتحرك ومكان خالد بيبعد عنها وصلت عنده
نزلت علي ركبتيها وشالت راسه وحضنتها
خالد خالد رد عليا خالد اصحي بالله عليك
بالله عليك متسيبنيش خاااااااااااالد
جات عربية الاسعاف واخدت خالد وهي ركبت
معاه وكانت حاضنه ايديه ومنهاره
واتصلت علي عمها عبدالله: عمو الحقني خالد هيروح مني
عبدالله:ايه اللي حصل يابنتي
زينب:خالد عربيه خبطته خايفه عليه ليروح
مني الحقني بالله عليك ياعمو وقول لماما
عبدالله:متخافيش يابنتي خالد ربنا هينجيه
ادعيلو انتي بس ومسافة السكه وهنكون عندك
وصلو المستشفي دخلو خالد غرفة العمليات
زينب قعدت قدام الغرفه بتدعي لخالد حبيبها
وروحها وعقلها ايوا حبيبها ايو بتحبه دا اللي
كان باين عليها
طلع الممرض وقال: المريض عاوز دم وفيصيلته نادره
مفيش في المستشفي منها وحالته خطيره ياريت تتصرفو
زينب:هي فصيلته ايه حضرتك
الممرض: اوه سالب ومفيش منها هنا
زينب:انا فصيلتي اوه سالب تقدر تاخد مني اللي انت عايزه
الممرض:طيب تعالي بسرعه
اخدها الممرض وسحب منها الدم وبعد
مخلص طلعت في الانتظار لقت عمها عبد الله
جايب لها عصير عشان تشربه
عبدالله:خدي يابنتي اشربي العصير دا عشان
يعوض الدم اللي اتبرعتي بيه لخالد
زينب:مليش نفس ياعمو
عبدالله:لو مشربتيش مش هتقدري تقفي علي رجليكي
زينب ببكاء شديد:سيبني ياعمو بالله عليك
مش هقدر ابلعه
عبد الله:خلاص يابنتي انتي حره
خلصت العمليه والدكاتره طلعو جرت عليهم
زينب:خير يادكتور خالد عامل ايه
الدكتور:الحمد لله هو كان عند خلع في كتفه
ونزيف داخلي الحمد لله قدرنا نوقفه وكسر
في رجله الشمال في الحمد لله ان شاء الله
الليله هيفضل في العنايه المركزه وبكرا ان
شاء الله هيدخل غرفه عاديه
ام زينب:الحمد لله ألف شكر يادكتور
زينب:نزلت سجدت لله سجدة شكر
ومرفعتش راسها
ام زينب مسكت ايدها وبترفعها من علي
الارض:قومي ياحبيبتي الحمد لله هو هيبقي
كويس قومي يازينب
زينب وقعت علي الارض اغمي عليها
وبعد يومين الحمد لله خالد بدء يفوق والكل فرحان
خالد بيتكلم بصعوبه: زينب...فين...مش شايفها
ام زينب وهي بتبكي: زينب من بعد مخرجت
من غرفة العمليات وهي في غيبوبه
خالد بصدم#مه:بتقولي ايه هي فين ودوني عندها
عبدالله:يابني انت متجبس والدكاتره
محرجين عليك الحركه
خالد:ياعمي زينب مالها بالله طمني وقولي جرالها ايه
عبدالله:زينب هي اللي اتبرعت لك بدمها
عشان كانت حالتك خطيره وبعد مالدكاتره
طمنونا عليك اغمي عليا ومن ساعتها وهي
مفاقتش في دكاتره بيقولو يمكن عشان
جسمها ضعيف وهما اخدو منها دم كتير
فمستحملتش وفي دكاتره قالو ان دى حاله نفسيه
خالد: عمي عبدالله اتصل علي الدكتوره تقي
وخليها تيجي دلوقتي وعرفها بحالة زينب
عبدالله اتصل علي الدكتوره اللي بتعالج زينب
فقالتله نص ساعه واكون عندك
وفعلا بعد نص ساعه الدكتوره كانت عند زينب
وعرفت كل التفاصيل وراحت لخالد
خالد:خير يادكتوره زينب مالها
تقي:مش هكذب عليك ياخالد زينب من
الحالات النادره اللي قابلتها بس اللي اقدر
اقولهولك ان زينب كانت في حالة صدم#مه
نفسيه من الحادثه بتاعتك وانها حست انها
ممكن تفقدك فقررت تدخل عالمها الخاص
وتقفل علي عقلها ومش هكذب عليك العلاج
في الحالات اللي بالشكل دا نسبة الشفاء فيه مش كبيره
خالد ؛طب والعمل بما ان العلاج مش بيجيب
نتيجه انتي كدا بتخوفيني اكتر
