رواية زينب (كامله ) بقلم هي جنتة
وحشتني اوي ياخلوده
خالد وهو بيحضنها وبيبوسها: شوفتي مين
عندنا بصي كدا
ليان: يونس هيه ( طلعت تجري عليه
وحضنته وحشتني خالص خالص يايونس
جبت هديتي اللي قلتلك عليها )
يونس وهو شايلها: وانتي كمان وحشتيني
اوي ياليان ايوا ياستي جبتلك هديتك هاجيبها
واجيلك المره الجايه
ليان: ماشي مين دول
يونس: دا اخويا مروان ودا صاحبه غيث
زينب جايبه القهوه وجايه
ليان: ماما حبيبتي انتي جيتي امتي
زينب هحط اللي في ايدي وهقولك ياقلبي
والكل اول لما سمعوها بتقول ماما بقو يبصو
لبعض بنظرات استغراب وصدم#مه
زينب حطت اللي في ايدها وشالت ليان اللي
اتعلقت برقبتها وقعدت تبوس فيها
ليان: ماما انا بحبك قوي
زينب وانا بمoت فيكي يانور عيني
بعد اذنكم هطلع انا عايز حاجه تانيه ياخالد
خالد: ايو يازينب اتفضلي اقعدي ليان روحي عند ايه وعمر
ليان: حاضر ياخالد
آسر دخل وسلم عليهم:السلام عليكم
الكل وعليكم السلام
غيث اول لما شافه بص لمروان بنظره معناها
هو دا الشاب اللي وصلها
خالد: اتفضل اقعد ياآسر
ياجماعه الكل مستغرب اللي مستغرب من
وجود اسر وزينب واللي مستغرب من وجود
يونس ومروان وغيث
انا جمعتكم النهارده عشان اعرفكم ببعض اولا زينب دى تبقي مراتي
الكل 😱😱😱😱 نظراتهم بقت مرعبه وهما
بيبصو لبعض والاخص غيث
خالد: ودا آسر اخوها
يونس: وانت معرفتنيش ليه من اول يوم
خالد: كنت عايز اقولك بس لما جيت اعرفها
ليك بس للاسف زينب محبتش تقول عشان
الاحراج وكدا ويبقي التعامل معاها عادي
بدون رسميات
يونس: الله يسامحكو
غيث حط راسه في الارض ومشبك ايديه في بعض
خالد: ايه يا غيث مش هو دا الشاب اللي
شوفتها راكبه معاه
غيث وقف وهو حاطط راسه في الارض:
أنا..أنا أسف يا خالد بيه أنا أسف يا مدام
زينب انا أسف اني ظلمتك وظنيت فيكي ظن
السوء سامحيني بالله عليكي
زينب: ربنا يسامحنا كلنا بس ياريت تتبين قبل
متظلم حد وإلا رمي المحصنات
خالد: انت مكنتش تعرف وانا مسامحك
غيث ودموع الندم نازله: انا بعتذر منكم
يجماعه وانا معتش هقدر اجي الشركه تاني
خالد: ليه ياغيث خليك في الشركه وخلاص
الامور بقت واضحه
يونس: سيبه ياخالد كدا احسن ليه
خالد: خلاص اللي انت شايفه
غيث: استأذن انا
مروان: وانا كمان ماشي يايونس بعد اذنكم
خالد فرح ان غيث مشي لانه كان حاسس انه
معجب بمراتو وكمان اكتشف انه هو اللي بعت
الايس كريم لزينب فخروجه من الشركه ريحه جدا
خالد: اتفضلي انتي يازينب
وقعدو الشباب مع بعض واتغدو ويونس كان
فرحان ان خالد لقي بنت زي زينب وام لليان
طلع خالد بالليل لزينب وخبط عليها ودخل
خالد: قاعده بتعملي ايه
زينب: مفيش كنت بذاكر
خالد: ممكن اقعد معاكي شويه
زينب: اتفضل اقعد في حاجه
خالد: كنت بس عايز اقعد ونتكلم زى زمان
واحس اننا اصحاب
زينب: في حاجه مضيقاك
خالد: في حاجات بس للاسف مش بعرف اتكلم
زينب: طب قول وانا هسمعك
خالد: نفسي ترجعي زينب اللي كانت روحها
حلوه ومرحه وبتحب الضحك والهزار لاني
مش متعود علي زينب اللي دايما ساكته ومش
بتتكلم ولا بتضحك زى متكون معادتش بتحب
وجودي لاني بلاحظ انك لما بتشوفيني
بتبصي بنظره انا مش فاهمها والابتسامه علي
علي وشك بتنطفي
زينب بحزن لانها حتي لو اتكلمت مش
هيفهمها ومش هيفهم حبها ولا نظرة الحب
الممزوجه بالحزن والحسره ان الانسان الوحيد
اللي بتحبه مش بيحبها او بيحبها وبيكابر:
بص ياخالد لو ينفع اتكلم هتكلم بس للاسف مينفعش
خالد: ليه مينفعش
زينب: لان الكلام زي قلته
خالد: طب جربي مش هتخسري حاجه
زينب: ماهو انا لو اتكلمت انا اللي بنجرح بس
خالد: بالله عليكي اتكلمي نفسي اسمعك
زينب: ياربي يابني خليني ساكته مش هينفع
خالد نزل علي ركبته علي الارض ومسك
ايديها: عشان خاطري اتكلمي
زينب. اول لما مسك ايدها بصت في عيونه:
ياخالد انا بقيت بخاف من نظراتك دي وبقيت
بخاف اي لمسه منك لاني مش قدها لاني
خلاص تعبت والله تعبت ياخالد ( وهي
بتبكي ) انا بحبك ياخالد واول مره بحب
ومليش اي خبره ومش عارفه اعود قلبي انك
زوج علي الورق بس مش قادره والله غصب
عني كان نفسي تحبني زى مبحبك بس انا
عارفه انت قلبك مش ملكك قلبك مع ليلي
وانا مقدرش افرض عليك حبي فأول مبشوفك
بفرح ولما افتكر انك مش ملكي بحزن انا
أسفه اني بقولك الكلام دا بس بجد قلبي
بيوجعني اوي لما بشوفك بالرغم من كدا
