رواية زينب (كامله ) بقلم هي جنتة
تقي:بص ياخالد اولا استعين بالله هو الشافي
وكمان نص العلاج انا هديهولها والنص التاني عليك
خالد:وانا تحت امرك في اللي تقولي عليه
تقي: عايزه زينب تبقي معاك في الغرفه دي
وياريت تتكلم معاها كتير هي ممكن تسمعك
ودا يبقي تحفيز نفسي ليها
خالد:انتي بتقولي ممكن اه وممكن لأ
تقي:خلي املك في ربنا كبير وقول يارب
خالد:يارب وعزتك وجلالك تشفيها وتعافيها
وتعفو عنها وتردها لينا بالسلامه
تقي:ان شاء الله نبدأ العلاج من دلوقتي
وكمان هكلم ادارة المستشفي وهخليهم
يجيبوها هنا معاك
خالد:ان شاء الله
عند مراد وامه
مراد بابتسامه بارده: ماما عرفتي ان خالد
عمل حادثه من يومين
ام مراد وهي بتخبط ايدها علي صدرها:
يامصيبتي انت بتقول ايه خالد جراله ايه طمني
مراد:زي القط بسبع ارواح لسه عايش هناك اهو
ام مراد: ربنا يطول عمره في الدنيا ياحبيبي
ياخالد وانت مقولتليش ليه ياداهيه انت
هتفضل زى مانتي وسع كدا هروح ألبس وهروحله المستشفي
مراد:هو انتى تعرفي هو في اي مستشفى
ام مراد: ما إنت اللي هتوديني عنده يأخرة صبري
مراد: ومالك مطروبه عليه كدا ليه ياختي دا
أنا لو مكانه مكنتيش هتقلقي كدا
ام مراد: ليه يابني بتقول كدا ليه وانت ايه
وخالد ايه وانا مهما كنت بحب خالد هحبه
نص حبي ليك بس انت اللي الغيره والحقد
ماليين قلبك وعميين عيونك ربنا يهديك
يابني قوم قوم خليني اروح اشوف اخوك
عند عمر وليان وآيه
ليان قاعده بتبكي
عمر:مالك يالي لي بتبكي ليه
ليان:بابا واحشني ياعمر ونفسي اشوفه
وكمان زوزو وحشتني
سمعتها آيه قعدت تبكي هي كمان:وانا كمان
وحشتني أبله زوزو وأبيه خالد انا عايزه اروح اشوفهم انا كمان
عمر خلاص بطلو عياط وانا هخلي عمي
عبدالله يجي يودينا عندهم
واخدهم الاتنين في حضنه وحاول عمر يكتم
دموعه عشان هو حاسس انه راجل وكبير
ومسؤول منه ليان وآيه ومينفعش يبكي زى
البنات واتصل علي عمو عبدالله اللي وعدو انه هيجي ياخدهم
عند خالد وزينب
مها ماسكه ايدها وبتبكي وخالد قاعد نص
قاعده علي سريره اللي لازق في سرير زينب
دخلت ام مراد:خالد ياحبيبي يابني ألف
سلامه عليك ياحبيبي ايه اللي جرالك دا يابني أكيد عين وصابتك
خالد: انا كويس والله يأمي الحمد لله قدر الله وماشاء فعل
ام مراد بصدم#مه: دي مين اللي نايمه دي يابني
خالد:دي زينب مراتي يأمي
ام مراد:دي شبه ليلي خالص ياخالد
خالدوهو بيتوه الكلام وبيبص لأم مراد بمعني
بلاش تتكلمي في الموضوع دا: ودي امها
الحاجه صباح ام زينب دي مرات ابويا وام
مراد وزي امي بالظبط
ام مراد فهمت: ازيك ياحاجه عامله ايه هي مالها ياختي
ام زينب: الحمد لله ياحبيبتي والله ياختي
من ساعة اللي حصل وهي نايمه النومه دي
ام مراد:ياحبيبتي يابنتي ربنا يشفيهالك
ياحاجه ويقومك بالسلامه ياخالد انا هستأذن
اصل الواد مراد واقف برا وعبدالله مرداش يدخله
خالد:معلش يأمي بس عشان زينب منتقبه
ومينفعش يدخل وهي بالشكل دا
ام مراد:ولا يهمك يابني ربنا يتم شفاكم علي خير همشي أنا
خالد:ماشي يأمي مع السلامه
ام مراد وهي ماشيه مع مراد:سبحان الله
يخلق من الشبه أربعين تصدق ياواد يامراد
مرات خالد الخالق الناطق مراته الاولانيه ليلي
مراد:سمع كدا وقف مكانه انتي بتقولي ايه يأما
ام مراد:بقولك مرات مرات الجديده شكل
مراته الاولي اكنها يبني فوله وانقسمت نصين
مراد بدأ يفرك في ايديه وياكل في ضوفره
ويعمل حركات انسان مش سوي نفسيا
ياتري ايه الحكايه ودا اللي هنعرفه في الفصل
القادم ان شاء الله
السلام عليكم ورحمة الله وبركاته
احبتي في الله معاكم اليوم الفصل الثالث عشر
زينب
بقلم هي جنته
خالد قاعد علي سريره وماسك ايد زينب
خالد: عارفه يازوزو نفسي تكوني صاحيه
واقعد اتكلم معاكي كتير واكتر حاجه عايز
احكيها هي حكايتي انا وليلي (وهو بيرجع
راسه علي المخده اللي وراه ) اااااه ياليلي
كانت اجمل حاجه في حياتي واجمل حاجه
حصلتلي اول يوم شفتها فيه كانو نقلين جداد
في حارتنا وكانت بتشيل مع ابوها وامها ولما
شوفتها انا ومراد قررنا نروح نساعدها
خالد:السلام عليكم ياعمي احنا جيرانكم في
الشقه اللي قبالكم دي وجايين نساعدكم انا
خالد ودا اخويا مراد
ابو ليلي:اهلا وسهلا يابني بس مش عايز اتعبك معايا
مراد وهو بيبص علي ليلي: تعبك راحه ياعمي
ابو ليلي:انا عمك ابراهيم ودي مراتي حوريه
ودى بنتي ليلي معنديش غيرها
خالد وعيونه من ليلي:ربنا يباركلك فيها ياعمي
ابو ليلي:ويباركلك يابني
طلعنا العفش كله في الشقه ورتبنا شويه
معاهم وعمي ابراهيم حكم علينا لازم نتغدى
عندهم واحنا علي الاكل
مراد:والانسه ليلي في ايه
