رواية عروس الصوجر

الخاص
بارق معناها راح يتعب نفسه اكثر ويجرها لامور هو بغنى عنها
رهف مممم هذا ليش لهلدرجه مهتم للموضوع !!!!
بعد ما كمل بارق كلامه وي محمد طلع من البيت ووجهه عليه علامات الڠضب والخيبه لحد ما صاحت وراه .........
رهف لحظه
بارق نعم 
رهف انت تعرف خطيبة عرفان 
بارق وشنو المهم اعرفها او لا 
رهف من طربقة دفاعك من شوي اعرف انت تحبها صح 
بارق شنو 
عن اذنج عندي شغل
رهف بس اني عندي طريقه تخليك تحصلها
بارق رجع وصار كدامها مافهمت
رهف اني مثلك الحب مخليني امشي بعيد
بحيث مستعده اقتل علمود عرفان يكون الي
بارق تريدين تقتلين خطيبته 
رهف لا ابدا بس نقتل احد من اهلها وانت بدورك تثبت التهمه على عرفان
بارق بس هيج انتي راح تخلينه ينسجن !!
رهف لا ماراح تطلع القضيه برا السلف
تقنعني انت ما عندك سلطه على قسم واحد
هاك هذا رقمي من تفكر عدل وتحس روحك مقتنع وعندك الجرأه تدوس على كلشي علمود حبك
راسلني واحجيلك الخطه
سلمته الورقه الي كاتبه بيها الورقه وراحت وهي حاسه بالامل بعد ما التقت ببارق
بس بارق جان خاېف على زهراء وان شكد نسبة نجاح هالخطه 
واحتمال راح يخسرها للابد لو انكشفت الخطه
.....................................................................................................
عرفان راح لمكان ابوه وجان كالعاده مشغول ومجتمع وي جماعته وحاول بوقتها ان يشرحله اهمية الموضوع الي جاي يحجي بي وياه بس هو
جان مبسط الامور وكل الوقت يكوله خليها بعدين
عرفان ممكن يا جماعه تتركونا وحدنا
استغرب الكل والبعض باوع لساهر وهو انحرج وبقى حاله حالهم مصډوم وجان يباوع لعرفان بنظرات ڠضب
بعدما طلع الكل ....
ساهر انت شلون تسمح لنفسك تحجي واني موجود 
عرفان اريد احجي وياك كأبن
اسمعني ولو مره وحده
ساهر شتريد 
كعد على الكرسي وهو يشغل نفسه ويلم الاوراق الي على الطاوله ...
عرفان اريد اطلق ثريا
ترك ساهر كلشي وباوع پصدمه اله وبعدها حجا وياه بنبرة ټهديد.....
ساهر شايف اذا تعيدها انت مو ابني ولا اعرفك
عرفان بتحدي راح اطلقها لو شنو يصير
ساهر هاي اكيد سوالف امك
هي معبيه راسك مو 
عرفان تعبي راسي شنو 
مو طفل اني يمكن انت ممنتبه عمري بالثلاثينات
ساهر بعصبيه وصياح فهمني شنوو الخلاك تفكر هسه بهيج قرار 
عرفان ضيعت هواي من عمري لخاطرك
وهسه لكيت الشخص الي يستاهل اضيع كل عمري وياه
ساهر يعني قدمت وحده على ابوك 
عرفان اسمها زهراء وهي نفسها خطيبتي وقريبا تصير زوجتي
ساهر كام وهو يحجي بتعالي ما تتزوجها وحتى لو تزوجتو ماراح اخليكم تعيشون يوم مرتاحين
عرفان هذا الي اتوقعه دايما من ساهر
ساهر مااتقبل ان ابنه يحجي ويا بهذا الاسلوب ضربه على وجهه ....
ساهر لك ابن الكلبه انت تحجي هيج وياي 
ولك زلم كبار ما سووها
عرفان بأبتسامه اني رايح وثريا ماراح اخليها يوم زياده على ذمتي
وانت مثل ما قنعتني ان زواجي منها خير
قنع ابوها طلاقها مني خير
ثريا ماجانت تحب زواجها من عرفان وجانت مغصوبه عليه مثل ماهو مڠصوب عليها ومع ان هي ما تكدر تخلف الا ان عرفان جان متقبل هلشي
بقى عرفان وبكل حماس وامل يحضر اكثر من جلسه الى ان تم الطلاق بيناتهم وراح العائق الي بينه وبين زهراء
بس هو بنص احلامه ماجان يدري ان الجاي اصعب من مجرد جلسة محكمه
وان التحديات الحقيقيه لحبه هسه بدت
ببيتنا جانت الوضعيه ملخبطه وماجنت اعرف شلون اخبر ابوي ان عرفان مموافق ولا راح يفصخ الخطوبه جنت خاېفه اكثر شي من رده فعل سامح لان لو درا اكيد ماراح يسكت ولا يمررها بسهوله
لذلك حسيت ان اني مجبورة اختار بين ان اكول لابوي مااريد افصخ خطوبتي او اكللهم ان عرفان ڠصب ناوي يتزوجني ووقتها مااعرف شنو
راح يصير من مشاكل وي شخص مثل عرفان
فكرت بهواي طرق واخر شي توصلت اله ان اروح لبيت خالتي واني احاول افهمها كلشي بلكي تفهمني او علاقل تنصحني شسوي
خليت فرح بالبيت وكلتلها تكللهم ان اني رحت للخياطه رحت واتذكرت الحقل مالتهم ومن هناك سألت ودلوني على بيتهم
بين ما جانت زهراء تدك بالباب رهف جانت تباوعلها من بعيد وتتسائل منو هاي الغريبه 
فتحت الباب ريام وتفاجأت من شافت زهراء جانت تعتقد ان بعد ماجاهم ابوها مستحيل تشوف زهراء مرة ثانيه
ريام هلا حبيبتي شلونج 
شخبارج حيييل مشتااقين
زهراء الله يخليج بخير اني اشوق والله وانتي شلونج 
ريام الحمدلله على الله
زهراء خالتي هنا 
ريام تفضلي موجوده جوا
دخلت زهراء للبيت وسلمت على ام عرفان الي جانت خجلانه منها بسبب ان مازارتها ولا مره بعد الي صار وجانت معتقده ان زهراء جايه حتى تعاتبه
زهراء خاله اني اجيت حتى اكولج شي
حيل متعبني هلفتره ومااعرف اذا راح تفهميني او لا
ام عرفان احجي ان شاءالله راح اساعدج بكل وسيلة
زهراء بعدما تنهدت وباوعت لريام بعدها لخالتها وبصوت خاڤت خاله عرفان كال ان هو رافض فصخ الخطوبه وابوي سامع كلام منج مختلف
ومااعرف شنو نهاية هالعناد مالته
اني خاېفه على ابوي واخوي
يعني اكيد هلشي ما ينسكت عنه
ام عرفان يمتى حجا وياج 
زهراء تقريبا اول البارحه يمكن يومين هيج
ام عرفان والله يا بنتي اني حتى طردته من البيت وحرمته عليه
ماادري شسوي اكثر
حاولي تكليله انتي رافضته هم
زهراء ليش اني ماكلتله 
والله كل مره اشوفه اكله هلشي بس هو متجاهل وماخذ الموضوع بدونيه
ام عرفان الله كريم لتخافين اول ميجي محمد اكله يجيبه لهنا واحاجيه بلكي الله يهديه
زهراء شكرا خاله ما تقصرين
ويريت تفهمينه ان مايجي صوبنا مرة ثانيه
لان ابوي اذا شافه راح تصير مشاكل
ام عرفان ان شاءالله حبيبتي
زهراء يلا من رخصتج لازم ارجع بسرعه
عذريني اخاڤ دوختج بمشاكلي
قد يعجبك أيضا
ام عرفان بنيتي هو لب المشاكل اني وولدي
انتي عذرينا
طلعت زهراء و رهف جانت جايه حتى تلحك عليها ........ 
رهف صاحت على زهراء وهي تمشي مسافه يبنيه 
التفتت زهراء وهي ممتأكده اذا رهف تقصدها .....
رهف اي انتي لحظه انتظريني اريد احاجيج
وكفت زهراء بمكانها متنطرة رهف توصل يمها .......
رهف بعدما وصلتلها انتي اكيد خطيبة عرفان صح 
زهراء لا راح ننفصل قريبا
رهف هاااا اي بس عرفان من كم يوم خبص الدنيا وعاف البيت
ماقبل ينفصل
زهراء انتي شتصيريله 
رهف هو ابن عمي
زهراء معناها يمكن عندج قدر عنده يريت هم تحاجينه اكون ممنونتج
رهف ان شاءالله تدللين
بس اني لان مااحب يصير بذمتي والله شاهد خاېفه عليج لان مالج ذنب ومبينه خوش بنيه
اريد احذرج من عرفان
يمكن ينتقم منج بأقررب الناس الج
زهراء معقوله 
زهراء شنو 
زين الله يخليج حاولي وياه
اني مااريد شي منه بس يعوفني بحالي
وكل الفلوس الي اطوها النا ارجعها فلس فلس
رهف بس ديري بالج مثل مكلتلج والله يخلصج من هالورطه
راحت زهراء وبكلبها خوف جبير خصوصا بعد ماسمعت هالكلام من وحده قريبه منهم وتعرف شنو ممكن يسوون
..................................................................
عرفان جان بطريقة حتى يكلم ابو زهراء بالموضوع ويحاول يقنعه ان زواجه الاول انتهى والسبب الي مخلي رافض لهلعلاقه ماموجود
وصل لباب البيت وبقى دقايق واكف ويذكر نفسه انه ما ينفعل و يزيد الطين بله
بس الباب انفتح وجان سامح طالع ........
عرفان السلام عليكم
سامح وعليكم السلام
تفضل محتاج شي
عرفان اني خطيب زهراء
اانت منو اول مرة اشوفك 
سامح اني اخوها بس جنت برا السلف فترة
عرفان لا كملت السبحه
سامح شنو 
علافان اذا امكن تصيحلي ابوك محتاج احجي وياه
سامح تمام
تفضل
بالبيت...................
ابو زهراء جان حيل متردد يقابل عرفان الي تورط سامح وډخله للبيت .
دخل ابو زهراء بالاخير وعرفان اول ماشافه كام وسلم عليه .
عرفان بعد ماكعد ابو زهراء حجا وهو مدنك اني اجيت حتى اكلك ان طلقت مرتي وماله داعي ان نفصخ الخطوبه
ابو زهراء وهو يتأتأ بس بعد عمك مو بس زواجك مخلي البنيه كاشه منك
عرفان اكو سبب ثاني 
ابو زهراء تكول دايما تهددها و شغلك وي ابوك
عرفان كله راح اعوفه
ابو زهراء وهو مستغرب هذا الكلام تحجيه للبنيه
واذا الله كاتب قسمه ما صير غير الكاتبه الله
عرفان هي موجوده 
اكدر احاجيها 
ابو زهراء لا والله طالعه
اذا تريد تكدر تنطرها هسه على جيه
دخلت لبيتنا وشمرت القماش الي جنت لازمته على اساس رايحه للخياطه وتلكتني فرح وهي تحجي بصوت ناصي
فرح خااااب عرفان جوا وي ابوي صرله ساعه ناطرج
زهراء شنوووو
ما صدكت وتخيلت يصير شي مرعب او يتعاركون وياه و تذكرت كلام رهف واني ارجف كلت لفرح رايحه بسرعه قبل ما يصير شي
دخلت للمطبخ وابوي جان هناك ........
ابوي هلكد تضلين عد الخياطه هذا عرفان متنطرج بلا فوتي وشوفي شسالفته
زهراء يلا يلا رايحه
دخلت واول ماشافني ابتسم ورا شوي تحولت ملامحه وصار عابس .........
زهراء ليش اجيت 
عرفان اجيت اكلج اني طلقت زوجتي
زهراء طلقتها 
وليش 
عرفان حتى ما ننفصل
زهراء بس اني ما اهتم لزواجك
شخصيتك هي الي خلتني افكر بالانفصال
عرفان اذا على تصرفاتي القديمه اني جنت كاره كلشي بحياتي
وهذا تصرفي وي الكل
بس هسه اختلف الوضع
زهراء شنو الي اختلف 
عرفان هسه حبيت هواي شغلات و راح اصلح كلشي
اذا انطيتيني فرصه ثانيه
زهراء الله يخليك عوفني بحالي
الله يسعدك ما بيناتنا نصيب هي مو كوه
عرفان هذا كلامج شنو سببه 
بالبدايه جان السبب زواجي ومن طلقت صار شخصيتي ومن كلت راح اصلح نفسي كلتي هيج
يعني كلشي جاي تكولينه حتى اعوفج 
زهراء من البدايه الزواج جان ڠصب عني واني مجنت موافقه
عرفان واني اكلج انفصال ماكو لو انجبرت احړق الاخضر واليابس هم ماراح اعوفج
زهراء كلتلي بنت عمك بس جان عندي شكوك ممتأكده
وهسه اني اتأكدت انت ممكن توصل لمستوى بعيد من الۏحشيه
لذلك مااريد اعيش وي شخص مثلك
عرفان اتقرب وصار كدامي ورفع اصبعه وېهدد واكيد بنت عمي حذرتج هم لذلك اسمعي واتذكري كلامي احسن الج تفهمينهم ان انتي تراجعتي عن قرارج
وعندج يومين لا اكثر ولا اقل حتى تقررين وبعدها اعذر من انذر
طلع هو يحجي بينه وبين نفسه هو صوجي اني مسايرج واريد الحسنه وياج
سامح هو شنو يريد
زهراء ولا شي
اعتذر مني وكال ان طلق مرته
ابوي وانتي شكلتيله 
زهراء ماادري كلتله افكر بالموضوع
سكت الكل الا فرح جانت شاكه ان هذا مو كلشي حجينا والخۏف الي بعيوني جان مبين الها
......................................................................................................................................................................................................
بالجانب الثاني بارق جان محتار وبالاخر لزم جهازه ودز رساله لرهف الي طارت من الفرح اول ماشافتها
واتفقو بيناتهم على اول خطوه ومساعده من بارق ومعلوماته
وهي ان عرفان يشك بزهراء هي على علاقه بشخص ثاني لذلك تريد تنفصل عنه وهلشي تكفلت بي رهف
على شرط ان بارق مايخطي خطوه الا بعدما يشاور بيها رهف حتى مايكعو بأخطاء تهلكهم
..............................................................................................................................................................
ام عرفان اول مااجا محمد خلته يتصل بعرفان الي اجا بسرعه لان جان ببيت زهراء ومناك اجا مباشرة
عرفان بعدما سلم ....
ام عرفان اكعد
كعد عرفان وهو يباوع على محمد ويهزله راسه بمعنى شكو 
ام عرفان اليوم اجت زهراء وحاجتني
البنيه حيل متأذيه منك وخاېفه على اهلها
عوفها وكابل مرتك احسن
البنيه مالها نفس بيك مو كوه الزواج
عرفان اني طلقت مرتي
محمد شنو
ام عرفان شلون 
ام عرفان اڼصدمت من جدية عرفان لدرجه طلق مرته حتى يتزوج منها ......
ام عرفان انت طلقت مرتك بسبب شي احتمال ما يصيرلك نصيب بي 
وبلا زواجكم ماصار
شنو