رواية عروس الصوجر

راح هسه يكللهم ماعند بنيه للزواج
سامح و شنو سر هذا التعيير 
خاف عنده مصلحه ثانيه 
فرح لا بس هو من ماټت بيبي ولليوم تغير
بهلأثناء اجا ابو زهراء وصار كدام ابنه سامح اجيت .
سامح راجع بس اريد اشوف البنات
ابو زهراء وين راجع
ابقى هذا بيتك
سامح لا مو بيتي هذا بيتك
ابو زهراء ليش تريد تعاقبني على شي مالي ذنب بي
انت مقتنع انا اكتل ابني
سامح بقى يباوع على المنطقه ومتجاهل ابوي بس بالاخر حضڼ ابوي.......
سامح اني متحامل عليك بس ماكرهك ولا اكلك انت كتلته
فرح تعالو ندخل
شلون بحت مسويه زهراء
زهراء وهسه وكتها
فرح هسه ديلا
شهلدراما
يلا بويه وكللنا شصار وياك هناك
دخلو للبيت وصبتلهم فرح وياكلون ولاول مره من فتره طووويله الوجوه مستبشره ولاول مره البنات يكعدن بهلقرب من ابوهن
زهراء اي بويه شصار شكالت ام عرفان 
الاب كولي خالتي
فرح شلون يعني
الاب سماهر نفسها ام عرفان
خالتجن اخت امجن
فرح شنووو
سامح وين عرفتنا ورا كل هالسنين
زهراء مستحيل
الاب جانت تراقبنا كل هالسنين وتعرف مكانه
زهراء اكيد ضاجت من كلتلها نفصخ الخطوبه 
الاب لا والله لكيتها متضايقه من ابنها
وحتى طاردته من البيت
وكالت اني مااريد يعيشن نفس عيشتي
فرح خطيه
بس ليش ماكالت ان هي خالتنا 
الاب شوفو بويه
اني دايما جنت اشوف معاملة جدتكم وجنت اعتقدها تعاملكم هيج بقصد تعلمكم وماكدرت يوم اكون ابو وامنعها عنكم
جدتكم جانت مسويه اعمال سوده وانا مالي علم بيها وهذا خلى سماهر ماتكدر تقربلكم
زهراء اني اعرف لذلك من دريت بيها لفقتلي تهمه ورادت تخليك تكتلني
الاب كام وباس راس زهراء عذريني بويه انا الغلطان والشيطان شاطر
بعد مااخلي احد يدنى منكم وانا عايش
.....................................................................................................................................................................................................................................................
عرفان بالبيت .............
ثريا زوجة عرفان شنو شبيك اليوم مو على بعضك
عرفان مابي شي
ثريا شلون مابيك شي 
عرفان ليش تلحين 
كلتلج ماكو شي
وخري عني
كام من كدامها وخلاها صافنه شبي هذا الحمدلله والشكر مو صوجك
تلفلف عرفان بفراشه وجان يفكر بدون توقف بأمه و شلون راح يصلح كل هالاغلاط الي خلص عمره وهو متجاهلها
بس شلون يصلحها بدون ما يأذي ابوه 
بكل الاحوال ساهر جان راح يتأذى لو طلق عرفان زوجته الاولى او ما طلقها
فبارق جان يشتغل ليل نهار حتى يلزمه
و شلون يصلح علاقتة بأمه وېخرب علاقته بأبوه
واذا ترك زهراء الشي الي ضاف على حياته كلمة باجر بعد ماجان اسير للبارحه وذكرياته
جان اكو مشاعر دفينه ما جان عرفان يتجرأ يحس بيها بسبب شخصيته الي صقلها ابوه على العڼف والحقد والاڼتقام
عرفان الطفل المطيع لابوه والي جان طول عمره لعبه بيد ساهر يسيرها وين ماصارت مصلحته
لذلك لما جان يحس بشي اتجاهه جان يسوي العكس من افعال تخلي يحس ان هو مسيطر على مشاعره ويكدر يكره او يحب بكيفه وبمزاجه
نفض نفسه وكام على حيله وهو ياخذ محفظته من على الميز ثريا الي جانت يمه متمدده ودايره وجهها
ثريا شكو
عرفان ماكو شي
اني ماارجع اليوم
ثريا اي غير نعرف وين رايح
بس عرفان تجاهلها وطلع بسرعه للبيت وراجع لبيت اهله......٤٥
طول الطريق جان يفكر ان يترك كلشي و يلازم امه الي دايما جانت مختلفه عن ابوه
جان يفكر ان رجع الامل لحياته وبعده ممتأخر ويكدر يصلح كلشي
بس مو دايما الانسان يحصل الي يريده ولا يصيرله الي متوقعه ومتأمله يصير
لما وصل للبيت جانت ام عرفان رافضه تلتقي بي بس هو اصر واتنطر طول الليل كاعد بصالة البيت
حتى محمد جان يحس بالقهر عليه لان من زمان جان متأكد اليوم هذا راح يجي
اليوم الي عرفان يعرف ان ابوه وكل افعاله وياهم جانت مجرد سترة امان اله
لذلك محمد جان كاعد يم عرفان
محمد اذا تريد امك ترضى عليك
اترك زهراء
عرفان ليش
مو نفسها امي جانت تلح عليه 
محمد جانت
بس هسه بعد ما عرفتك متزوج مستحيل تقبل تزوجك لبنت اختها
عرفان بنت اختها 
محمد اي زهراء تصير بنت خالتك
عرفان يعني جانت امي مخططه لهلزواج من البدايه
محمد اي
وكلتلك لازم تعوف زهراء 
عرفان ما اعتقد امي تريد هيج شي
دخلت ام عرفان للصاله ووكفت كدام عرفان كلام محمد صحيح
فرك ايديه وهو محتار ويباوع للارض اذا جان هلشي بسبب زواجي
اني راح اطلق زوجتي الاولى
ام عرفان مو بس لهذا السبب
السبب انت نسخه من ابوك
نفس الخسه والنذاله
نفس الانانيه
تعاملون الناس برخص وانتم الغالين والحقيقه انتم عفن عفن ماراح ينظف
ومستحيل تتغيرون
محمد يمه بس عرفان جاي ........
ام عرفان انت لا تتدخل
وخليني اوعيه على نفسه
عرفان بعد ماكام كافي يمه حجيتي كلام
صرتي بي متعادله وي ابوي 
انتي تعرفين ليش لزمت طرف ابوي 
لان جنت احس بالضعف يمج
خليتيني اربي اطفال بعمري
وصرت ام الهم وخادم الج
وبعد كل هذا اليوم صرتي نسخه من ابوي هم
محد بهاي الحياة كامل واني ما مصر على غلطي
بس يمه انتي مصره
ام عرفان جانت تبجي بس على موقفها وماتغير اطلع من البيت ولا ترجع ابد
محمد لزم ايد عرفان يمه عرفان ماله ذنب بشي
ام عرفان اذا تريد انت هم اطلع ورا
عرفان طالع مايحتاج
راح عرفان من البيت واڼهارت ام عرفان وهي تبجي ......
ريام حضنتها عمه ليش هيج سويتي هو جاي يراضيج
ام عرفان هو مراح يتركها
لو يريد جان كال
محمد يعني هسه بعد الكلام الي سمعتي اله راح يتركها 
ام عرفان الله يعلم
ان شاءالله يعوفها 
محمد والله
يمه صاير تفكيرج غريب
عرفان جان برا ومايكدر يرجع للبيت لان مايريد يشوف ثريا ويتذكر ابوه وبيته ممرحب بي جواه
بدا يتمشى وهو مهموم وماحس الا وهو كدام بيت زهراء توقفت رجليه و طلع ايده من جيبه وهو يحك راسه ويباوع على البيت ويتأمل شنو تسوي زهراء
نايمه لو كاعده فرحانه لو تفكر ولو شوي بي
فجأه سمع صوت بنات يضحكن من وراه ولما الټفت
شاف زهراء ووياها اختها طالعات من بيت عمهم
زهراء اول ما شافته خاڤت وتبسمرت بمكانها وفرح تباوع عليها ......
تنهد عرفان وتقدملها .......
عرفان انتي طلبتي من امي تفصخ الخطبه 
زهراء بلعت ريقها وجانت تعتقد ان هو ناوي ينتقم او يأذيها لان جان بعيونه حقد وڠضب
زهراء اني ماطلبت ابوي هو شاف هيج
ارتاح عرفان شوي لما عرف ان مو هي تريد تفصخ الخطبه وان ممكن تكون عندها رغبه بالزواج
عرفان يعني انتي ماعندج ايد بهلشي 
زهراء لا
عرفان وشنو رأيج 
زهراء بشنو 
عرفان يعني ماراح تعترضين على قراره 
زهراء لا
انت متزوج و هلشي صعب
وهواي امور تخلي الواحد يكره يرتبط بيك
عرفان مثل شنو 
زهراء تتسلى بالناس مثلا
عرفان ابتسم ع الخفيف تمام
بس هاي 
زهراء و شسمه تخوف
عرفان اخوف
زهراء ما منتبه على نفسك ماتحجي مثل الناس العاديين اذا ما تستخدم كلمات ټهديد
عرفان صفن ولكا نفسه فعلا هيج يسوي بس هاي بسبب تربية ابوه وحس بوقتها ان يكدر يتغير
عرفان بس ذني كلهن مامختارهن اني
تربيت عليهن
يعني تشوفين اني مااكدر اتغير
زهراء امك او خالتي وافقت على فصخ الخطوبه
واحنه مابقى شي يربطنا ببعضنا
عرفان بس خالتج مو بكيفها
اني مموافق
زهراء اهووو
انت ماراح اخلص منك 
عرفان الحب شي عرفته بعد ٣٤ سنه وكدرت اعترف بي
بس انتي طول عمرج ماراح تفهمينه
ولا راح تكدرين تحبين احد
الا لما تعرفين ان الشخص مهما كان سيء ممكن يتحول لشخص ثاني افضل مع الوقت
يمكن احد محتاج مساعده حتى يرجع طبيعي
يمكن انكسر و محتاج شخص يرممه
سكتت زهراء فجأه وماعرفت ترد
حست انها بمتاهه كدامه ما فهمت نص تلميحاته بس الي فهمته خلاها تحس بالۏجع
ۏجع جان مبين عليه
بس المفاجأه ان عرفان بدون اي كلام راح من يمهن وقبل حتى ما ترد عليه
.......................................................
بالبيت .......
زهراء هو ليش حجا هيج 
فرح يمكن متعارك وي امه
لان كال حتى لو موافقه اني مموافق
زهراء بس ........ اليوم احس التقيت بشخص ثاني
ما لاحظتي شلون يحجي يعني هاي اول مره يروح بدون ما يضوجني
فرح تعدلت من نومتها يمكن يحبج من صدك 
زهراء كولي غيرها 
ويمكن جاي يقشمرني حتى يورطني
فرح وين يقشمرج
اصلا هو يعرف ان انتي متكدرين تكولين لاحد مااريد افصخ الخطوبه
ماتشوفينه سألج عن رأيج 
وابوي اخذ كلمه منهم
ما كدر عرفان بليلتها يرجع للبيت واجر غرفه بفندق بمركز المدينه مجان كادر ينام وفجأه اجته رساله ......
رقم غريب هلو شنو هالايام ماكو 
عرفتني اني رهف
عرفان يلا هي ناقصتج بس انتي
رد عليها هلا رهف
عندي شغل وجياتي لاهلي صايره قليله
رهف بعدك كاعد 
عبالي نايم وكلت دزيتله بوقت متأخر
رد عليها لا مو مشكله كاعد اني
رهف اي شخبارك
عرفان يربي تريد تسولف
غلق جهاوه وشمره على الجربايه راح يم الشباك وفتحه وهو يتنفس اكثر من مره هوا الشارع المزدحم
عرفان شلون راح تتصرف يا عرفاان
...................................................................................................................................................................................
بارق بالقسم ومتوجه لبيت الصوجر لان محمد تأخر عليه واستعجاله حتى يتخلص منهم دفعه ان يروح لبيتهم ويلتقي بي
جان جدا فرحان بأنه راح يحصل على زهراء بعد ما تتخلص من عرفان وماعنده اي مانع يستخدم اي وسيله حتى يحصل عليها
ببيت الصوجر .....
محمد عرفان ما يرد عليه
ام عرفان متجاهله كلام محمد ريام اليوم ماكو مشمش
ريام والله البارحه خبلني وهسه طكاها نومه
معناها بليل هم نفس الضيم
دخلت رهف الي ماخذه الدنيا بالساهل وما تعرف ان اساسا البيت وضعه جدا كئيب وهلشي انتبهتله اول مادخلت
رهف السلام عليكم
الكل وعليكم السلام
رهف واكفه وما كعدت شنو صاير شي 
محمد لا سلامتج تفضلي اكعدي
ريام كايمه اسويلكم جاي
رهف انطريني جايه وياج
ريام تعالي
دخلن للمطبخ ورهف كل همها تعرف الي صاير وبدت تستوجب ريام وتحاول تسحب منها الكلام
رهف شنو شصاير 
مو على بعضكم 
ريام والله عرفان طلع مسويله سالفه وخربلنا فرحة خطوبته
رهف يمه ! عزا ! واني اكول مااشوفه بالبيت هلايام
ريام اييي و عمتي منعته يرجع لهنا
رهف جذب اوف خطيه عين ومصلت على النبي
زين هو شنو الي مسويه و هيج عمتي تسوي وياه 
قد يعجبك أيضا

ريام تقربت من رهف اكثر وهمستلها متزوج من سنين وماكايللنا
وخرت ريام وبقت رهف فاتحه حلكها من الصدمه ........
ريام اي مثل ما سمعتي خيه
رهق جدا تضايقت جانت تفكر بطريقه حتى تتخلص من زهراء وهسه صار عدها مشكلتين بدل الوحده
رهف جانت ملازمه عرفان من الصغر وتشوف بي فارس الاحلام المثالي من كل ناحيه حتى لما جان يضايقها بكلامه او يتجاهلها جانت تستقبل منه وكأنه كلام غزل
بارق برا بعتبة الباب دك مره ومرتين الى ان طلعله محمد ورحب بي ودخل ..........
البنات جانو بالمطبخ لما سمعو صوت الترحيب والسلام بين بارق والبقيه .......
ريام هذا بارق
رهف منو هذا 
ريام هذا من الدوله مايجي ورا بس دوخة الراس
رهف ليش شسوا
ريام بخطوبه عرفان اخذا واعتقله ايام وبعدين طلعه بمزاجه
رهف اهااااا
ريام هسه اكيد جاي على مصېبه جديده
بس لا ياخذ محمد
رهف بقت مركزه على بارق و كلامه ........
بارق عرفان ماكو
محمد والله طلع البارحه
بارق اممم
عرفان عليه اكثر من قضيه ومن اطلقت سراحه اخذت ضمانات منك
وهسه صار لازم تنفذ كلامك
ام عرفان بأستغراب ضمان شنو 
محمد وعدته ان راح اكوله بأسماء ناس اعرفهم 
ام عرفان بس هيج 
محمد اي المفروض بس هيج
بارق عرفان اقتنع بفصخ خطوبته 
محمد والله الصراحه لا
بارق بأنفعال بس ابوها كال ان حضرتكم وافقتو 
ام عرفان طبعا وافقنا
بس ابني هم مو طفل
يعني اله رأيه