رواية عروس الصوجر

الحصلته هسه 
عرفان مستحيل اسمح لاحد ياخذها غيري
اذا ما اتزوجها اني مو رجال
ولا اسمي عرفان
محمد رجعنا لنفس الموضوع
ام عرفان انت ليش تعاند 
وشتريد منها 
عرفان هواي ناس
حيل هواي مرو بحياتي واني اشوفهم يروحون ولا مهتم
بس هاي ماادري شسوت بي
اريد اكللها لا تروح بس هي تخليني ارجع عرفان الاولي
كلما اريد اتغير علمودها
محمد انت تحبها .
عرفان وهذا الخرط كله هسه حجيته شنو 
ام عرفان معناها انت سوي الي تريده شرط متأذيها
حاول تشرحلها وتفهمها
البنيه خاېفه منك ومن تصرفاتك
عرفان جنت يمها من شوي
محمد اي وشكلتلك 
عرفان كالت مااريد علاقتك
محمد وانت شكلت 
عرفان كلتلها رضيتي او لا مو مهم بالاخير ڠصبا عليج
محمد ديلا بلا
الله يساعد البنيه
عرفان شكللها 
تدللين 
ام عرفان حاول وياها وراح تفهمك بالاخير
الفهمته منها ان هي خاېفه منك
مو تكرهك
عرفان هو اني عاضها بيوم من الايام حتى هيج تخاف
دخلت رهف وهي تتلوى ومسويه نفسها دلوعه .
رهف السلام عليكم
محمد و ام عرفان وعليكم السلام
عرفان لا يا الله
محمد كام بعد ما صاحتله ريام ........
بعد ماكام وسووا نفسه مشغول وعنده موعد
عرفان يلا اني رايح
رهف لحظه وين اني جايه علمودك
عرفان علمودي شكو
رهف مادام عمتي موجوده اكعد خلي احجيلك شغله ...
رهف اني اليوم جنت بطريقي وقابلت بنيه وتبين بعدين هاي زهراء الي هي خطيبتك ولما كلتلها انتي خطيبة عرفان عصبت عليه
عرفان اي 
رهف اي واني كلتلها ان عرفان مشتريج وحابج وميريد يضرج
بس هي كالت هاي مو مشكلتي
اني انجبرت عليه 
والصراحه يعني
ام عرفان احجي شنو 
رهف والله مااعرف شكول
بس اني كلت لخاطر عرفان لازم اكول ومااخلي المي من جوا
عرفان غير تحجي
رهف هي تحب شخص ثاني
ام عرفان شنو
لا مستحيل
مااعتقد
رهف لا عمه ثقي بالله هي هيج كالت
ام عرفان بس ترا زهراء واختها مسجونات بالبيت واصلا بيبيتهن جانت متخليهن يطلعن
رهف لا عمه دخلييي افهمج
ترا هي قبل لا تخطبوها
مشتهره بالسلف ولازمينها وي واحد
عرفان شنووو
رهف اي والله وتكدر تسأل بالسلف كله
ام عرفان مستحيل جنت
راح اصدك بهيج شي
عرفان طلع ومعصب والدنيا طالعه من عينه .....
عرفان تستشرف عليه
عرفت هسه ليش متريد تتزوج
اني اعلمج بسيطه
دخلي يمرن هليومين وشوفي شسوي بيج
..........................................................................................................................................................................................................................
رهف والله عمه هذا السمعته
ام عرفان لو محاجيه يم عرفان
رهف ليش عمه لازم يعرف خطيه
ام عرفان لو كايلتلي واني افهمه الموضوع
هسه يتهور وشوف شيسوي من مصېبه
رهف بداخلها خلييي يسوي هو هذا المطلوب
اليوم الثاني جنت مقرره ان استمر بالعلاقه هاي حتى لو اخذت مني سنين عمري بدل ما تاخذ مني شي اغلى منها
فكرت بسامح وبأبوي وحتى فرح مااعرف لوين يوصل عرفان 
جنا كاعدين نطبخ الغدا .....
فرح شنو هسه شتسوين 
زهراء راح اوافق طبعا
هو ان يمتى ارتاحيت حتى ارتاح هسه
خليها على الله
.......................................
عرفان جان يفتر عسى ولعل يلاقي زهراء
كان محتاج يفرغ كل هالغيض بس مايعرف شلون وعليمن
ما يحتاج غير يحاجي زهراء ويعرف اذا الي سمعه حقيقه او اشاعه لان يعرف نوايا رهف وشكد هي تغار عليه
بس ولا مره سمحت الفرصه ان يلتقي الاثنين
بس ام عرفان عرفت ان الطريقه الوحيده حتى تحافظ على زهراء وحياة ابنها ان تروح للحلقه الاضع الي هي زهراء لان من المحال عرفان يقتنع ويعوفها
راحت ام عرفان زيارة لبيت زهراء وهناك طلبت منها ان تنطي فرصه وان هو شاريها وميريد غير رضاها وقدمتله عروض جدا ثمينة بس زهراء جانت من البدايه مقرره توافق وبالفعل رجعت ام عرفان وبقلبها فرحه ما احد يكدر يتخيلها
وعرفان لما عرف ان زهراء وافقت جانت الفرحه ناقصه بسبب كلام رهف الي اتهمت بي زهراء
بس عرفان وبعد تفكير قرر يخلي هالموضوع لما بعد الزواج
وفعلا تم الزواج بين عرفان وزهراء وهو ما مصدك يمتى يصارحها بالكلام الي سمعه عنها
طول الحفله الي اساسا محد حاضرها غير العائلتين وفرح راحت وي ابوها للبيت
جانت رهف تبز زهراء بالحجي وتسولفلها على طفولتها وي عرفان
بس مجانت تدري ان زهراء بغنى عن كل هالتفاصيل وسارحه بخيالها البعيد عرفان جان كاعد يمها لما قرر يقطع كلام رهف زهراء مجانت مهتمه وسارحه .....
عرفان شبيج
بدون متباوعله زهراء مبي شي
عرفان من يحاجيج احد باوعيله
التفتتله زهراء وبضحكه بارده ها 
عرفان وهو يباوع بعيونها اي هيج احسن
رهف عرفان جوعان اصبلك اكل 
زهراء بعدما باوعت لعرفان بعدين على رهف خير حبيبتي مملاحظه انتي حيل مزلغه نفسج 
رهف وهي فاتحه عيونها بقوه شنو تحاجيني هيج 
زهراء اي احاجيج شنو هالتصرفات شوي اثكلي
رهف بصوت عالي شوف منو يحجي بالثكل وحده عايبه
كامت زهراء انتي شنو قصدج 
عرفان رهف صوتج وكافي كلام
باوع لزهراء وانتي اكعدي لا رجليج اكسرهن
زهراء لا والله
غلطت علي وانت تريد تحاسبني
وانتي التزمي حدودج احسن ما اسحلج هسه
قد يعجبك أيضا
اجت ام عرفان وهي تحاول تحل المشكله .
ام عرفان شكو شصاير 
رهف مصاير شي عمه بس جنتج هاي بلا تربيه
راحت رهف بعد ما اخذت جنطتها وهي معصبه ......
رهف والله اذا ما اخليج تلعنين الساعه الي اجيتها بيها هنا مااطلع رهف
ام عرفان شبيكم غير تفهموني
عرفان مصاير شي
ام عرفان شلون مصاير شي ورهف طلعت وزعلانه
عرفان ماكو شي بس هي كثرت حجي
وتعرفينها من تزيد
طكه ونص
ام عرفان يلا كوم انت وزوجتك لغرفتكم
وصلوا للغرفه ودخلوا ...........
زهراء بعدما كعدت على الجربايه انت هم راح تنام هنا
عرفان لا راح اشوفلي غرفه ثانيه مثل الافلام
طبعا هنا هاي غرفتي مثل ماهي غرفتج
حك راسه وهو يحاول يفتح وياها الموضوع الي جان ياكل بروحه عندي سؤال
زهراء بفضول سؤال كول
عرفان شوفي هو اني مااعرف شي وبس سمعت
وهلشي ثبتلي عكسه اليوم
بس صدك انتي لاوميج وي شخص 
زهراء منو كلك 
عرفان مو مهم انتي جاوبي
زهراء هي جانت لعبه
بس الحمدلله الكل يعرف اني ماعندي هيج سوالف
بس اقرب الناس الي لفقتها الي
عرفان علمود شنو كل هذا 
زهراء اخاڤ احجي وخالتي تتأذى
عرفان شنو دخل امي بالموضوع
زهراء لان لما عرفت سر يخص امي عاقبتني
عرفان كولي ماراح يطلع الكلام برا الغرفه ابدا
زهراء بيبي جانت تكره امي وحتى سوتلها اعمال شياطين وبالاخير لما كلشي مافاد سممتها
عرفان بيبيتج شخصيه مريضه
مو غريبه الله سوا نهايتها هيج
زهراء الله يلطف
جنت اعتقد ان ابوي مشارك وباها
بس الحمدلله ابوي جان يحب امي مع ان هي جانت تكرهه وماتطيقه
عرفان قصتنا تشبه قصة امج وابوج
زهراء رفعت راسها شلون 
عرفان بتملل اني نايم وانتي ابقي فكري لحد ما تفهمين
بالبدايه جنت اعتقد ان هو يمزح بس اڼصدمت بي مغمض ونايم واني بكل بساطه راجعت كلامه وفكرت بي
وعرفت ان هو جان يقصد اني مثل امي مجانت تطيق ابوي بس ما كدرت اقتنع بأن هو مثل ابوي الي جان يحب امي
مااعرف حسيت ان هو شخص مو ثقة ماجاي اكدر ارتاح يمه
حتى لما يكون نايم احس نفسي مخيطه ومشدوده اعصابي دايما
ومااعرف شكد سنين راح اعيشها بهيج وضع بس عندي امل ان اني راح اتخلص
اجا على بالي بارق وفكرت بي يمكن هسه هو يحس بتأنيب الضمير لان ماكدر يخلصني من عرفان
هواي فكرت لحد ما نعست وغفيت ..........................
الصبح ......
داخلي جان بفوضى احس پغضب تجاه كلشي بحياتي وبدا اول صباح بسلسلة الم وندم وغربه منا ورايح راح تصير روتيني
مع ان عرفان جان طبيعي بتعامله لا هو لين ولا هو صعب اني جنت احاول واضغط على نفسي ان اكون مثله هلشي جدا صعب ماتعودت اسوي شي عكس قناعتي
..........................................................................................................................................................
بعد ٣ ايام
ريام جانت مهونه علي هواي بحيث كل متشوفني ضايجه كالت تعالي ناكل الي عرفته عنها ان هي حبابه وتحب تطبخ وتتونس بالحديقه مع ان ابنها دايما ېخرب علينا الونسه
جنت واكفه يم ريام وهي تطبخلنا
عرفان شبيج 
زهراء مبي شي
عرفان اذا تعبانه روحي ارتاحي ريام موجوده
زهراء لا ارتاح من شنو اني متعوده على الشغل
عرفان راح يشرب مي وهو يدندن بأغنية .........
ريام اليوم مزاجك فول وصاير تغني
الټفت ريام لزهراء وهي مبتسمه تددرين عرفان يكتب شعر
زهراء ابتسمت .....
ريام رجعت وهي تقلب الطبخه بس ميقبل نقرا قصايده ابدا
من تزوجت محمد لليوم بس مرة بالصدفه لكيت ورقة مدري شجان اكتب بيها
عرفان هههه همزين نسيتي
ريام عليييييك الله كولها لخاطري
عرفان نسسيت
ريام لخاااطري مو اعرفك تججججذب عليه
عرفان عطشانة روحي بديرة الماي بأسمك اغص واني حجاي عليك الدموع الطاحن هواي وتدريني ماباجي على مۏتاي
ريام الله الله مو شاعر ضيم
زهراء اي ماشاءالله قيس مكاتب هيج
تقدم عرفان وهمس لزهراء تصيريلي ليلى 
كالها ومن شاف زهراء مصدومه وخجلانه راح بعد ماابتسم بأنتقام
......................................................................................................
رهف بهذا الوقت ماجانت مستسلمه ابدا وتحاول تتصل ببارق الي على عكسها تماما بالنسبه اله كلشي انتهى وماكو امل وغيابه دفع رهف تروحله للقسم وبمكان شغله
بارق بغرفته غركان بالملفات الي جان يباوعلهن وهو يفكر بزهراء لما دخل عليه نمير وقطع افكاره .
نمير سيدي اكو شخص طالب يقابلك
بارق اني مو كلتلك لحد يدخل عليه ما تفهم 
نمير سيدي افهم بس هي اصرت تدخل لزمتها كوه وكلتلها راح اكلك بالبدايه
هنا عرف بارق ان هي رهف ماكو غيرها ...........
بارق خليها تدخل
دخلت رهف وهي متلهفه وتعجب بارق من حماسها ولا كأنها خاسره شي
بارق تفضلي اكعدي
كعدت ولمحت جهازه على الطاوله مو هذا جهازك ليش ماترد عليه 
بارق مااريد اتذكر اي شي
رهف انت ليش مستعجل على الخساره
مو كلتلك ما نتوقف الا كل واحد يحصل الي يريده
بارق مابقى شي ينحجي وزهراء تزوجت وبالنسبه الي انتهى الموضوع هنا
رهف تتذكر الورقه الي انطتكياها زهراء 
بارق الورقه اي موجوده
رهف هاي راح تقلب كلشي فوك تحت
بارق بس اذا عرف راح يأذي زهراء
رهف مستحيل يأذيها هو يحبها بحياتي كلها ماشفت هاللمعه بعيون عرفان
لذلك ممكن اقوى شي يسوي الها ان يحقد عليها وهم ماايكدر يكرهه
راح يطلقها ويتخلى عنها لو بغلاة روحه
بارق وشلون اذا سألج منين حصلتي الورقه وهي عد بارق 
رهف هاي خليها عليه
اني قبل كلتلهم ان من فتره لازمينها وي واحد وهسه من اخذ الورقه عرفان راح يتأكد ان هي فعلا عندها علاقه والورقة اثباتي اله
وراح اكله ان اني بكتها منك حتى اثبتله
بارق خطه حلوه والله
انتي داهيه
رهف ولو اني رهف الجرار مو هينه
............................................................................................................................................................................................
بليل ........
ام عرفان وين محمد 
زهراء هسه راح وي ريام للحديقه
ام عرفان وانتي زوجج وين 
زهراء والله ماادري
ام عرفان شلون متدرين 
لازم تدرين وين يروح وين يجي
زهراء بس هو ميكول
ام عرفان مااكلج ضايقيه وركزي وراه ويختنك منج
بس اهتمي بي وعرفي وين رايح يمتى يجي
زهراء ان شاءالله
دخل عرفان ......
عرفان شنو مجتمعات الله يستر 
ام عرفان نحجي بيك وين جنت
باوع لزهراء اها تحجون بي لو عليه
جنت بالحقل هذا محسن مسويله مشكله وي الحارس
ام عرفان شلون بي هذا
بس مشاكل
عرفان بسيطه هو هدأ
زهراء اكوم اصب عشا
كامت زهراء للمطبخ وعرفان اجا وراها ....
تخوصر يم الباب وبدا يحجي وياها.
عرفان شنو جنتو تحجون 
زهراء عمتي تكول سألي وين يروح ووين يجي
عرفان حلو بس هيج 
زهراء اي بس هيج
عرفان شنو علاقتج ببارق 
تبسمرت زهراء وحتى ماجانت كادره تتنفس مادارت عليه حتى لا يشوف ردة فعلها وبلعت ريكها