رواية عروس الصوجر

فكرت البارحه بموضوع مهم
وكلت اخذ رايك ولو اعرف بيك ماراح تعارضني
اني ماكدرت اتعايش هنا
ماراح نلكا براحة مكاننا القديم
صح هو بي ذكريات مو حلوه بس بي ذكريات حلوه هم
هناك سولفنا وضحكنا وبجينا وعزلنا ورضينا
واني كلت نرجع لبيتنا وديرتنا
محمد بكيفج يمه
اني ماعندي مشكله
بس اخاڤ تتضايقين هناك وتتمرضين وانتي ماتتحملين
ام عرفان لا تخاف عليه
وفكر بنفسك مره وحده
محمد ليش افكر
اني ماعندي مشكله
ام عرفان يعني راح تبقى هيج
محمد هيج ما فهمتج 
ام عرفان يعني لازم تشوف حياتك و تتزوج وتخلف
وهذا مهيمن ابنك يحتاج اهتمام واني مو للابد موجوده يمكم
محمد يمه هذا الموضوع مااريد احجي بي
ومهيمن وماراح اقصر وياه وانتي الله يديمج النا
اني بعد ريام ماافكر بالزواج 
ام عرفان بس هذا الكلام مو صحيح
ماكو شي اسمه ماافكر بالزواج ابنك باجر يكبر يحتاج ام تعلمه وتربيه
شما تعبت عليه انت ماراح يتعوض مكان الام حاول وي روحك
محمد هسه عوفي هذا الحجي مالي خلك
اني رايح اشوف بيتنا اذا يحتاج شي
و الحارس قبل كم يوم مخابرني على الكهرباء
تجين وياي 
ام عرفان لا يمه مابي حيل طريق
انت روح الله يسهلك
محمد تمام اني رايح
ام عرفان الله وياك يمه محروس
............................................................................................
زهراء اكلج فرح اني عندي كم شغله بقت بغرفتي اريد اجيبهن
فرح شنو من شغلات 
زهراء كلادتي و سواراتي بقن هناك وماكدرت ارجع اخذهن
فرح روحي جيبيهن بس
زهراء بس شنو 
فرح يعني ماادري
مااعرفج هيج
تصرفج غريب
زهراء لا تفهمين غلط اذا بقن هناك راح ينباكن هناك والبيت متروك صارله مده
علاقل اجيبهن يمي اصلا مااكدر اخذ شي يذكرني بعرفان او اهله 
كل الاريده هسه يعرفون ان بارق ماله علاقه بالصار
فرح دروحي قبل ماتغرب الشمس
زهراء شنو 
ترديني اروح وحدي تعاي وياي
فرح لا خاف يجي ابوي وسامح ومايلكونا
روحي انتي واكللهم راحت تجيب اغراضها من غرفتها
زهراء تمام يلا
..................................................................
محمد كدام البيت حاول يفتح الباب بس هو ببساطه نسى مفتاح البيت وكعد ساعه يلوم نفسه ويحاول يتصل بأمه بس وهو يحاول يشوف اذا القفل ينكسر اجا شخص من ورا وكله المفتاح الاحتياط يم الحارس بس هو ببيته هسه استراحته ولازم ينطره فد نص ساعه علما يجي
واقترح عليه ينطره بالغرفه الخاصه بالحارس لبين ما يجي وهو وافق
كعد محمد دقايق وبهذا الوقت سمع صوت احد يحاول يفتح قفل الباب وفكر انه اكيد هذا الحارس بس لما طلع شاف وحده بالباب تقدم .
محمد عفوا منو انتي 
وشجاي تسوين هنا 
زهراء تجمدت لان من صوته عرفت ان هذا محمد بلعت ريكها وهي تحاول تلكا طريقه تتهرب بس ماكو هو جان واكف وراها استدارت بمهل وهي متوتره
محمد من شافها بين علي الانزعاج وعقد حواجبه وبلهجه جافه سألها
محمد شنو الج شغل ببيتنا 
زهراء ذهبي هنا نسيته
محمد حلو بالاخير مطلعتي فارغه من بيتنا
زهراء لا فهمتني غلط
محمد مو مهم
الحارس يتأخر انتي روحي ومن يجي اني اطلع الذهب مالتج وتلكيهن يمه و اخذيهن
زهراء خالتي وين 
محمد ببغداد
زهراء ممكن نحجي بشي مهم اني ردت اكوله لخالتي بس مدام انت هنا خلي احجي الك
محمد تقدم الها وهو متنرفز شتردين منها 
واي شي عندج احجي الي 
زهراء بارق
محمد ششش لا تكملينما شفت وحده بوقاحتج
شلون هيج 
زهراء بهذاك اليوم لما جنا بالبيت وصار الي صار بريام ورهف الله يرحمهم
محمد تحجين وكأن انتي مالج علاقه
زهراء بهذاك اليوم رجال منهم اتصل وسمعته يكول كل للحجي ساهر يحضر تعبيتي
اڼصدم محمد وعيونه شوي ويطلعن من مكانهن .......
محمد انتي متأكده 
زهراء اقسم بالله سمعته بأذني يحجي هيج
محمد راح وهو معصب وبقت زهراء تصيح وراه بس ما سمعها وهو رايح وكعت منه صورة لابنه
شالتها زهراء وهي مبتسمه ابن ريام ممتغير هو هو
حتى من كدما ناعم ولا كأنو صار شهور مشايفته فرحت لان شافت ابن ريام ورجعت لبيتهم وهي تتأمل الصورة .......
يتبع ...............