رواية عروس الصوجر

ها شنو 
شبيج وجهج اصفر
زهراء هذا مو طبيعي مريض والله
فرح شنو غير تفهميني
زهراء ماادري حجيه ممفهوم
مافهمت غير انه ناوي على شړ
فرح بس يجي ابوي حاجيه
طبعا جان من المستحيل احاجي ابوي بالموضوع هو مناقص بعد الحاډث صار يتعب هواي علينا ويحاول مينقص شي علينا وجان يغيب ايام يدور على سامح
فما اجا ببالي غير بارق حتى يساعدني
بس اني جنت مو زينه وياه
يعني هسه لو طلبت مساعدته اكيد راح يرفض
بس هذا جان املي الوحيد .........
بقيت اتنطر بارق يجي للسلف بس مااجا وعلى هذا الحال اسبوع كامل
الى ان بيوم طلعت ارش الحوش وشفته فايت من بيتنا طلعت بسرعه وصيحت
زهراء بارق
الټفت ورجع عليه .......
بارق تفضلي
زهراء اني . ءء اني محتاجتك بخدمه بسيطه
بارق خير 
زهراء هاي الورقه كتبت بيها كلشي وفهمتك بالتفصيل
اخاڤ احد يشوفني من اعمامي
بارق ماشي
راح واني متأمله بي يساعدني ومخليه احتمال ان هو يرفض يعني ماراح اڼصدم منه
بالطريق بارق فتح الورقه وقراها وفهم ان عرفان بين لزهراء نذالته ومع ان جان يريد يساعدها لان طلبت بس اكو شعور فرح يريد يداريه وميخليه مبين
باليوم الثاني .......
زهراء بالحقل لما سمعت صوت من وراها.......
عرفان شتسوي مرتي هنا
ما اريد اشوفه حتى عفت كلشي بيدي وردت اروح من المكان كله بس هو لزم ايدي وكال مره ثانيه ممنوع تروحين واني ممخلص كلامي وياج
زهراء كلام 
تفضل احجي
عاف ايدي هسه على شنو رافعه خشمج لو ما معيديه
زهراء معيديه وانت منو كلك هاي شي يعيب البشر 
عرفان هو هذا الي اعرفه يعني مثلا مطالعه ولا شايفه غير البقر
زهراء اي فعلا بهاي صح
حس عرفان ان اني جنت اقصده وعقد حواجبه بخزرة شنو قصدج 
زهراء شنو ماقصدي شي
كلامك صحيح اني مشايفه غير البقر
عرفان اتقرب اكثر ولزم الشال وطلع خصله من شعري هيج احلى
بعدت ايده ورجعت شعري تحت الشال 
عرفان حححيل حبيتج
احس راح نتونس هووووواي
زهراء لا تتأمل مستحيل اقبل اتزوجك
عرفان هذا الشي مزاجي يقرره
التفتت وعفته واكف بمكانه واسمع ضحكاته وراي جنت جدا مړعوبه وممصدكه ارجع للبيت وحلفت يمين ماراح اطلع من البيت وحدي مرة ثانيه لان مااريد اشوفه
ببيت الصوجر ........
ريام حرامات استغفر الله
الله يرحم الحجيه بس ردنا نفرح بعرفان
محمد كلها شهرين ونفرح بي
بس اني قلق منه
ام عرفان ماعنده جديه
بالموضوع وبعده عايش بغير عالم
اعرف
محمد لا مو هاي المشكله
عرفان متزوج
ام عرفان والصدمه مبينه على وجهه شلون
بالقسم هذاك اليوم واحد من اقاربنا ماقبلو ينطوني اسمه يشتغل وياهم معترف بهواي معلومات على عرفان
منها ان ابوي مزوجه لبنت واحد من اصدقائه
بهلأثناء دخل عرفان وامه اول ما شفته كامت وراحتله وعيونها تتطاير شرار
محمد يمه لحظه
ام عرفان بدون كلام سطرت عرفان الي جان مسستغرب
ام عرفان شلون هيج تسوي 
متزوج من ورانا
ماكلت امي الها حق تعرف
من كم سنه متزوج 
عرفان يمه اني
ام عرفان كلتلك من كم سنه متزوج 
جاااوب
عرفان ٣ سنوات
ام عرفان بجت وبدون ماتكمل كلامها راحت من كدامه وهي تتحسب على ابوه
عرفان باوع لمحمد منو كللها 
ريام ماادري
محمد اني كلتلها
عرفان تقدم لمحمد ولزمه بقوه من كتفه هسه ارتاحيت
ليش كلتلها 
حتى تبقى الولد المطيع الها 
محمد كلتلها حتى لا تظلم بنت الناس
عرفان اانعل الناس لابو الخلفهم
ريام تحاول تهديهم عرفان عوف اخوك
محمد اذا انت متزوج ومن البدايه رافض للزواج
عوف البنيه
عرفان مااعوفها
ولا تتدخل حتى ما انسى انت اخوي واسوي شي اني وانت نندم عليه
عاف عرفان ايد محمد وطلع من البيت .....................
اما اني ماكدرت احجي لفرح عن شي واخلي الموضوع بكلبي وادفنه بس ماكدرت ادفن صفنتي وتفكيري الدايم الورطه هاي مالكيتلها حل
وانتظرت بارق هواي بس مارجعلي جواب
لذلك استسلمت وخليت نفسي كدام الامر الواقع واصبر
بارق بالبيت واجا اتصال .........
بارق الو
المتصل سيدي البيت فعلا بأسم عرفان ساهر الصوجر
بارق تمام
شوفلي يمتى يدخل للبيت ويمتى يطلع اريد تتابعه بالثانيه مفهوم 
المتصل حاضر سيدي
بارق بعد ما غلق الخط يا ترى لو يدري ابوها هذا متزوج يقبل يزوجها اله 
ثاني يوم ...........
اجا بارق بخبر زواج عرفان وجان ابو زهراء مصډوم بس مو بكد زهراء الي تسمعهم من ورا الباب...
ابو زهراء سيدي انت متأكد
بارق طبعا ماجنت راح اجيك لو ممتأكد
ابو زهراء بس محد من اهله ولا هو كالولنا
بارق اهله ماعندهم خبر
لان نشاطه وي ابوه وقربه منه وتجاهل بقية عائلته وصلته الى ان يزوج ابنه بدون حتى وجودهم
طبعا اكيد جاي تسأل نفسك شنو مصلحتي بكل هذا !
كل الي يهمني ان يكون ساهر وعرفان بالسجن ومدانين بالقضايا الي عليهم
ولو ما انت شخص عاقل وساعدتني ما فكرت ارجعلك الجميل
حرام تزوج بنتك لشخص ابن ابوه
ماراح يختلف عنه
ابو زهراء انا راح اروح الهم وكللهم ما اريد ازوج بنتي بعد
وفلوس المهر الراحن وي البيت راح اجمعهن
بارق اني موجود
شكد ما يكونن ادفعهن
ابو زهراء مشكور سيدي انت لحد هنا ما قصرت
انا ادبرهن ان شاءالله
بارق جدا حاب اساعدك شوف شكد جانن واني حاضر
انت بقت يمك بعد
وهسه عن اذنك وراي شغل
ابو زهراء شكرا سيدي الله يكثر من امثالك
................................
وصل ابو زهراء بارق للباب وهو يرحب بيه ويشكره ويدعيله وزهراء اول ماراح طلعت لابوها ......
ابو زهراء سمعتي 
زهراء سمعت
ابو زهراء وشنو نيتج
زهراء بويه هو طول هالفتره بس ېهدد بي
وانا خاېفه
الله يخليك كللهم وخلصني منه
ابو زهراء بسيطه بنيتي لاتخافين
تنحل
فرح والله كلتي بس ماصدكناج 
زهراء واحد قذر
فرح زين واذا ماوافق يفصخ
وبلا اذى ابوي 
زهراء شحده بارق موجود
فرح وبارق شكو 
زهراء هو راح يساعدنا
فرح اها وشنو المقابل
معقوله بدون سبب
زهراء مهما كان السبب
كل الاريده هسه اخلص من هذا المړيض
فرح حتى لو زواجج من بارق
يجوز جاي يسوي هيج من حبه الج
زهراء مستحيل افكر بي كزوج
بس هو اشتغل بضميره وساعدنا
لتفكرين بعيد
وادعي مايصير شي لابوي
بعد كل هذا مستحيل اتزوج هسه او افكر بالزواج
عرفان جان يتمشى وراجع لبيته ويفكر بينه وبين نفسه وهو ضايج لان امه اول مره تضربه بس جان محتاج هالضربه حتى يرجع يراجع كل حياته الي سلمها بيد ابوه
والي طول عمره مااعترف بفضايله ورجعت الذاكره بي لورا قبل مده طويله لما جان عمرة ٢٠ وخلص احلى سنين عمره بين الزنزانات
لما اعترف بچريمة ممسويها حتى ينقذ ابوه
جانت التهمه تسليب شاحنة ادويه والحقيقه ان ابوه هو الي سواها حتى يساعد بيها مجموعتهم الشيوعيه وعلى هاي الچريمه والاعتراف اخذ حكم سجن خمس سنوات واول ماطلع ابوه اعطاه اختبار بدون حتى ما يحسسه انه مفتخر بي وزوجه من بنت صديقه لمصالحه الخاصه
عرفان وهو يتأفف واني احاول احصل منك ابوة اخذت امي مني
وهسه شحصلت منك 
...........................................
ببيت الصوجر........
ام عرفان زارتنا البركه
ابو زهراء الله يبارك بيكم
ام عرفان
ليش ماجبت وياك البنات 
ريام اي والله عمو حيل مشتاقتلهن جان جبتهن
ابو زهراء انا اجيت بموضوع مهم يخص زهراء وماكدرت اجيبها وياي
ريام باوعت لعمتها وبلعت ريقها اني كايمه اسويلكم جاي
ابو زهراء كثر الله خيرج
ام عرفان خير خويه شصاير
زهراء شكتلك من شي
عرفان مسوي شي
ابو زهراء يعني الواحد يحجي الحق انتي ماقصرتي ويانا وفضايلكم غركتنا
بس
سكت الاب وهلشي خلى ام عرفان تقلق اكثر بس شنو 
ام زهراء انا خلصت عمري ظالم بناتي وماشافن مني غير العڈاب
وجنت كل الوكت اعاملهن اسوء معامله وفوك هذا كله دايما جانن يباوعلي وحنية الدنيا كلها بعيونهن وانتي ام وتعرفين الضنا عزيز
ام عرفان كلامك صحيح
ابو زهراء لذلك مااكدر ابد اظلمهن اكثر من الفات
وانا ادري انتم هم مالكم علم
بس مجبور اكلج بالموضوع
عرفان ابنج متزوج
ام عرفان اني البارحه عرفت الله شاهد
وبما ان انته اجيتني للبيت واني بعد مالي نيه ازوج ابني من زهراء راح احجيلك كلشي
ابو زهراء استغرب شنو الي راح تحجيه 
وصل الجاي وصار كدامهم وريام راحت لان سكتت ام عرفان من اجت وبالطريق لغرفتها
شافت ريام محمد وهو واكف ورا الحايط ويتسمع عليهم
ريام شتسوي
محمد ششش خلي اسمع روحي لابنج يبجي
ريام طبعا يبجي غير مخليه وحده
ركضت ريام لابنها ..........
ام عرفان طول عمري عانيت من زواج فاشل اختاره الي ابوي واختي هم عاشت نفس تجربتي
هذا الشي خلاني اخاڤ على زهراء وفرح و كلت ماكو احسن من ان اخليهن يمي
مافكرت يمكن يكون ابوهن زين ومختلف عن ابوي
كل الي فكرت بي بوقتها ولحد الان ان راح يطلع حظهن مثل حظ امهن وخالتهن
وتالي الي اكتشفته البارحه ان اني جنت راح اصير نسخه من ابوي
واقدم بنيه بريئه مالها ذنب لابني الي مجذب حتى على امه وطالع نسخه من ابوه
قد يعجبك أيضا

ابو زهراء خالتهن 
انتي سماهر
ام عرفان اي اني اخت سميره
تتذكر لما اتصلت بي وخبرتني بخبرها 
ابو زهراء اي
ام عرفان اجيت اني واطفالي الثلاثه بنفس اليوم لوحدي جنت متأمله الحك اشوفها بس ماكدرت
ابو زهراء البنات راح يفرحن اذا عرفنج ليش ماكلتيلهن
ام عرفان لان نجيبه الي قټلت اختي ماجانت راح تخليني اوصل للباب لو عرفت اني خالتهن
ابو زهراء كتلت سميرة 
بس سميرة ماټت وهي حامل الطفل ماټ ببطنها
ام عرفان هيج امك كلتلك بس اختي ماټت مسمومه
ابو زهراء فاتح عيونه من الصدمه ومايعرف يرد معقوله امي تسوي هيج 
ما جان عدها عداوة وياها
ام عرفان صدكني لا تتفاجأ الدنيا هاي بيها اشكال و الوان مو كل ضاهر كدامك واضح وحقيقه
هذا ابني صارلي سنين عايشه وياه وماكله همه ليل ونهار طلع متزوج بدون علم مني
ابو زهراء يشهد الله ما ضايقت سميرة بكلمة
صح هي جانت ماهاويتني وكلما احاول ارضيها تصدني
بس جنت شايل صبر ايوب لاخر لحظه
وما حسستها ان هي مجبورة عليه
جنت انام ايام بالحقل واتحجج بالشغل حتى تكون مرتاحه
ام عرفان الله يرحمها هذا دربنا كلنا
واني عرفت بسالفه رشيد
ابو زهراء اني شخبلني غير رشيد
انا جتال ابني
ماناسي دايما ببالي
ولحد ما ياخذ الله امانته ماراح اسامح روحي
ام عرفان لا تحجي هيج هذا قضاء وقدر
وانت ما متقصد
صح ضيعت سميرة لان ماكدرت تحميها من امك
ورشيد هم متأكده كان الها سبب
دنك ابو زهراء لان فعلا جانت امه جزء من المشكله .......
ام عرفان بس هسه سامح وزهراء وفرح ذول امانتك
لازم ما تضيعهم
ابو زهراء ان شاءالله
ام عرفان شوري مثل شورك
ماكو اي علاقة تربط زهراء بعرفان بعد هالساعه
اشرب جايك لا يبرد
..........................................................................................................................................................................................................................................................
زهراء وفرح بالباب متنطرات ابوهن ...........
زهراء اكلج ابوي تأخر بس لا هذا موجود بالبيت وتعاركو 
فرح والله ماادري كون ما مخلينا يروح
فزيت من شفت سامح جاي ونازل من الشارع لفرعنا ..........
زهراء ولج هذا سامح
فرح سامح اجا
الحمدلله يارب
وصل يمنا وسلم علينا وهو مستغرب من التغيير الي صار ع البيت .........
سامح ابوي هنا
فرح لا طالع
تعاال ادخل
سامح لا خليني هنا
وبيبيتي 
زهراء باوعت على فرح بيبي ماټت
سامح شنو شلون ويمتى 
زهراء البيت احترك وهي جانت جوا وماكدرت تطلع
ارتسم الحزن على وجه سامح من بشاعة الخبر مو لخاطر بيبي
سامح وابوي 
فرح هو صار هوا شغلات ماتدري بيها
اختك انخطبت
سامح انخطبت 
وشلون 
والله كلبي جان حاس راح يسوون هيج شي
زهراء الله يخليك سامح لا تلوم ابوي
لو تشوف شكد اتغير
وهو بنفسه