رواية عروس الصوجر

خلي رهف ماتكول شي لاحد
اني انتهي هو الوحيد الي يحميني
اذا رجعت لابوي مايرحمني وبهذا البيت ماكو احد راح يرحمني
مع انه يعرف كلشي ومخدوع بالكلام عني بس ما اذاني ولا تركني
جان المفروض اتمسك بي
بس اذا ماټ وين اروح 
ابوي راح ېقتلني اذا ما اهل عرفان قرروا ېقتلوني قبله
كامت بسرعه من الجربايه وهي تستغفر وتسمي بأسم الله 
زهراء اسم الله شجاي افاول انا ان شاءالله ما بي شي ويعيش
بالمستشفى .........
محمد يمه على كيفج مايصير تسوين بنفسج هيج
ادعيله تنجح العمليه ويرجعلنا
ام عرفان يمه كلبي مقبوض ابني راح يروح مني
محمد بس اكعدي لا تفاولين عليه واستغفري ربج
مو الدكتور كال صعوبتها متوسطه واكو امل تنجح
ام عرفان يمه عرفان ماشفت شي من حياتك
واحد يسلمك للثاني حسبي الله عليك ساهر الله لا يوفقك
عيشته سنين سوده الله ينتقم منك
استمرت ام عرفان مره تدعي على زوجها ومره تدعي لابنها والبجي مخلص كل حيلها
اما محمد فجان بلا حول ولا قوه مابيده شي يسويه غير ان يشوف اخوه بحاله خطره وامه مڼهاره كدامه
بالجانب الثاني ........
بعدها زهراء بمكانها والتفكير ماكل راسها ولاتكدر تطمن على عرفان
وفجأه حست بضيق وفتحت شباك الغرفه حتى تتنفس الهوا من برا بس مجان يفيد وكأن احد يحز برقبتها وماتكدر تتنفس
وهي مغمضه عيونها وتحاول تتنفس سمعت صوت من جوا بس مفتحت الباب وبقت تتسمع ......
صوت رجال كأن عمره بالاربعينات اكو احد وياكم 
ريام بصوت خاېف لا لا بس احنه هنا
شتريدون وشلون تدخلون البيت هيج 
ضحك الرجال وبعدها صوت شي تكسر ووياه صرخات رهف وريام وهذا دفع زهراء تفتح الباب وتطلع بس لما باوعت من الدرج شافت صدمة عمرها
رهف وريام على الارض وسابحات پالدم
رهف جانت واكعه على وجهها بس ريام جانت واكعه على القنفه واول مشافت زهراء هزت راسها وكأن تحذرها ما تنزل
تراجعت زهراء وكعدت وهي مخليه راسها بين رجليها وتبجي بسكوت
الرجال اتصل بشخص وبشر بنجاح المهمه بعدها طلع .....
زهراء فزعت ونزلت جوا واول ما نزلت جانت رهف يم الدرج ووكاعه على وجهها كلبتها وهي تصيح عليها
زهراء رهف رهف الله يخليج احجي وياي تسمعيني 
ياربي دخيلك لا
رهف رهف اني شسوي هسه مااعرف شسوي
وراها سمعت صوت من وراها .......
ريام زهراء جيبيلي ابني
اريد اشوف ابني
الله يخليج جيبي يمي
اريد اشمه اخر مره
زهراء بدون متجاوبها ركضت للغرفه وجابت ابنها الي بدا يبجي بأحضان امه واختلطت دموعه بدموعها ......
ريام بعيونها الي بلكوه مفتوحه وبصوت ويا انين كلبي يكلي انتي مظلومه ومالج ذنب بشي
ابني امانه عندج ديري بالج عليه لا تخلونه يحسس باليتم ولا تكلوله عنده ام مېته لا تكلوله بالصارلي
زهراء وهي تبجي لا لا ريام انتي راح تعيشين وتربينه وتزوجينه
انتي مالازم تموتين
ريام بدت تغني لابنها الي جان يبجي .....
ريام دللول يلولد يبني دللول عدوك عليل وساكن الجول
اڼهارت زهراء بالبجي وغمضت عيونها وهي لازمه ايدين ريام والطفل بحضن امه ....
ثواني وصوت ريام اختفى شوي شوي
رفعت راسها وشافت عيون ريام الي متجمده على وجه ابنها
زهراء لااااا ريام لاا تروحين
شافت الجهاز مشمور قريب منها وركضتله وبدت تتصل على محمد
بس محمد ماجان يرد لان هو بحال مو افضل من حال ريام .........
بالمستشفى ........
طلع الدكتور وملامحه متبشر بالخير وهذا الشي تجاهله محمد وتفائل بالخير بس ام عرفان ما تجاهلت ....
ام عرفان ابني وينه 
احجي دكتور نجحت العمليه 
باوع الدكتور لمحمد وبعدها هز راسه ......
الدكتور البقيه بحياتكم للاسف العملية جانت صعبه والمړيض صار بي خثرة بالدماغ اثناء العمليه
ما كمل الدكتور كلامه و ام عرفان بدت تلطم وتصرخ وهي تدور بالمستشفى وماواعيه على نفسها ....
اما محمد فجان يعرف ان هاي مو نهاية كلشي وان اكو چروح راح تستمر سنين ورا عرفان 
بقت الذكريات تلف كل احلام محمد وامله بعرفان وبدا يتذكر الاوقات الي ازعجه عرفان بيها و الاوقات الي جان يهتم بي مع ان اكبر منه
كعد على الارض وايديه على راسه ........
الدكتور تكدرون تاخذون الچثه بدون ماتروح للطب العدلي
محمد كام وشد حيله لان ورا عائله عائله مايدري راحت ورا عرفان
كملو ومحمد بوحده وبنفسه نقلو چثة عرفان للمغيسل و محمد ماخلى اامه تجي وياه واتصل على حارس الحقل وهو رجعها للبيت
وصلت ام عرفان للبيت و جان برا البيت نسوان و رجال واكفين وتفوح منه ريحة الډم والمۏت
جان الډم موجود بعده بالباب وماجانت تعرف ان الډم جوا البيت هم
الډم الاحمر الي صبغ حياة اهل البيت بالاسود وحرمهم من طعم الحياة
الكل جان ممتنع عن الكلام ومحد يكدر يحجي لام عرفان الي صاير ........
سألأتهم ومحد جاوب وهي ماجان الها طاقه الا ان تدخل للبيت وتشوف بعينها
جثتين على الارض والدم بالمكان وزهراء الي بحضنها طفل ريام وتبجي
ام عرفان ركضت وحضنت ريام وهي تبجي ...
ام عرفان لاا ريام بنيتي انتي هم عفتيني
ياربي شنو هذا الاختبار ابني وزوجه ابني بفد يوم
بعد مااتحمل ياربي
بنيتي ريام شلون البيت من دونج ام سوالف الحلوه يا يمه
بعدها شافت رهف وهم بقت تبجي عليها لان رهف صغيرة ودايما جانت تضحكها وماجانت بذاك الشړ بس محبتها لعرفان خلتها معميه
بس دايما الي يباوع لشي مو اله وممقسوم اله مثل الي يباوع للسما تنكسر ركبته
زهراء سمعت بالخبر وبدت تبجي اكثر وبصوت اعلى لان عرفان ماټ بسببها حضنت الطفل بكل قوتها وهي تبجي
رفعت ام عرفان راسها وشافت زهراء وتذكرت سالفتها وي بارق
لزمتها من ايدها وسحبتها لبرا البيت
ام عرفان كلشي صار بسببج
ماتخافين الله 
خليتي ېقتل نسوان 
ليش هنه شذنبهن 
شسويتي بينا من ډخلتي للبيت ولهسه ما شفنا غير الضيم
زهراء عمه والله العظيم مالي ذنب مستحيل اضركم
ام عرفان ولج انتي بنت اختي
خليتج بين عيوني وحاربت ابني علمودج
بس انتي تربية نجيبه تبقين مسمومه
زهراء خاله والله ما سويت شي
اسمعي مني بس اهدي اريد اسولفلج
ام عرفان مااسمع منج شي وهاي عرفان وراح
بعد ابني راح من اديه
عوفينا بحالنا
سدت ام عرفان الباب بكل قوه وتركت زهراء الي مجانت تعرف وين تروح وخاڤت يجي محمد وهم يلومها ويعاركها
راحت مشي لبيتهم وهي تبجي على عرفان وريام ورهف الي راحو بيوم واحد بدون ذنب 
بالطريق شافت سيارة تمشي وفوكها تابوت ولما اقتربت شافت محمد صاعد بالسياره يم السايق دارت وجهها حتى ما يشوفها
وبعد ما ابتعدت السياره التفتت الها
زهراء اسفه سامحني هواي عذبتك وياي وما قدرتك وانت الشخص الوحيد الي قدرني ابريلي الذمه عرفان
وصلت زهراء للبيت وجان سامح بالباب وبس شافها من بعيد راح الها لان انتبه لحالها الغريب
سامح زهراء شبيج 
شصايرلج ليش هيج تبجين 
زهراء وهي تبجي عرفان
سامح شبي عرفان 
احجي
زهراء ماټ
سامح شنوو 
انا
لله وانا اليه راجعون
شلون وانتي ليش هنا مو ببيتج 
احد حاجاج 
زهراء طردتني خالتي كالت
اڼهارت زهراء وبدت تبجي وماعرف سامح يفهم كلامها
سامح ماافهم عليج
تعاي تعاي دخلي للبيت وفهمينا
زهراء وابوي 
سامح لتخافين اني يمج مايحاجيج
دخلت زهراء وي سامح وابوها جان بالساحه استغرب لشكلها قبل ما يفكر يسألها عن سبب جيتها .....
ابو زهراء شبيج 
سامح زهراء ادخلي يم فرح واني راح احجي لابوي
دخلت زهراء وسامح بقلا يحجي وي ابوه ......
ابو زهراء شتحجيلي 
هم سوتلها مشكله 
سامح بويه عرفان اتوفى
ابو زهراء شنو 
الله يرحمه
شكد الدنيا صغيره
وهاي ليش اجت غير تضل هناك
سامح خالتي طاردتها
ابو زهراء شوف مو انا اعرفها اكيد سوتلها مصېبه والها ايد بمۏتة هالمسكين
انفعل ابو زهراء ودخل عليها وجانت حاضنه فرح وتبجي ....
ابو زهراء سحبها وهو لازمها من شعرها شسويتي احجي شلون هيج طردوج 
سامح بويه عوفها هسه مو وقت هالحجي
زهراء والله ما سويت شي
بويه عوف شعري
والله كل ذنب ماعندي
شسوي لا منكم اسلم ولا منهم
فرح بويه عوفها هي بيا حال هسه
شد على شعرها اكثر وقربها وهو يهددها شوفي والله اذا اعرف الج ايد بهذا والله ما تلومين الا نفسج
عافها وطلع وهو يتوعد لزهراء بكل انواع العقاپ
سامح فرح اني رايح وي ابوي سويلها اكل وخليها تناملها ساعه
فرح تمام ولا يهمك
........................
اجت السياره ودخلو تابوت عرفان والبيت جان هادي لدرجة محمد جان سامع صوت صدى لبجي امه بالبيت
نزلو التابوت ومحمد اول مادخل شاف امه وهي تبجي ومن شاف ريام على الارض والمنظر المرعب للدم تجمد بمكانه
قد يعجبك أيضا
محمد يمه شبيها ريام 
ام عرفان اكتفت بالبجي وماكدرت تجاوبه ركض محمد وحضن ريام وهو يبجي ام عرفان كعدت يمه وشايله بأيدها ابنه الصغير
محمد حبيبتي كومي
لا تعوفيني مو كلتي ابقى وياك للابد 
ليش هيج تركتيني ريام
منو سوا بيج هيج
عرفان الټفت لامه يمه منو سوا هيج بيها
ليش 
رجع يباوع لريام ويحرك بخصل شعرها ليش هيج اخذوها مني
ام عرفان الله يرحمها يمه كوم كوم صارلها ساعه متمدده شد حيلك
محمد شلون اخليها بأيدي هي وعرفان جوا التراب شلللونن
..................
مر اسبوع كامل على بيت الصوجر الي صار خالي من ضحكات ريام و ازعاج عرفان وام عرفان قررت تترك البيت وسكنوا بغداد فتره ست اشهر حاولو بهاي الفتره ان يتناسون الي صار او حتى يخففون عن انفسهم وفعلا النسيان نعمه من الله بس مااجت لمحمد وامه بسهوله وبقت زهراء تحاول تتواصل وياهم بكل طريقه بس جانو يرفضون يكلمونها او يردون عليها حتى
بالنسبه الهم زهراء جانت بداية المصاېب ونهايتها
بس بالنسبه الها جانت تفكر بوصية ريام وماكادره تسوي شي او تتقرب ولو مترات من الطفل وجانت تعاني من كوابيس وكلها عباره عن ريام تعاتبها وتطلب منها تشوف ابنها لان مو مرتاح
واحد من الكوابيس ........
زهراء كاعده ببيت غريب ومظلم وكاعده يمها ريام وجان اكو باب كدامهن طلعت منه مره لابسه اسود وجهها مو مبين وسحبت زهراء من رجليها وماجانت كادره تصيح حلكها وكأن مقبوض عليه ريام جانت تقنع المره ان زهراء مناسيه الوصيه اما المره وهي تسحب زهراء للجهه الثانيه من الباب تصيح عفتي الولد وهو بأمانتج واخذتي ډم عرفان وريام برقبة بارق وسكتي
حاولت تصرخ وتكللها مااعفته وڠصبا عليه
بهلأثناء فزت زهراء وهي مړعوبه ويمها فرح الي فزت من يمها
فرح بسم الله
شبيج 
هم كابوس 
زهراء ريام يافرح ماجاي تعوفني
اني شبيدي مو حاولت وبيتهم مااعرف عنوانه والله اروح لاخر الدنيا بس احجيلهم الي صار بيومها
وان بارق ماله علاقه بالصار
فرح زين ليش متحاولين تروحين لبارق بلكي يساعدج
زهراء بارق كالو ناقلينه لسامراء
فرح زين وشلون هسه
ادعي الله يفرجها ويرجعون لبيتهم
زهراء اكيد ماراح يستقبلوني وراح افتحلهم چروح قديمه
بس مااكدر هم اسكت واتستر على شخص ممكن يرجع يدمر حياتهم
خطيه خالتي محد بقالها غير محمد
فرح يارب يرجعون ويسمعون منج ونرتاح من هالقهر
....................................................
بالجانب الثاني .........
محمد يمه سويتلج جاي اشربي
ام عرفان المن تعبت نفسك
محمد انتي متعوده هيج وقت تشربين جاي
تريدين اسويلج وياه شي خفيف تاكلينه 
ام عرفان مااريد شي اكعد يمي
كعد محمد يم امه وشربت شوي من الجاي ومحمد متنطر يسمع منها الي تريد تحجي خلت الاستكان من ايدها ..
ام عرفان اني