رواية عروس الصوجر

هو الانانيه كاتلته
حسناء محمد وعرفان راح يبقون بالسجن
ريام بعد ما حضنتها لا حبيبتي اكيد راح يطلعون ان شاءالله باجر يجون
ام عرفان حسناء فوتي لغرفتج ونامي
حسناء اني ممنعسه
ام عرفان سمعتيني لو لا
ناقصتج بس انتي تمردي عليه هم
عصبت عليها وصيحت بصوت عالي و حسناء الدموع بعيونها راحت للغرفه
ريام اني رايحتلها
كعدت وبسرعه كامت على حيلها من شافت ساهر كدامها
تقدمتله بسرعه وبأيدها القطعه البيضه الي جان عرفان شاد ايده بيها ومغطي الحنه
شمرتها عليه
ام عرفان هاك شوف
هاي فرحة ابنك عافها وراح للسجن من وراك
ساهر وانتي منو كلج تخطبيله واني مموجود
ام عرفان معقوله لهلدرجه انت اناني 
ابنك واصل لل٣٤ وانت السبب بكلشي
وهسه جاي تكلي هيج
يا رجال حرام عليك
عمر ابنك يركض
ساهر مشتكيلج هو 
لو انتي من يمج 
ام عرفان اني ام ومااسمحلك تضيع حياة ابني
ساهر واني ابوه
ام عرفان انت ابوه
الله عليك مرتاح وولدك اثنينهم بالسجن بايتين 
ساهر اهوووو هسه شجلبتي يوم يومين ويطلعون
ماتحملت ام عرفان وكعدت وهي تبجي وتدك على راسها اولادي بالسجن انت ما راح تعوفهم الا تموتهم وتحرمني منهم
ساهر طلع وبدون ميبين عليه اي ندم او قلق على ولده جان عيبه التسلط وبعمره ما عاشلهم يوم وحسسهم بالابوه او حتى كزوج
زواج ساهر وام عرفان جان بالاجبار وبالاصح ابوها باعها اله لان تزوج بعد امها المتوفيه
وهنه جانن اخوات اثنين سماهر الي هي ام عرفان و سميره الي هي ام فرح و زهراء .............
بالعوده للماضي ...............
ببيت ابو حمدان ..........
سماهر بويه الله يخليك عوفنا خدامات يمك ويم خالتي تقية زوجه ابوهن بس لتزوجنا
ابو حمدان اشش تتزوجن يعني تتزوجن عوزجن كبر 
المثلجن مخلفات اربعه وخمسه
سميره جانت كاعده على جنب ودموعها تجري وتشوف اختها الجبيره تنضرب و تنهان
بالبدايه تزوجت سماهر من ساهر وقبل متروح انطت لسميرة طوق الشعر مالتها كذكرى
وبدت معاناتها وسافرو لغير مدينه جانت بعيده بحيث صار جدا صعب على سماهر تزور بيت ابوها
خصوصا ساهر جان بشبابه دايم التنقل بسبب معارضته القديمه للحكم اما سميره زوجاها ابوها بعد سنتين من زواج سماهر وماكدرت سماهر تكون موجوده وياها
وتزوجت لواحد بالريف وهناك عانت ما عانت من امه واسلوبها الجاف والظالم وياها
بس مثل حال اختها سماهر شنو جانت تكدر تسوي غير انها تصبر ......
وبيوم اسود جانت سماهر تنظف البيت ودايخه بجهالها الوكحين الي كالبين البيت
عرفان يمه وين طوبتي 
محمد يمه حسناء تبجي
سماهر اشششش ماما دكعدوا هسه وكت غدا يلا غسلو اديكم
فجأه رن الهاتف الارضي .......
سماهر راحت ورفعت السماعه ........
سماهر الو 
المتصل الو ام عرفان 
سماهر اي اي اني ام عرفان منو حضرتك 
المتصل انا رجل سميرة
سماهر فز قلبها وفرحت سميرة شلونها هي يمك 
المتصل جاي اتصل بيج من الشارع بالبدايه اتصلت ببيتكم بس ردت علي مرة واطتني هذا الرقم وكالت مالنا شغل
سماهر بشنو مافهمت 
ارتسمت ملامح الخۏف والقلق والړعب على وجه سماهر والاصوات الي جانت ماليه راسها من الاطفال اختفت وركزت بس بصوت التلفون
المتصل سميرة اطتج عمرها
وكعت السماعه من ايدها و وكعت بعدها هي وبدت سماهر تلطم وجهها وتصرخ والاطفال خافو من منظر امهم الي جانت تبجي
عرفان شال السماعه ويسمع .....
المتصل الو الو
عرفان الو
صوت امه جان يمنعه ان يسمع زين خلا ايده على اذنه وحجا انت منو 
المتصل كول لامك خلي تجي اني راح ادفن سميرة بالفتحة السابعه بأول فرع بمقبرتنا
انقفل الخط ....................
عرفان يمه سميرة راح ټندفن بالفتحه السابعه اول فرع يكول
رفعت سماهر راسها وهي تبجي من ابنها الي ميعرف خالته سميرة ولا عمره شافها
رجع ساهر وهو متلثم وضايج وشاف سماهر لابسه اسود وممسويه غدا و عرفان جان شايل حسناء ويسكتها
ساهر شنو هذا الوضع وشلابسه 
جانت كاعده على الكاع ولازمه صورة الها وسميرة لازمه ايدها
سماهر رفعت راسها اختي ماټت
ساهر لا حول ولا قوة الا بالله
سماهر اريد اروح اشوفها قبل متندفن
ساهر وين تندلين انتي 
سماهر يعني مراح تاخذني 
ساهر اخذج وين متشوفين حالي 
السيطرات تلزمني
سماهر عوفني معناها اني اروح
ساهر والاطفال 
سماهر اخذهم وياي
ساهر يطبج مرض روحي وين متردين وسويلي اكل يلا تولين
نص ساعه خلت سماهر تجهز كلشي وتطبخ خلت الاكل كدامه وطلعت ومافكر حتى ينطيها فلوس بس هي جانت عندها خطه بالذهب الي لابسته
اجرت تكسي وبعدين سيارة ثانيه من الكراج واتجهت للنجف
الطريق جان صعب وحسناء اخذت برد ومحمد كل شوي يحتاج جرعه للربو اما عرفان جان مهتم بيهم
واخيرا وصلت وجان من المستحيل ان تلحك على ډفنة اختها لذلك لما وصلت ما لكت غير كومة تراب رطبه وعليها نيشان حتى تعرفه وجان عباره عن طوقها الي سلمته لسميرة قبل سنين وجانت وصية سميرة ان يتخلى على قپرها
وكعت سماهر على قبر اختها ووياها اطفالها المرعوبين والمطر منكعهم مثل ما منكع الدمع هدوم سماهر
بعد فترة بسيطه لما حصلت سماهر اخيرا على عنوان بيت سميرة جانت تراقب اطفال اختها من بعيد
وبسبب ترددها للسلف صارت عندها علاقه صداقه وي وحده من السلف اتضح بعدين ان هي تشتغل بالقران والعلاج الروحاني
نرجع ليومنا هذا ................
محمد جان واكف يم مكتب بارق لما رجع وشافه .......
بارق بعدك هنا 
اخوك مراح يطلع اليوم
محمد بس هو ماعنده جرم مسوي شنو ذنبه بجريرة ابوه تخربون عليه يوم فرحه
بارق ما انتبهت ان ابوكم يستخدمكم درع لنفسه 
تعتقد لو بقى اخوك هنا شهر وتدهورت حالته الصحيه بسبب الټعذيب ابوك راح يسلم نفسه 
محمد سكت وهو ما يكدر يرد بسبب معرفته بأبوه وانه مستحيل يتنازل لاحد حتى لو كانو اولاده بارق شاف الحيره بوجه محمد
بارق شفت 
لذلك لازم تتركون موضوع حماية ابوكم حتى لو كان الثمن حياتكم وامنكم او افراحكم !!
محمد حتى لو تنازلنا ابوي ماراح يسلم نفسه
بارق لا هاي قبل اما هسه عندي اسماء توكعه
محمد وهاي الاسماء عرفان بينها 
بارق تعال ادخل ............
فتح بارق باب مكتبه ودخل وراه محمد وجان واكف بنص المكتب
بارق على شنو واكف اكعد خلي نحجي
كعد محمد وجان متضايق بسبب مرضه عيونه حمر ويسعل بشكل خفيف .........
بارق بيك شي 
محمد لا
بس عرفان اسمه موجود بالقائمه 
بارق اي موجود
وهو مسؤول عن الكمين الي نصبوا جماعة ابوك بيوم ٣ اكتوبر
محمد مستحيل اكيد هذا واحد يريد يأذي
بارق الاعترافات هاي انتزعناها بالقوه وبعد فترة من الټعذيب
محمد منو هذااا 
بارق السريه حتى نحافظ على امان الكل
بس هو مقرب منكم
محمد اكدر اطلع 
بارق طبعا تفضل
طلع محمد وهو راكض وطلع ورا بارق حتى يطمن عليه
محمد بالطريق بدا يتشهك بشكل هستيري ولازم صدره
بارق نمير اركض جيب كلاص مي بسرعه
بارق رجع ولزم محمد من ايده بشنو تحس 
عندك علاج 
محمد البخاخ ما وياي
بارق اخذ الكلاص من نمير بسرعه اركض جيب بخاخ ربو
بارق انطا الكلاص لمحمد وخلاه يشرب مي .........
بارق تعال اكعد هنا ارتاح فد دقيقه ويجي نمير الصيدليه قريبه
جان محمد متضايق ومخنوك ولازم صدره بقوه ..........
اجا نمير وركضله بارق واخذ البخاخ وانطا لمحمد
وبعد ما استخدمه استقر وبدا يتنفس ببطئ
ببيت الصوجر ............
ريام بغرفتها وهي تنوم طفلها وبعيونها دمعه وتحاجي نفسها من قلقها على محمد
ريام سسسوده عليه قلبي ممرتاح اكيد صاير شي
وكعت دمعتها وحست بخنكه عافت الطفل وطلعت برا للصاله ولكت ام عرفان كاعده وهم ما تختلف عنها دموعها على خدها
ريام حضنت ام عرفان وهي تبجي عمه ما مرتاحه قلبي محترك خاېفه
ام عرفان حسبي الله عليه يريد يحرمني من كلشي
ماكفاه شبابي وعمري الراح واني مسجونه بقفصه المعفن
بس ماارتاح الا اخذ حقي وحق اختي
ريام وخرت منها وكعدت يمها بعد ما مسحت دموعها .....
ريام اختج 
عمه انتي عندج اخت ليش محاجيتلي 
وينها 
ام عرفان اختي سميرة تختلف عني
اني جنت اتحمل اساءات ابونا وقلبي غلف
بس هي جانت تتمرض لمجرد كلمه تسمعها من ابوي
وبعد فترةمن زواجي زوجها لواحد بالريف هنا
وصار بيها الي صار وما ينحجي من ظلم وبعدين ماټت
ريام پصدمه الله يرحمها
يعني زوجها هنا عايش 
ام عرفان اي هنا عايش
ريام تندلين بيتهم 
ام عرفان اندله كلش زين
بالقسم ..............
بارق يلا تعال خلي ارجعك لاهلك
محمد مااكدر ارجع بدون عرفان
بارق اخوك يتأخر وماراح يطلع هسه
انت ريح نفسك بالبيت
وافق محمد واخذاه بارق لبيتهم جانت ريام بالحديقه لما شافت محمد داخل عليهم ماصدكت عينها بالبدايه الا لما سمعته
محمد شمكعدج بهذا البرد هنا
ركضتله
وحضنته شنو شمكعدني البيت صاير كبر الي
الحمدلله رجعت
محمد حبيبتي انتي وين رايح ارجعلج بالاخير
ريام وخرت وهي تباوع على الباب و عرفان ما اجا وياك 
محمد عرفان بعده ميطلع هسه
تعالي ندخل
امي كاعده 
ريام اي خطيه ما سكتت من بجيها
دخل محمد وامه غافيه على القنفه .........
محمد يمه كومي حبيبتي نامي بغرفتج
كعدت والفرحه بعيونها وحضنت ابنها وعرفان 
محمد كم يوم وراجع
ام عرفان ليش شنو يردون منه 
محمد ابنج متورط بشغل ابوي بس الملازم طمني وكال ماراح يخلي احد يأذي
صباح اليوم الثاني ...............
ببيت الصوجر ...........
ام عرفان كاعده قبل الكل ومحضرة الريوك ومتنطره ريام تكعد ومن حست الوقت تأخر راحت لغرفة ريام ودكته
ام عرفان ريام يلا كومي عدنا روحه لخطيبة عرفان
كامت ريام من نومها اي اي عمه طالعتلج
محمد لزم ريام من ايدها اخذي الطفل وياج
ريام تمام هو يمتى انت مسويلي شي
طلعت ريام و هي مجهزه نفسها وطفلها بيدها .............
ام عرفان يلا تريكي حتى نروح
كعدت ريام عمه شنسوي رايحين 
ام عرفان غير نوديلهم المهر من هسه
حابه اخلص كلشي بسرعه
خطيه خلي تجهز نفسها
ريام خوش فكره والله
ام عرفان يلا استعجلي ...........
بالجانب الثاني ............
كاعدين بغرفتنا اني وفرح ......
فرح اكلج معقوله لحد الان ممطلعين عرفان 
زهراء عسا لا طلع
كلما اتذكر كلامه وياي اتمنى ېموت
فرح لا خطيه حرام عليج
زهراء شنو خطيه اكو عاقل يحجي مثل حجاياته
فرح غير انتي مسترجله واول مشفتي غلطتي عليه
زهراء انتي لتصيرين بصفه وانجبببي
فرح انجبينا
بيبي فتحت الباب يلا خوانم ريوكجن متنا جوع
زهراء اي جايين
بيبي كومن كدامي يلا
كمنا وبالمطبخ بدينا نسوي ريوك وابوي طالع من الصبح للحقل ........
وتريكنا وغسلنا المواعين وكعدنا اني وفرح بالحديقه وكالعاده نفس الموضوع فرح تقنعني ان هو خوش ولد
ودخلوا علينا ام عرفان وريام وسلمنا عليهم ودخلوا للبيت
داخل البيت .....
ام عرفان سلمت لبيبي فلوس وكلتلها هذا مهر زهراء ان شاءالله تصرفها بالعافيه
وبيبي مصدكت وخلته جوا زرورها يعني سلملي
طبعا ام عرفان انتبهت لهلشي وريام هم جانت مستغربه
ام عرفان خلي البنات هسه يطلعن ثلاثتهن ويتسوكن شوي سوا
بيبي اي اي روحن
ام عرفان انطيهم جزء من الفلوس
بيبي انتبهت واخذت منهن وانطتهن الي وهي تباوعلي بمعنى لا تصرفينهن كلهن.......
ام عرفان طلعت ويانا وبالطريق كالت راجعه للبيت لان متكدر تمشي هواي وصلناها للبيت ورحنا
بعد ماراحو البنات ام عرفان رجعت لبيت نجيبه 
جانت كاعده بنفس مكانها بالصاله وداير مدايرها الفلوس وتحسب وفرحانه
ام عرفان برا البيت لزمت جلكان النفط وبدت ترش على البيت لحد ما وصلت للبيت وشمرت الجلكان
فزت نجيبه من الصوت ........
نجيبه منو 
دخلت ام عرفان ونجيبه متلبكه ......
نجيبه هههه ام عرفان بعدج هنا عبالي رحتي
ام عرفان