رواية عروس الصوجر

عمتها ممكن احجي وي زهراء 
ام عرفان اي براحتجن
كامت ريام بعد اذنج حجيه راح اخذ زهراء ونحجي برا
بيبي مرخوصه يمه
لزمت ريام ايدي وكمت وياها واني مېته من الخجل هي جانت طيبه حيل وكلامها يخلي الواحد يرتاحلها ويحجيلها كلشي بقلبه
ريام حست بي مامرتاحه لذلك لطفت الجو
ريام الله حلو الجو
بعدني ممتعوده على العيشه هنا بس لطيفه
انتي رايحه للمدينه 
زهراء لا بس قبل زرت امي بالنجف
ريام حبيبتي الله يرحمها
كم مره رحتي 
زهراء مره بأربعينيتها
ريام صفنت شوي وعرفت ان عيشتي عمرها ماجانت سهله
ريام زييين شوفي ماراح امدحلج بحماي بس مراح تلاكين مثله
صححح هو جان بالشماعيه وتعالج
اني اڼصدمت وباوعتلها بسرعه وقلبي شوي ويوقف وهي ضحكت
ريام ههههههههه شبيج والله امزح وياج
اني ابتسمت لان شكلي كدامها صار مهرج
ريام هههههه اي هيج ورينا هالابتسامه الحلوه
خجلت حيل بس اختفت الابتسامه لما شفت بارق جان يمشي ويا واحد من شيوخ المنطقه ووياه اربع اشخاص
مارفع عينه عني حتى من شفته و ريام حست اني متوتره
ريام تعرفينه 
زهراء لا بس هو من يجي يسوي مشاكل بالسلف وكلها تكرهه
ريام هو شنو يجي من وراهم ذول
اتجاهلي يولي
تقدم النا والشيخ وياه جان .....
بارق السلام عليكم
ريام وعليكم السلام
اني مسلمت لان جنت خاېفه يلاطشني كدام ريام .......
الشيخ هلا بويه شلونج 
ريام هلا عمي الله يخليك بخير
الشيخ ان شاء الله مرتاحين 
ريام والله الحمدلله العيشه هنا حيل مريحه
بارق تعرفهم شيخنا 
الشيخ ذول بيت الصوجر شلون مااعرفهم
عرف بارق ان ريام وحده من عائلة الشخص المطلوب الهم
بارق هاااااا يا هلا منورين
وان شاءالله ترتاحون اكثر واكثر
باوع عليه وانتي هاج شالج
مد ايده وطلع من جيب سترته شالي.......
اخذته منه بسرعه وحجيت لريام يلا ريام خلينا نروح تأخرنا
بارق ليش مستعجله 
خلي بيت الصوجر يتونسون
زهراء ما يخصك بينا
جريت ريام ورحنا سوا .........
ريام لحظه هو هذا شالج ليش جان يمه 
زهراء من فتره لكيته متصوب وانطيته الشال يلف صوابه بي
ريام هااا فهمت زين هو ليش احسه حاقد
زهراء هذا حاقد حتى على نفسه
ريام هسه منين طلعلنا ردنا نتونس شوي
زهر اء ليش منتونس تعالي نروح لحقلنا
ريام يلااا ياريت والله
بالجانب الثاني ..........
بارق اي تونسو لان هاي اخر ايام فرحكم
ما اكون بارق اذا ما وريتكم الويل
بالحقل ..........
ريام هذا الحقل مالت ابوج لو ورثتوا
زهراء اي هذا ورث قديم حيل
ريام مبين قديم النخل واصل للسما
زهراء حلو 
ريام يجنننن
اتدنت من يمي وكالت زهراء حبيبتي اني اعتبريني مثل اختج واحجيلي اذا اكو شي بينج وبين العسكري هذاك
زهراء لا والله العظيم ولا بيناتنا شي ومايهمني بشي
انتي فهمتي غلط
ريام لا هاي هيه اني بس خفت لا يكون بيناتكم علاقه واحنه عدنا مليون مشكله وي ذول
زهراء شلون يعني 
ريام عمي من زمان معارض ومطلوب الهم وكل فتره يطلعولنا
مره اخذوا محمد الي هو زوجي وعذبوا حتى يضغطون علينا ونسلم عمي بس الحمدلله واحد من اهل الله ساعدنا وطلع
اني تذكرت نظرات بارق فعلا جانت مليانه حقد وكأنه ماطايق يشوفنا كدامه
زهراء لا تديرين اله بال هذا مايكدر يسوي شي
ريام ان شاءالله
بلا خلينا نرجع ترا عمتي تدزلنا دورية كامله
زهراء يلا
رجعنا للبيت وكعدنا طبيعي .......
ام عرفان يلا احنه لازم نمشي
ان شاءالله باجر العصر ادزلكم كم شغله لازمات لزهراء
سلمن علينا وراحن وصلناهن للباب وراحن .......
فرح شنو شحجيتن 
بيبي شكلتلج 
زهراء ولا شي بس رادت تشوف حقلنا
بيبي ها وماكالتلج شي 
زهراء مثل شنو 
بيبي على اهلها بيتهم املاكهم 
زهرا ء لا ابد ماجابت الطاري
بالليل .......
فرشنا فراشنا وتمددنا .......
زهراء اكلج هذا اليوم اجا وكدام ريام انطاني الشال وريام شكت عبالها بيناتنا شي
فرح يا شال ومنو 
زهراء هذاك اليوم من تصوب بارق انطيته الشال
فرح زين انتي حجيتيلها 
زهراء اي بس حسيتها مااقتنعت وبعدها عندها شك
فرح الاسبوع الجاي خطبتج
اكيد لما يعرف ماراح يتعرضلج بعد
زهراء بس قلبي ما مطمن اله احس راح يسويلي مشكله
فرح شيسوي مثلا شبيج لتفكرين زايد
ثاني يوم ..............
مر الصبح بدون تفاصيل مهمه تستحق احجيها واجا العصر ووصلتنا الاغراض
هواي بشكل جنت اعتقدهن ذني جهاز العرس كامل
طلعن ملابس و مستحضرات وسوالف عنايه
وبيبي جانت طايره لان ضمنت غناهم وفلوسهم
فرح والله طاكين ذول
زهراء ماشفتي الحجيه شكد لابسه ذهب
فرح وانتي هم راح تلبسييييين بكدهااا
زهراء واني شسوي بالذهب من قبر لقبر ثاني
الفرق بينهن هذا خشب وذاك من ذهب
بيبي لا تكثرين كلام وروحي رتبيهن انتي واختج
بالجانب الثاني ........
بارق جان بمكتبه وېدخن وبراسه الف سؤال ..........
بارق وهو يفكر هاي جانت تمشي وي جنتهم اكيد هي راح تتزوج من بيت الصوجر
هز راسه وهو متضايق هسه اني شكو دايخ بهاي
اندك باب المكتب ........
بارق ادخل
الجندي سيدي المتهم سلمان وافق يعترف .....
بارق حلو جاي وراك نقلو لغرفه التحقيق
ولا تخلي اي احد غيري يدخله
بغرفة التحقيق ..........
بارق واخيرا خليت عقلك براسك
سلمان سيدي اني مالي ذنب العوز خلاني اسوي هيج
بارق يعني هسه جاي تبرر جريمتك
كل الفقرا لو يسوون مثلك يصير البلد فوضى
سلمان سيدي بعد قدمولي فلوس واني عندي عائله اعيلها
بارق جان لازم تفكر بيهم قبل ما تسوي هيج
سلمان اني مستعد انطيك كل اسماء الاعرفهم بس لا تخليهم يحكموني
بارق اوعدك اذا انطيت كل الاسماء وساعدتني الزمهم كد ما اكدر راح اتواصل وي اكثر من شخص حتى يخفف عقوبتك بالمحكمه
سلمان حاضر سيدي
راح احجي كل العندي
ببيت الصوجر ...........
عرفان يمه راح اسمع كلامج بس لتلوميني لو صار شي بعدين
ام عرفان يعني شيصير مثلا
عرفان يمكن ما نتفاهم او يمكن اني ماتعجبني
ام عرفان اي هاي فترة خطوبه وتعرفو على بعض اذا ماعجبتك بسيطه
محمد هسه دكول يا الله وربك يكتب الخير
اجا الاسبوع واجا يوم الخطوبه واني مخنوكه لابعد درجه ممكن احد يتخيلها احس ورطت نفسي وهسه لما وصل الصبر حده مااكدر احجي لان وصلت لمرحله صعب اتراجع او اعترض عليها
الكل جان عايش الحماس والفرحه الا اني جنت خاېفه من المجهول وشنو راح اعيش هناك
الشخص الي راح اتزوجه شنو طبعه شخصيته مشاكله 
كاعده والكل حولي منتظرينهم يجون اجت ساره كعدت يمي
ساره ها بشړي 
زهراء اكلج راح احجي وي ابوي مااريد اتزوج
ساره اشش صوتج والله لو يسمعج احد الا يخلصون عليج
زهراء يعني شلون والله اذا بقيت هيج انا اخلص على نفسي
ساره الله يخليج بس خلي هاليوم يعدي على خير
وبعدين طلعيلج سالفه بالولد وتفصخون بس هسه سكتيي
كامت ساره لان صاحولها واني اخذت بكلامها وسكتت بس الافكار والكلام والاصوات براسي ما سكتت
شوي واجو واڼصدمت صدمة عمري ومن الصدمة وكفت على طولي وهو هم جان مبين عليه مصډوم ومتردد
اجت ريام حضنتني وسلمت عليه واني اداري صدمتي وحيرتي
اجا وكعد يمي وبدون ميباوع لو ادري جان موافقت والله مناقصني مخابيل
زهراء شعورنا متبادل مكاتله نفسي على شخص مثلك
عرفان حلو صعبيها على نفسج مو صرتي بيدي كل كلمه تحجينها راح تتحاسبين عليها
حسيت بيبي ونظراتها تكلي لا تحجين سكتت مع ان هي اقرب وحده وسمعت الكلام بس مااهتمت لتهديده ولا قلقت منه
شوي ودخلت علينا بنت عمي الصغيره وهي تبجي
وراها محمد طلع من سمع بصوت .......
الصوت يابا ولو عدكم فرحه بس بعد الدوله هم تستاهل
هذا الصوت وطريقة الكلام اعرفها ماكو غيره جنت ضايجه من وجوده وبنفس الوقت فرحانه لان اكيد ماراح نكمل الخطوبه علاقل اليوم
محمد اخو عرفان تقدملهم خير سيدي صاير شي 
بارق انت عرفان ساهر 
محمد اني اخو
بارق لا ماتنفع لازم عرفان ساهر شخصياا
عرفان سمعه وطلع للساحه ........
عرفان اني عرفان
بارق اذا ما ازاحمك تعال وياي للقسم
محمد وين ترا عدنا خطوبه خلي تخلص واحنه بنفسنا نجي
بارق يلا ميخالف ننتظر هنا
عرفت ان اني ماخلصت وراح تستمر الخطبه واتورط
كعد بارق برا وطلع جكارة وبدا يشرب بيها
ورجع عرفان كعد يمي وحجا بهمس شكد فكر هاي بدايتها
بس اني اتجاهلت ومارديت لان تهديده الاول خلاني اقلق منه
كملت الخطوبه وطلع عرفان وراح وياهم .........
ريام جانت خاېفه على محمد وعرفان وام عرفان تطمن بيها
وشوي شوي المعازيم راحو
ام عرفان يلا عيني احنه راح نروح
بيبي طلعت وياهن برا 
فرح هذا بارق ما ناوي يعوف العالم بحالهم
سارة على اساس هو جاي يجي من كيفه غير اكو احد يدزه
زهراء واني فرحت كلت راح ېخرب الخطبه
سارة زين حتى لو ابوهم مطلوب هم شعليهم بي 
فرح يعني قابل ما يعرفون مكان ابوهم
هسه اكيد راح يشبعهم كتل الى ان يعترفون
سارة ياااا معقوله .
والله خطيه
كمت من يمهن ودخلت للغرفه واني مخنوكه من كلشي واتذكر كلام عرفان وتهديده الي اساسا ماجان وقته وبين معدنه بأول يوم
سيارة بارق وصلت قبل السيارة الي بيها عرفان وتوجه لمكتبه وبعد ما نزع سترته كعد كدام الميز وفتح الملف وبدا يقرا اسماء اعطاها اله سلمان الشخص الي اعترف قبل كم يوم
وجان يريد يخلص وقت لبين ما يوصل المتهم
طلع من المكتب وصاح على الموظف ......
بارق فد استكان جاي ابو ساري لان راسي راح ينفجر
ابو ساري تدلل احلى استكانة جاي لاستاذ بارق
بارق عاشت ايديك
دخل للمكتب وسد الباب ورا ورجع لمكانه وهو يفكر بينه وبين نفسه
بارق بيت الصوجر
يصير خير
خلي الزملي خيط وبعدها ماارحمكم
اندك الباب ........
بارق تفضل
نمير سيدي المتهم صار بغرفه التحقيق
تدخل لو ملازم حسين يحقق بمكانك
بارق حسين شكو 
شرطي نمير محد غيري يدخل عليهم
مفهوم 
روح كدامي وصير بالباب لحد مااجي
نمير حاضر سيدي
اخذ بارق سلاحھ وطلع بعد دقايق واتجه لغرفه التحقيق وبالطريق ابو ساري جان جايب الجاي
بارق انطيني اخذه وياي
والله حيل احتاجه
ابو ساري طبعا سيدي يعدل الراس ويكيفك
بارق لا راح اشمره بوجه عرفان الصوجر
ذول من وراهم لو اشرب برميل بيره ما يكيفني
قد يعجبك أيضا
نمير لا سيدي فقط المتهم واخوه راد يدخل بس ماخليته
بارق عفيه عليك
ابتسم نمير وهو من داخله طاير من الفرح لان اول مره بارق يمدحه بشي
دخل بارق للغرفه وعرفان جان كاعد بكل اريحية و منتكي على الكرسي
كعد و حط الاستكان على الطاوله .............
تضايق من طريقه كعدة عرفان بس ماراد يخلي يستفز لان هذا جان مقصد عرفان من هلحركه
بارق مرتاح 
عرفان حيل
بارق مصاير هيج قبل
شخص ابوه مطلوب للحكومه ومفقود وهو مرتاح 
عرفان مفقود يمكم
اما يمنا معلوم مكانه
بارق حلو !
يعني انت تعرف مكان ابوك 
عرفان بالحالتين ماراح اكلك بمكانه
بارق راح تكلي عرفان راح تكلي
بأرادتك او بدونها
عرفان شنو تريد تسوي سوي
بارق صيح وعيونه مثبتها على عرفان الي جان مبتسمله نمير
نمير
شرطي نميرر
دخل نمير ومستعجل واللفه الي جان ياكلها مبقيها بأيده ومطلعها برا ........
بارق شنو جنت تسوي 
نمير بصعوبه واللكمه بحلكه سيدي ممسوي شي
بارق كام من مكانه وصار يم نمير اسمعني زين حتى للزنزانه ميفوت اريده ينام هنا على الارض او على الكرسي وممنوع تجيبوله فراش
نمير حاضر سيدي
طلع بارق وشاف اللفه بأيد نمير باوعله صفح بالعافيه على قلبك
نمير الله يعافيك سيدي
بالجانب الثاني ........
ببيت الصوجر ......
ريام عمه خاېفه على محمد هو مايكدر لهيج جو والربو يهيج عليه
ام عرفان اني شبيدي عليهم
كله من ابوهم
كلتله اولادي مااريد يصيبهم شي
بس