رواية عروس الصوجر

الا لما تسمع صوت اطلاق ڼار مفهوم
الجندي بس سيدي
بارق نفذ بدون كلام
الجندي حاضر سيدي
نزل بارق بعد ما اخذ العنوان وبدا يدخل بين الاشجار الى ان اختفى
بالجانب الثاني ..........
جنا متونسين الى ان مديت ايدي على جيب ثوبي وتلمست المفتاح ماكو مالت بيتنا واتذكرت لما شمرتهن على الارض
فزيت من مكاني وكمت على حيلي
زهراء بنات هسه اجي ابقن هنا
فرح وين 
سارة شكووو
زهراء راح اجيب المفاتيح وكعن مني
سارة نجي وياج
زهراء ميحتاج بسرعه اجيبهن واجي
طلعت من بيت عمي وراد يجي محمد وياي بس مخليته وكلتله ابوي هناك اصلا
جانت الشمس نازلة والدنيا غروب وبارده واني متلفلفه بالشال الي اخذته من حبل بيت عمي ولا عمري رايحه لوحدي لحقلنا بهيج وقت وهسه اني بنص الطريق وخاېفه وحتى مااكدر ارجع ولا اتقدم
بس لما سمعت صوت الطلق رجليه احس تريد اركض للمكان وفضولي وخۏفي على ابوي خلاني اركض بكل سرعتي
صعب اشوف كدامي وجنت اتمعن بالطريق الى ان شفت شخص واكع يم الشجره ومتمدد ولازم جرحه
تقدمت ببطئ وتفاجأت هذاك الشخص هو بارق جان واضح يتألم وما واعي لاي شي حوله
بسرعه وبدون كلام لفيت شالي وخليته على جرحه 
زهراء هاي شصايرلك
هو فتح عيونه وكال ماكو شي بس حبيت ازرف بطني
زهراء حتى وانت متصوب غثيث
بارق سؤالج الغثيث
زهراء استغفرالله
بقيت اتلفت بلكي احد بالمكان بس ماجان اكو احد وشوي سمعت صوت سياره وركضت ووكفتها طلع جندي ودليته بمكان بارق واخذا
ايدي جانت مليانه ډم وجنت ارجف واحس الهوا البارد يهز ضلوعي وشوي سمعت صوت مثل صوت الذيب وشردت ونسيت المفاتيح ولا رحتلهن
رجعت للبيت بس مادخلت و دزيت بنت عمي الصغيره حتى تصيح لسارة وفرح ولما اجن وشافن ايدي
فرح اسم الله شنو هاي 
سارة شبيج شنو هذا الډم
زهراء متت برد بس خلي اغسل وبعدين احجيلكم
سارة ركضت جابت مي حار وغسلت ودخلنا وبدون متشك عمتي كعدنا بالديوانيه وسوينا نفسنا نسولف ونضحك
سارة احجييي راح اموت
زهراء مو رحت اجيب المفاتيح لكيت بارق واكع على الارض ومتصوب
فرح يمه !! وماټ 
زهراء لا مااعتقد مجان واضح عليه ان وضعه خطېر
سارة ولج شلون مواضح ترا هذا قوي ميبين عليه اكيد ټأذى
زهراء سارة والله احس تتراهمون هو هم يخوط بصف الاستكان
ساره هسه شحجينااا
ورا شوي ابوي دخل علينا وجان معصب لان ملكانا بالبيت وحاولت عمتي تهديه بس خجلها و ما انطاها وجه
فرح انلاصت علينا
سارة هسه شلون تكلله المفتاح ضايع 
زهراء اني رايحه احاجيه
ابوي جان واكف بباب البيت الرئيسي وطلعتله وهو قبل مااوصل يمه
ابوي وين فرح هم صيحيلها وتعالن
زهراء بويه مو مفتاح البيت ضاع مني بالحقل
ابوي طيح الله حظج وين ضيعتي هو صوج اليعتمد عليج
عمتي ياخويه هسه المن شاد راسك تعال ادخل هي ليله وحده لف راسك ونام يمنا الليله
زهراء بويه اني اعرف مكانه باجر اجيبه
باوع ابوي علية وبدون ما يرد خزرني ودخل
رجعت للبنات وكلتلهن ان احنه راح نبات هنا اليوم
وطول الليل ماكدرت انام من التفكير معقوله ماټ واتذكر كمية الډم على الارض هذا الشي سببلي ازعاج وبقيت للساعه ٣ الفجر كاعده
فزت ساره وشافتني كاعده
سارة شبيج 
زهراء مبي شي مجايني نوم
سارة مجايج نوم ترا بعد ساعتين يكعد البيت كله 
زهراء يلا راح انام
التفتت للجهه الثانيه وبقيت افكر واني مغمضه عيني الى ان غفيت
قد يعجبك أيضا
الصبح ..............
كعدت ولكيت البنات لامات الفراش ومسويات ريوك وعمتي جاي تغسل الساحه
يعني مخلصين شغلهم
بين مااسطر فراشي الي جنت نايمه بي دخلت فرح وهي تباوع من باب الغرفه ومبينه متريد احد يسمعنا واحنه نحجي
بعدها كعدت على الصندوق الي جان بالركن
فرح شنو موضوعج 
عفت الفراش وباوعتلها بأستغراب موضوعي شنو 
فرح ترا البارحه كله منمتي وكلما افز اشوفج تتكلبين بالفراش مثل السمجه برا الماي
زهراء عادي ! محد يسهر 
فرح اهاا المهم نسيت اكلج خطيه هذا بارق مخبوص السلف من وراه يكولون البارحه كاتله واحد من السلف
شمرت البطانيه من ايدي وعيوني من الصدمه دمعن ماټ 
فرح سكتت شوي وهي ضايجه ههههههههههههه شبيج لونج انخطف مبي شي مبي شيييي
اني طك عقلي ولزمت النعال الي جان بباب الغرفه وركعتها على راسها وشردت وهي تضحك ولازمه راسها
زهراء هسه قابل مېته عليه انا
رجعت كملت الفراش وطلعت تريكت وطول الوقت ذني يتبسبسن عليه ويتبسمن واني مغلسه منهن حتى لا يكولن غثيناج ومعناها انتي صدك تحبينه
ابوي شوي ودز علينا ومخلانا نكمل غسل مواعين وي سارة .......
رحنا وي ابوي لمكان المفاتيح والحمدلله لكيناهن ........
ابوي انتن روحن للبيت انا رايح برا السلف
فرح وين بويه 
ابوي البارحه واحد مصوب عسكري رتبته عاليه رايح ازوره حتى ما نطيح پالنار وتاكلنا محد يدري ياهو الينكوي بيها
فرح الله وياك
باوعت فرح عليه الحمدلله على سلامته
زهراء انتي ماتجوزين الا اطيح حظج
خلينا نرجع للبيت
فرح يلا امشينا
مر يومين ووضع السلف مايطمن والعساكر داخلين منه وطالعين وبارق ماجان وياهم
بس جانو كبار بالعمر واسلوبهم اسوء بهواي من اسلوبه
بحيث اهل السلف صارو يترحمون على ايام بارق الي ملازمهم من سنتين
ببيت الصوجر ........
ام عرفان جانت كاعده وي ريام لوحدهن يجهزن لخطوبة عرفان ......
ام عرفان هسه اني احير بساهر لو بأبنه وفوكاها ماعاجبهم واني الاسوي مشاكل
وهم واحد معارض الحكومه والثاني يريد ېموت اعزب
ريام عمي بمكان ماراح يكدرون يلكونا لو يشوفون لحمة اذنهم
وعرفان سالفته بسيطه هو ميرفضلج طلب
ام عرفان اي بس شلون لو كسر كلامي كدامهم وفشلني تعرفينه راسه يابس
ريام هسه انتي ليش تفاولين خلي نكمل كلشي وهو بس يشوفها متأكده مايحجي حرف
ام عرفان امري لله زواج الاكشر هذا
خلي باجر نروحلهم ونشوف شمحتاجين ممحتاجين لازم نستعجل قبل ما توكع مصېبه على راسنا
ريام تمام عمه التردينه يصير
دخل محمد وهو شايل طفله الصغير وكعد يم امه .......
محمد اخذي حفيدج ماخلاني انام
ام عرفان يمه هلا هلا بمشمش
محمد مشمش يمه كولي غيرها
ام عرفان هو صغير ملحك على سوالف المرجله يسلطان محمد
محمد خهههههههههه زين سلطانه ريام كومي سويلنا جاي
ريام وين اكو سلطانه تسوي جاي تضحك عليه 
محمد هههههههه صدكتي نفسج يابا
ريام باوعتله بټهديد ماشي بعدين نتفاهم بالموضوع محمد
ومحمد دزلها بوسه بس مسكت نفسها ماضحكت ومن داخلها جانت طايره
محمد وريام قصه حبهم جانت صعبه بسبب ابوها الي جان رافض لزواجهم وانتظرها محمد ٧ سنوات بالاخير ابوها استسلم وزوجها اله
بالجانب الثاني .........
اجت بيبي من الكوت واحنه فرحانين لان جانت جايبتلنا وياها شغلات ولا عمرنا شفناها
يعني مثل مكياج مانعرف وين يتخلى اساسا يعني قبل اقوى شي اعرفه الحمرة والمسكارة بس هسه هواي انواع جايبه وجنت محصورة ضحكه لان بيبي الرجال معلمها وين يتخلن وتلزمهن وتعلمني
بيبي هذا كونسر يخلونه على الوجه كال بي درجات بس انا كلتله يرهم
وهذا محدد اضن كال للحواجب يحددهن
فرح بس بيبي هذا احمر شلون يتحدد بي 
بيبي اندري بعد شوفن المن
انتي تعرفين هاي اختج اكبر منج وماتعرف
بنات اخر وكت
فرح هو غير احمر شلون يتخلى على الحواجب شتصير تشاكي
بيبي تشاكي منين انوب صاحبج 
فرح هههههههه لا هذا فلم شفناه بتلفزيون بيت عمي
بيبي اي خوش هاجن هاي الاغراض وانا رايحه للحقل اخذ الغدا لابوجن ومن ارجع والكاج مخليه منهن يفرح الا اعلكج بالبنكه
فرح لا ابدددد
طلعت بيبي وبقينا اثنينا ...........
زهراء الله شوفي هذا الفستان والله بيبي متنكدر جايبه القياس فيت
فرح من كدما مركزه بينا حتى شابره طولنا
زهراء هههههههههه
روحي صيحي لسارة خلي تساعدنا بلااا شنعرف لهذا المكياج
راحت فرح واني رتبت الاغراض ودخلت اغراض بيبي لغرفتها بس وكعت عيني على الكنتور مالتها واجا ببالي الفضول اشوف الصندوق مره ثانيه بس الصدمه ان بيبي مغيره مكانه
طلعت من الغرفه ولكيت ساره وفرح هسه داخلات وتلاكينا
طبعا ساره ماصدكت ركضت للمكياج وبدت تشوفه وتفحهن وحده وحده
كعدنا يمها
ساره هذا كونسيلر العببب والدرجه مالته ماترهملج
اخذته منها وخليته يم وجهي .......
زهراء هذا اسمه كونسر يلفاهمه وراهم لوجهي شوفيييي
ساره ههههههههههه يمه كونسر شنو هذا
والله مو هيج اسمه منو علمج 
فرح بيبي كالت
ساره والله يا الله دسكتن هي بيبي شعرفها بلمكياج اقوى حمره عدها الديرم
زهراء هههههههههههه يعني هسه هذا مايصير اخليه 
ساره والله راح يخليج مثل الباندا
فرح معناها يمكن يرهملي
زهراء حتى تكسرج بيبي والله
فرح اضمه وين تدري بليل امكيج بي للجني الي بغرفتي
والله عقدتونا عميييي
سارة اي والله خاي فرح تاخذه مايفيدج
زهراء هاج بس لا تخلين بيبي تشوفه هلكيه بعييدد
فرح صدك جذب اعتبريه مفقود
خلصنا بقية المكياج وساره اقترحت تجرب تمكيجني ونشوف النتيجه واني وافقت
بقت نص ساعه تجيب وتحط واني مسملتها وجهي وحتى نعست ....
سارة لا لا الحمرة مشمشي لازم الايشدو ازرق
فرح هااااااااا ولج وين صايره هاي لازم احمررررررر ووياه جوزي حتى يصير شبابي
سارة هاي هيه كل عين نخليلها ايشدو مختلف حتى نشوف منو تفوز
زهراء تتشاقن مو 
واني شطلع بلا
فرح هسه انتي الج الحاضر بس اصبريييي
رجعن يشتغلن وكل شوي متعاركات على لون يخلنه على وجهي الي لو اله لسان جان صړخ
بعدها اطوني المرايه وهنه متحمسات يشوفن ردة فعلي
بقيت جاااامده بدون كلام
فرح ها الله عليج يا عين احلى
سارة احجي الصدك
زهراء اثنينهن يلعبن النفس
ولجن لو انا مسويه لروحي جا طلعت احلى امداجن وامدا الخلتجن تاخذن راحتجن
صرلجن ساعه مسويات نفسجن محترفات
اروح اغسل وجهي احسن
سارة اكلج صدك طالعه جنها كڼاري
فرح ههههههههههههه اي وعلي
سارة اشش لا تسمعنا
بالجانب الثاني ........
بيبي وصلت لابوي .....
بس ابوي جان ماله خلك ومايحجي الا بيبي تسأله وصافن وكل شوي ېدخن جكاره ..
بيبي شني ضايج عليمن 
ابوي ماادري شو مخنوك
افكر بزهراء خاف ما تكدر تعيش وي هذول 
بيبي هسه مو وكتها بلكوه فكو ياختنا ومادامها خلصت بس على زهراء هم نعمه
زين ما كتلوك وحركونا واحنه عايشين
ابوي بس هذا الملازم يكدر يساعدني اذا اكله لان ابوهم مطلوب واذا عرفت مكانه وشرطت عليه يساعدني مقابل هاي المعلومه
بيبي انت تسودنت
وهي واكفه على ابوهم وابنهم من يدري بيك يعوفك
تكفى الشړ واسكت وخلي ضوجتك بقلبك ولا نهجم بيوتنا
هسه انت شخاسر هم راح تحصلك كم فلس و بتك تتزوج
وفرح هم كم سنه وتروح
شلك بهمهن البنات صعبه عيشتهن وانا ماادري يمتى الله ياخذ امانته مني
ابوي عمرج
طويل
اليوم الثاني .........
الصبح زارتنا ام عرفان و بسرعه بدلت و خليت شي عادي حتى لا تكول جاي تهتم بنفسها او تحس اكو فرق بين المره الاولى والثانيه
وسلمت عليهن وكعدت
فرح جابت العصاير ووزعتهن وكعدت يمنا ......
ام عرفان اليوم كلت لريام خلي نزورهم نشوف شنو احتياجاتهم
بيبي هلا بيجن
ام عرفان اني قررت الاسبوع الجاي الخطوبه
اني وفرح وحده باوعت على الثانية من الصدمه .....
بيبي اي هاي هيه مثل ما تكولين
ريام زين زهورة شنو رأيج 
اني تلبكت مااعرف شحجي بس بالاخر كلتلها مثل متريدون ماعندي مشكله
ام عرفان مبينه تسمع الكلام وماراح تتعبنا
ابتسمت الها بس هي مبادرتني واختفت ابتسامتي وفكرت بنواياها الحقيقيه وشلون راح يكون تعاملها وياي بعدين
ريام سألت