رواية بريئة اوقعتني في حبها بقلم دعاء حجاج
حمزه: امممم وده اعتراف منك بقا ولا فهمت غلط
ميرال باستغراب: اعتراف اي انا بتكلم عن الشغل
_استنى استنى انت مكنتش بتتكلم عن الشغل
حمزه بكذب: لا بتكلم ويلا انزلى قبل ما تتاخري على المحاضره
ميرال: حمزه ده حلمى من وانا صغيره بلاش تحرمنى من الحلم ده
حمزه بصلها وقال في سره: مش هينفع يا ميرال انا وصل بيا الأمر انى عايز اخدك في حضنى ومخليش حد يشوفك أبدا انا عارف ان ده جنان بس الحقيقه انا مجنون بيكى
ميرال: حمزززززه
حمزه فاق من شروده وقال: زي ما قولتلك خلصي جامعتك الأول
ميرال: يمكن أبعد
تلك الكلمه اشعلت نيران بداخل حمزه ليقول بحده: انزلى يا ميرال
ميرال: بس
حمزه بزعيق: ميرااال انزلى مش هقولها كتير
ميرال فتحت الباب ونزلت فعلًا وحمزه شغل العربيه وقادها باقصي سرعه
ميرال: بس انا مقولتش حاجه غلط عشان يتعصب كده
وفجاه حد جى من وراء ميرال وحضنها جامد أوى و٠٠٠٠
شخصًا ما حضن ميرال من الخلف لتدفعه ميرال وترفع أيدها وتقول: انت واحد قليل الأدب ومش ٠٠٠٠٠
جوري مسكت ايد ميرال وقالت: اي ده كله ٠٠٠كل ده عشان حضنتك ينهار اسو"د آمال لو كنت عملت اكتر من كده كنتى هتعملى اي هتقت"لينى
ميرال خدت نفس عميق وقالت: فكرتك شاب يا هبله وبعدين حد يحضن حد كده اترعبت يا بت
جوري: امممم حقك عليا
ميرال: الظاهر ان اخوكى وافق انك ترجعى الجامعه
جوري زقت ميرال بكتفها وقالت: كله بسببك تسلميلي يا رب
ميرال: استنى استنى بسببي ازاى انتى قصدك على الكلمتين اللى قولتهم
جوري هزت راسها وكانت رايحه تقول على بيحبك ولكن اتراجعت عالطول واتذكرت كلام على
(فلاش باااك)
جوري: آمال على فين٠٠٠٠٠٠ اكيدا في اوضته
جوري راحت اوضه على وفتحت الباب بكل هدوء وقالت: على ٠٠٠على
على قام عالطول وقال بارتباك: جوري انتى بتعملى اي هنا
جوري باستغراب: مش ده اوضه اخويا بردو يعنى ليا الحق ادخلها زي ما انا عايزه
على: من غير لف ودوران عايزه اي
جوري: على انا فكرت في الاسئله اللى سالتها ليا من شويه واكتشفت انك بتحب ميرال
على استدار واداها ضهره وقال: اي الكلام الفارغ ده
جوري: عليا الكلام ده بردو
على لف ناحيتها وقال: هقولك بس اوعك تقولى لصاحبتك حاجه
جوري هزت راسها وقالت: قول وبوعدك مش هقولها حاجه
على خد نفس عميق وقال: جوري انا حبيت ميرال من النظره الاولى انا عارف ان ده جنان بس حبتها وخلاص
جوري ضر"بت كف تلو الآخر وقالت بفرحه جنونيه: وربنا أحلى خبر يااااا ميرال صاحبه عمري هتكون مرات اخوياا عاااااا انا فرحانه أوى
على حط ايده على فمها وقال: انا قولت اي
جوري شالت ايده وقالت: ومالك خايف كده ليه مفيهاش حاجه يا عليش
على وقف على جنب وقال: ما انا مش هقول لبابا الا لما اعرف ميرال بتحبنى ولا لا
جوري راحت عنده وقالت بفضول: وهتعرف ازاى اذا كانت بتحبك ولا لا
على بص لجوري وقال: منك يا جوري انتى صاحبه ميرال وقريبه منها أوى وعلى الاكيد مش هتخبي عليكى حاجه
جوري: اسألها يعنى ؟
على هز رأسه وقال بتحذير: اوعك ٠٠٠٠٠اقصد مش كده أنا عايز ميرال بنفسها تقولك
جوري: هي تعرفك أصلًا عشان تقولى انا بحب اخوكى
على: تصدقي
جوري مدت أيدها وقالت باستغلال: ايدك على ١٠٠ جنيه وانا هقولك على طريقه الج"ن الازرق ميعرفهاش
على طلع فلوس من جيبه وحطها في ايد جوري وقال: قولى وبلاش استغلال
جوري شاورت على نفسها وقالت: انا استغلاليه يا على
على كز على سنانه وقال: اخلصي
جوري وقفت على جنب وقالت: أنت لازم تتقرب من ميرال وده هيحصل ازاى
على: ازااااااي
جوري بصتله وقالت بمزح: مش عارفه
على اتعصب اوى ومد ايده وقال: هاتى الفلوس وكفايه أوى كده
جوري: استنى يا عم بهزر معاك
على وهو ضاغط على سنانه: قولى اللى عندك يا جوري وبلاش هزار
جوري: لازم توصلنى كل يوم وتجبنى كل يوم بردو
على: ههههه لا حلوه
ثم كمل بجديه: انتى بتهزري صح وبعدين انتى عارفه انى مشغول اوى اليومين دول
جوري: آمال هتقرب من ميرال ازاى
