رواية بريئة اوقعتني في حبها بقلم دعاء حجاج
ياسين ركب الاسانسير وقال: لو كانت بتحبنى مكنتش سمحتلها ترجع إلا ومعايا
بعد شويه
ياسين طلع من الاسانسير وقعد في الكافتيريا الموجوده بالفندق
ياسين وضع رأسه بين ايديه وقال: يومين وهتمشي يا ياسين ملك يومين وهتمشي مستنى اي يا ياسين مستنى البنت تروح منك
ملك: ياسين
ياسين رفع رأسه لفوق وقال: ملك
ملك: ممكن اقعد معاك
ياسين هز رأسه وملك قعدت بالفعل وقالت: تعرف ان الاسبوع ده احلى اسبوع مر في حياتى
ياسين: والسبب ؟
ملك ابتسمت وقالت بتلميح: يمكن عشان اتعرفت عليك !!
ياسين: بس اقصد متاكده انك مش عايزه تقولى حاجه تانيه
ملك هزت رأسها وياسين قال: ملك انتى فعلًا حابه ترجعى مصر
ملك بصت في عيون ياسين وقالت في سرها: لو قولتلك انى عايزه أكون معاك هتقول أي ؟
ياسين في سره أيضا: قوليها يا ملك وبوعدك هتحدي العالم كله عشان تبقي معايا
ملك: ايوه طبعًا عايزه ارجع ده بلدي بردو
حين قالت الملك هكذا تاكد الياسين انها لم تحبه كما تصور
ملك خدت نفس عميق وقالت: هتوحشنى أوى
ياسين ابتسم وملك قامت وقالت: تصبح على خير
ياسين كان يريد ان يوقفها ويخبرها أنه بيحبها أوى ولكن خاف من رد فعلها
ملك وهى ماشيه: كان عندك حق يا ملك ياسين فعلًا مش بيحبك
ياسين خد نفس عميق وقال: خلاص يا ياسين ملك طلعت مش بتحبك فعلًا بلاش تحط أمل انها بتحبك بلاش
بقلم دعآء حجآج
*في قصر جلال الوزيري*
دينا كانت رايحه جايه لتقول بغضب: شايفه يا ماما بيعمل معايا أي
سميره ابتسمت وقالت: اكيدا وراء شغل يا بنتى وبعدين انتى عايزاه يفضل جنبك عالطول
دينا قعدت جنب والدتها وقالت: اه يا ماما عايزاه يفضل جنبي عالطول
سميره: وهيلبي طلباتك اللى مبتخلصش ازاى
دينا: يقعد هو جنبي وأنا مش هطلب منه حاجه خالص بس يقعد جنبي
سميره قامت وقالت وهى طالعه على غرفتها: والله رامى كان عنده حق لما قال عليكى مجنونه
دينا فتحت فمها وقالت: وكمان قال عليا مجنونه طيب يا أستاذ لما ترجع بس
دينا طلعت على فوق وقالت: وربنا لخليها ليله سو"ده عليك
بعد شويه
رامى رجع من برا وفتح الباب ووجد الغرفه مظلمه تمامًا ليقول: دينا دينا
رامى شغل الانوار وصرخ مره واحده حين رأي دينا قاعده على السرير
رامى وضع ايده على قلبه وقال: الله يخربيتك اي اللى انتى عامله في وشك ده
دينا: ده ماسك الفحم يا حبيبي
رامى قلع الجاكيت وقال: واي لازومه ماسك الزفت ده وبعدين بشرتك حلوه
دينا: أصلا بعيد عنك جوزي بيبص لبرا
رامى قلع الساعه ووضعها على الكومدينو: واي الدليل اللى معاكى يثبت الكلام ده
دينا: مش محتاجه دليل لأنها واضحه زي وضوح الشمس
رامى قعد جنبها ومسك أيدها وقال: إحنا اتفقنا على اي
دينا سحبت أيدها وقالت: معرفش
رامى وضع رأسه على رجليها وقال: انا مش عارف مالك اليومين دول ٠٠٠٠بقيتى بتحبي النكد أوى
دينا: أنا بردو ولا انت
رامى بصلها وقال: طب انتى عايزه اي دلوقتى
دينا: معرفش
رامى خد نفس عميق وقال: ماما وجبتهالك عشان متقعديش لوحدك وطلبات واتنفذت عايزه اي تانى
دينا وهى بتنفخ في أظافرها: بصراحه كده عايزاك تفضل جنبي
رامى ابتعد عنها وقال: يلا سلام ومين اللى يشتغل بقاا عشان يلبي احتياجات البيت
دينا: أنا يا حبيبي
رامى: تصدقي فكره واهو بالمره أنا اللى امسح واطبخ واكنس عشان دينا خانم عايزانى اقعد في البيت وهى تشتغل
دينا بفرحه: والله فكره يا حبيبي
رامى قبض أيده وقال: وربنا لولا انى قاطع وعد على نفسي انى مستحيل أمد أيدي عليكى لاكنت علمتك الأدب من أول وجديد
