رواية بريئة اوقعتني في حبها بقلم دعاء حجاج
رنيم اغلقت الهاتف وسيف قال باستغراب: رنيم أول ما سمعت الإسم حاسس انها ارتبكت أوى معقول تعرفها ؟؟
رنيم هزت رأسها وقالت: مش وقته يا رنيم مش وقته
رنيم دخلت الحمام وغيرت ملابسها ونزلت تحت
ميرال: كده كل حاجه جاهزه يا بابا
كمال هز رأسه ورنيم وصلت عندهم وقالت: أي كل الهدايا ده
ميرال بصت لرنيم وقالت: الهدايا ده للأيتام
رنيم ابتسمت وكمال قال: آمال سيف فين يا بنتى
رنيم: راح الشغل يا بابا
كمال: حمزه فوق صح يا ميرال
ميرال هزت رأسها وكمال قال: طب اطلعى قوليلوا ابوك مستنيك تحت عشان نروح دار الايتام
ميرال هزت رأسها وقالت: حاضر
ميرال طلعت فوق ورنيم قالت في نفسها: يعنى بابا طالع حلو أوى
رنيم خدت نفس عميق وقالت: يا رب ميرال تقول لحمزه يتاخروا شويه في الطريق
(في غرفه حمزه )
احببتك جدآ لدرجة ان عندما تغيب عنى يغيب معك كل شئ ♥️٠٠٠٠
ميرال فتحت الباب ووجدت حمزه كما تركته نائم
ميرال ابتسمت ابتسامه بسيطه وقد نست امر كمال تمامًا
اقتربت من حمزه ووضعت أيدها على خده وقالت: حبيبي
_حبيبي
حمزه مسك أيدها وقال وهو مغمض عينه: الساعه كااام
ميرال بصت على الساعه وقالت: الساعه 12 وربع
حمزه استدار وقال: لما الساعه تيجى واحده يبقا قولى
ميرال وقد تذكرت امر كمال لتقول: حمزه بابا عايزك
حمزه فتح عيونه وقال بكسل: ليه ؟؟
ميرال: عشان تروح معا دار الأيتام
حمزه انعدل وميرال فتحت الدولاب وطلعت قميص أسود وبنطلون اسود فهى تعشق اللون الأسود على حمزه
حمزه قام وحضنها من ضهرها وقال: شكله الجميل صاحي بدري
ميرال بابتسامة: مش بدري اوى يعنى
حمزه باسها من خدها وخد منها الهدوم وكان متجه نحو الحمام ولكن ميرال مسكت أيده وقالت: اتاخروا شويه
حمزه ضم حواجبه وقال بعدم فهم: مش فاااهم
ميرال: اقصد عطل العربيه اعمل اي حاجه عشان تتاخروا
حمزه وقد فهم ما تقصده ليقول بابتسامة: حاضر
ميرال تركت أيده وقالت: اوعك تتاخر بابا منتظرك تحت
ميرال كانت على وشك المغادره ولكن صوت حمزه أوقفها
حمزه: ميرال
ميرال وقفت مكانها واستدارت ناحيه حمزه وقالت: نعم
حمزه هز رأسه وقال: خلاص
ميرال راحت عنده وقالت: هو اي اللى خلاص ؟ قولى كنت عايز اي
_لا خلاص
ميرال مسكت أيده وقالت: لا قول
حمزه بابتسامه جانبيه: أقول اي
ميرال: اللى كنت عايزه تقوله
حمزه وضع ايديه على خصرها وقال بهمس: خليها مفاجاه أحسن
ميرال ابتسمت وقالت: على فكره أنا بخاف من مفاجاتك أوى
حمزه رفع احد حاجبيه وقال: والسبب ؟؟
ميرال: مش عارفه بس بخاف أوى
حمزه بضحكه جذابه: أن شاء الله هتعجبك
ميرال: متاكد
حمزه باسها من خدها بحنيه وقال: متاكد
ميرال بابتسامة: طب أدخل غير هدومك اكيدا بابا منتظرك
حمزه: عيونى
حمزه دلف الى الحمام وميرال ابتسمت وقالت بعدها: ينهار اسود اكيدا رنيم منتظرانى
بعد شويه
ميرال طلعت عالطول ومن غير ما تاخد بالها دخلت في ناهد
ميرال: أنا اسفه أوى
ناهد: الظاهر أبنى متجوز واحده عمياء
ميرال قبضت أيدها وناهد بصت على ميرال من الأسفل للأعلى وقالت: أنا مش عارفه ابنى حب فيكى اي
ميرال ربعت أيدها وقالت بابتسامه: أصلا الجمال مش كل حاجه يا مدام ناهد ٠٠٠٠الروح اهم من الجمال نفسه
_انا مش عارفه بقول الكلام ده لواحده زيك ليه على العموم اخدتى من وقتى كتير عن اذنك
ناهد رأت حمزه جاي عليهم لتمسك ايد ميرال وتقول: ميرال سيبي أيدي ميرال
