رواية بريئة اوقعتني في حبها بقلم دعاء حجاج
على قعد وميرال قعدت أيضا وعلى مكنش عارف يقول اي أو يفتح موضوع ازاى
ميرال بصتله وقالت: فرحت أوى لما وافقت أن جوري ترجع الجامعه واتراجعت عن قرارك
على بلا مبالاة: ما كل ده حصل بسببك
ميرال ضمت حواجبها وقالت بعدم فهم: بسببي
على ارتبك أوى وقال: أقصد الفكره اللى عرضتيها عليا
ميرال: طب كويس أنك اقتنعت بكلامى
على: ازاى مقتنعش وانتى خطفتى قلبي من أول نظره
ميرال: نعم
على هز رأسه وقال: اقصد أن كلامك صح ميه في الميه
على مكنش عارف يقول اي وكان في موقف لا يحسد عليا
ميرال في سرها: فينك يا جوري كل ده في الحمام
على خد نفس عميق وقال: هو في حد في حياتك
ميرال ضمت حواجبها وقالت: ليه ؟ اقصد بتسأل ليه
على: مجرد سؤال عادي أصلا بصراحه مش معقول يكون واحده في جمالك وميكنش حد في حياتها
ميرال اتذكرت حمزه فهى تعشقه من زمان أوى وكانت بتكابر
على في سره: اعتقد الشرود ده وراء حاجه
جوري وقتها وصلت وعملت نفسها متفاجه لتقول: على انت هنا
على قام وقال بكدب: جيت عشان اخدك
جوري في سرها: الظاهر أنى جيت في وقت غلط خالص
ميرال قامت وخدت شنطتها وقالت: طب عن اذنكم أنا لازم أمشي
ميرال مشت وعلى مسك جوري من شعرها وقال: مستعجله كده ليه معرفتيش تستنى دقيقه كمااان
جوري زقته وعدلت هدومها وقالت: وأنا مالى كنت بشم على ضهر ايدي يعنى وبعدين احكيلى اي اللى حصل
على: سألتها إذا كان في حد في حياتك ولا لا
جوري بلهفه: ايوه وقالتلك اي
على: مقالتش حاجه كله بسببك
جوري وقد أدركت كل شي لتقول: حقك عليا ولازم تصدقنى مفيش حد في حياه ميرال انا صاحبتها وعارفه
على خد التليفون من على الطاوله وقال: يلا ياختى
جوري بتافف: انا غلطانه انى ساعدتك
بدأ يمر الوقت لياتى الليل بظلامه
رنيم انتهت من عملها وغيرت ملابسها وطلعت
(على الجهه الأخري)
كان في عصابه هاربه من الشرطه وكان إطلاق النا"ر متبادل بينهما
_زود السرعه
زود السرعه فعلًا وقال: راحنا في داهيه خلاص
رنيم كانت ماشيه وسمعت صوت نا"ر لتضع ايدها على ودنها وتقول: في أي
رنيم شافت عربيه العصابة جايه عليها بسرعه البرق وقتها حست بشلل لتقف مكانها متجمده
العربيه اقتربت من رنيم ورنيم حطت أيدها على عينها وصرخت بأعلى صوت: عاااااااااااااا
رنيم أول ما شافت العربيه جايه عليها حطت أيدها على عينها وصرخت بأعلى صوت: عااااااااااااااا
قبل ما العربيه تضر"بها كأن ياسين مسك أيدها وشدها لحضنه
جسم رنيم كله كان بيرتعش من الخوف
ياسين حط ايده على شعرها وقال بهمس: أهدي
رنيم أول ما سمعت صوته بعدت عنه وقالت بعيون دامعه: ياسين
ياسين حط ايده على خدها وقال: انتى بخير
رنيم حضنته جامد أوى وقعدت تعياط وتقول: كنت كنت هعمل حادثه
ياسين: أهدي محصلش حاجه
رنيم خدت خطوه لوراء وياسين قال بمزح: كده متعادلين
رنيم بصتله وقالت بعدم فهم: متعادلين
ياسين حط ايده على كتفها وقال: هقولك في العربيه
ياسين فتح الباب ورنيم ركبت وياسين ركب أيضًا وشغل العربيه ومشواا٠٠٠٠٠٠
(في الطريق)
رنيم بصتله وقالت: مقولتش متعادلين في اي ؟
ياسين بصلها وقال: مش انقذتينى قبل كده والنهارده أنا كمان انقذتك يبقا متعادلين
رنيم ابتسمت وقالت: انت بتحسب بقاا
ياسين وهو مركز في الطريق: حاجه شبه كده
رنيم: اممممم وانت جيت مخصوص عشان تاخدنى
ياسين: ____________
رنيم: ياسين انا بكلمك
ياسين: عارف
