رواية بريئة اوقعتني في حبها بقلم دعاء حجاج
(بعد مهله من الوقت وتحديدًا على مائده الطعام)
كانوا قاعدين كلهم ما عدا سيف ورنيم وطبعًا ياسين اللى مسافر اسكندريه
ناهد: آمال فين أبنى (سيف)
كمال وهو باصص في الطبق اللى قدامه: يا ريت نحترم الأكل
ناهد مسكت الشوكه جامد أوى وقالت في سرها: يا تري راح فين معقول طلع هو ورنيم
ميرال بصت لكمال وقالت: آمال رنيم فين يا عمو كمال
كمال بهدوء: مع سيف ممكن نحترم الأكل بقا
ميرال بصت في الطبق اللى قدامها وناهد قالت: معقول اللى بفكر فيا يحصل
ناهد هزت رأسها وقالت: لأ مستحيل
حمزه بص لكمال وقال: بابا كنت عايز اخد رايك في حاجه
كمال: خير
حمزه بلع ريقه وقال: بصراحه فرح صاحبي بكره وكنت عايز اخد ميرال معايا
كمال بصله وقال: فرح صاحبك يعنى مش فرح اختك عشان تاخد ميرال معاك
حمزه: هو انت خايف على ميرال منى
كمال وهو بيشرب فنجان القهوه: خايف من طايشتك
حمزه زق الكرسي برجله وقال: على العموم تصبحوا على خير
كمال بزعيق: حمززززه
حمزه طلع على فوق وميرال خافت على حمزه من غضب كمال
ميرال بخوف: أهدأ يا عمو كمال اكيدا مكنش قاصده يعمل كده
ناهد: وحضرتك المحامى بتاعه بقا
كمال بحده: قولت نحترم الأكل وحمزه حسابه معايا بعدين
ميرال قامت أيضًا وطلعت على فوق
ناهد بصت لكمال وقالت: أنا ليه حاسه أنك مش عايز تجوز حمزه لبنت الشوارع ده
كمال: بالعكس لو لفيت الدنيا كلها مش هلاقي بنت زيها أنا بعمل كده عشان ابنك يحس بالمسئولية مش عايزو يطلع شبهك
كمال بعد ما قال كده قام وناهد اتعصبت أوى وقالت: الجواز ده لو تم يبقا على جث"تى
كمال وهو طالع على السلم: يبقا يدوب نجهز جنازتك
ناهد مسكت الشوكه جامد أوى وقالت بابتسامه شيطا"نيه: وليه متكنش جنازتك انت يا كمال
(في غرفه حمزه)
كمال طرق الباب وحمزه قال بعصبية: ميرااال عايز أنام
كمال فتح الباب وقال: يعنى ميرال بتجيلك بليل
حمزه اتجاهل والده تمامًا
كمال قعد جنبه وحط أيده على رجله وقال: متزعلش منى
حمزه: __
_________
كمال: كلها أسبوع وتكون مراتك ساعتها مش هدخل في حياتكم أبدا
حمزه بصله وقال: آمال مين اللى هيصالحنا لو اتخانقنا
كمال قعد يضحك وقال: ليه ناوي على خناق
حمزه هز رأسه وقال: مستحيل اتخانق معاها وبوعدك هحطها في عينى
كمال ابتسم وقال: وانا واثق من كده
حمزه بص لتحت وقال: بابا هو انت ممكن تزعل منى لو عملت حاجه غصب عنى
كمال بصله وقال: حاجه زي اي
حمزه: قت"ل مثلًا
كمال بصدم#مه: قت"لت مين يا حمزه
حمزه هز رأسه وقال: مقت"لتش حد والله أنا بسألك مش اكتر
كمال خد نفس عميق وارتاح نوعًا ما وحمزه قال: مردتش ممكن تعمل اي
كمال قام وقال: ساعتها هاخدك السجن بنفسي
حمزه بلع ريقه وكمال قال وهو طالع: تصبح على خير
حمزه: وانت من أهله
كمال طلع وحمزه بقا يفكر في تلك الجمله التى قالها والده
(في منزل على)
قاعد في أوضته وبيفكر ازاى هياخد حقه من حمزه
على قام وقال: يعنى ميرال بتحبك ومستحيل تحبنى يبقا مفيش الا الحل ده عشان اخليك تندم طول عمرك
جوري وقتها وقفت عند الباب وقالت: هو مين اللى هيندم طول عمره يا على
على ارتبك جدآ وقال وهو بيهز رأسه: انتى بتعملى اي هنا
جوري دخلت وقالت: جيت أقولك في رحله عاملها الجامعه والصراحه عايزه اروح
على: لأ
جوري مسكت على من دراعه وقالت: عشان خاطري يا أبيه
على استغل تلك الموضوع لصالحه ليقول: موافق بس على شرط
جوري: شرط اي
