رواية بريئة اوقعتني في حبها بقلم دعاء حجاج
رنيم اتعصبت أوى لتدفع السيف وتحاول تفتح الإسانسير
رنيم بزعيق: افتح الزفت ده
وفجاه تليفون سيف رن
سيف وضع السماعه في ودنه وقال وعيونه متركزه على تلك المجنونه: الووو
رنيم خدت نفس عميق وقالت: وبعدين بقاااا
رنيم بصت على السلم وكانت رايحه تنزل لكن السيف سحبها من أيدها
سيف: تمام هكلمك بعدين
سيف قفل التليفون وقال بحده: رنيم بلاش استخدم معاكى وش مش هتحبي خالص
رنيم بهدوء: طب طب انا عايزه أمشي
السيف قد شعر أنها زعلت ليقول: رنيم
رنيم بصت لتحت وسيف حط ايده على خدها وقال: براحتك يا قلبي عايزه تروحى الشغل براحتك
فالسيف قالها وهو لا يريد ذلك فماذا سيفعل فهو وعد نفسه أنه لم يجعلها تحزن او تبكى في يوم
رنيم حضنته وقالت: أنا اسفه
سيف وضع ايده على شعرها وقال بحب: هرن على أسامه عشان يوصلك وترنى عليا لما تخلصي
رنيم بعدت عنه وقالت: لا خلاص مش عايزه اشتغل
سيف بابتسامة: عليا بردو
رنيم هزت رأسها وقالت: لا بتكلم جد
سيف: خلاص براحتك
رنيم زعلت أوى فكانت منتظره رد غير كده خالص لتقول: عن اذنك
سيف مسك أيدها وقال بابتسامه: اي رايك نطلع نتعشا براااا
رنيم بفرحه: العائله كلها
وفي ثانيه الابتسامه اختفت من وجهه السيف ليقول بغضب: بقولك نطلع نتعشا انا وانتى برا لوحدنا تقولى وكل العائله
رنيم: اه كل العائله
سيف حاول يتمالك أعصابه ليقول: تصدقي نسيت انى هتاخر النهارده
رنيم بصتله وقالت: ليه هتيجى امتى
سيف: فارق معاكى يعنى
رنيم حضنته وقالت: ايوه طبعا ٠٠٠٠وعلى فكره هكون منتظراك
سيف بص في عيونها وقال: يعنى اي
رنيم بصت في عيونه أيضا وقال: نتعشا براااا
سيف ابتسم وقال: لوحدنا
رنيم ابتسمت أيضا وقالت: لوحدنا
[[system-code:ad:autoads]]
سيف شدها لحضنه اكتر وباسها على رأسها وقال: هرن على أسامه
رنيم حضنته جامد وقالت وهى بتهز رأسها: ماشي
بقلم دعآء حجآج-------------------------------------------------
-------------------------------------------------------------
(في شركه حمزه النصراوي للأزياء)
حمزه كان قاعد في مكتبه وبيوقع على بعض الأوراق وفجاه الباب انفتح بكل قوه لتدخل ميرال وهى بتزعق
حمزه قام وقال: ميرااال
ميرال: رد عليا باعت واحد ورايا ليه ؟ عشان يراقبنى صح انت مفكر اي أنا متربيه كويسه على فكره
حمزه راح عندها ومسك أيدها وقال: وانا متاكد من كده يا روحى
