رواية بريئة اوقعتني في حبها بقلم دعاء حجاج
ثم كمل بغضب شديد: أقولك انا السبب وانتى البريئه
وفجاه قلم نزل على خد حمزه
الدموع نزلت من عين ميرال وقالت: انت طلعت او"سخ منهم يا حمزه طلعت او"سخ منهم
حمزه بص لتحت وميرال قعدت على جنب وضمت رجليها
حمزه وقد شعر انه أخط في حقها ليقعد جنبها ويقول: آسف
ميرال لم تعطى اي اهتمام ليا
حمزه بصلها وقال: على فكره كلامك كتير أوى والمصيبه الاكبر انك مش بتسكتى خالص
ميرال بصتله وقالت: بس ده مش يديك الحريه انك تعمل كده ٠٠٠٠٠٠
حمزه: ما قولتلك آسف
ميرال دفنت وشها في ركبتها وحمزه خد نفس عميق وقال بوقاحه: ده مكنتش بوسه يعنى
ميرال مردتش عليا لأنها لو ردت هترد بقلم آخر
حمزه ضر"بها على رأسها وقال: يا بت
(بصوت تامر حسني٠٠٠٠تامر حسنى ضيف البارت النهارده )
ميرال كل ده مردتش عليا وحمزه خاف اوى وقال: ميرال
_ميرال ردي عليا
حمزه رفع وشها لفوق لاقها نايمه لياخد راسها على صدره ويقول: بقالى ساعه بتكلم معاكى وفي الآخر تطلعى نايمه يا انسه مراره ٠٠٠
ميرال ضر"بته في صدره وحمزه بص عليها وقال: يعنى صاحيه وعامله نفسك نايمه
ميرال سطحت جسدها على الأرض وحطت رأسها على رجل حمزه ونامت عالطول فكان جسمها مرهق اوى
حمزه حدق في ملامحها البريئه وقال: يخربيتك وانتى حلوه اوي وانتى نايمه
حمزه هز رأسه وقال: اي الهبل اللى بقولوا ده لا فوق يا حلو اوعك السناره تغمز يبقا يومك اسود ٠٠٠٠
في المستشفى ٠٠٠٠٠
رنيم بخوف: يا تري ميرال في القصر ولا لا
_تليفونى مش معايا أعمل اي دلوقتي ٠٠٠٠٠عمى كمال
في غرفه سيف
أحمد شاف جرح سيف وقال: كويس أن رنيم قامت بالواجب
سيف قد اشتعلت نيران بداخله فكانت نيران الغيره فكأن يريد أن يقبض روح احمد في ايده لأنه ذكر اسم رنيم
رنيم دخلت وقالت: دكتور أحمد حضرتك هنا
احمد بصلها وكالعاده الابتسامه بتترسم على وشه اول ما يشوفها
_انا فخور بيكى أوى يا رنيم
رنيم ضحكت وقالت: فخور بيا
احمد بص لسيف اللى كاد أن ينفجر غيظا
_عرفت أن الجرح فتح وانتى قدرتى توقفي قبل ما يفتح اكتر
رنيم بابتسامه: ده واجبي يا دكتور
أحمد بابتسامة مماثله: واحلى واجب كمان
سيف وقد نفذ صبره ليقول: ممكن تطلعوا برا صدعت من حديثكم اوي
رنيم بصت لسيف وأحمد قال: أهدأ يا سيف كده غلط على صحتك٠٠٠٠٠
ثم كمل بابتسامة: ماشي يا عم هنسيبك ترتاح تعالى يا رنيم
سيف بحده: رنيم عايزك
رنيم وقفت مكانها وأحمد طلع
رنيم استدارات وقالت: نعم
سيف بسوال غريب جدًا والأغرب انه في وقت متأخر نوعًا ما: اي اللى بينك وبين الدكتور الزفت ده
رنيم: تقصد دكتور أحمد
سيف بعصبية: ايوه اقصد الدكتور الزفت أحمد
رنيم بكل برود: وانا مش مجبره اقولك اي اللى بينا يا بيه
سيف قبض ايده ورنيم لاحظت تلك القبضه التى تحمل الغيره والغيظ
رنيم كانت طالعه ولكن وقفت وقالت: صحيح عمو كمال فين
سيف بكل برود فكأن يقلدها: خير في حاجه
رنيم بكل هدوء: اصل خايفه على ميرال اوى وكنت عايزه ارن عليها اشوفها في القصر ولا لا
سيف بهدوء مماثل: اكيدا راحت الشغل مع حمزه وتلاقيهم رجعوا سوا متقلقيش حمزه مستحيل يسبها
رنيم هزت راسها وسيف قال: على فكره انتى مش مجبره تنامى هنا عشانى ممكن تمشي
رنيم بغيظ: وانا مش هنا عشانك انا ساعات بيبقا عندي ورديات ليليه
سيف: امممم
رنيم اتعصبت أوى وخدت بعضها وطلعت
