رواية بريئة اوقعتني في حبها بقلم دعاء حجاج
ملك: خفت قلبي ينكسر يا ياسين
ياسين: والبعد كان حل ؟
ملك بصت لتحت وقالت: أرحم من اني اعرف انك مش بتحبني
ياسين مسك أيدها وقال: زي ما حبتنى من أول نظره انا كمان يا ملك حبيتك أوى ملك انتى اقتحمتى قلبي
ملك: بس كنت قولت امبارح انك بتحب واحده
ياسين: ولو قولتلك ان الواحده ده انتى
الابتسامه اترسمت على وجهه ملك وياسين قال: اهم حاجه في اي علاقه الثقه والتفاهم وللاسف البنت اللى حبيتها معندهاش تفاهم
ملك قعدت تضحك وقالت: على الأقل الثقه موجوده
ياسين قرب منها وقال بهمس: يا ريت كنا في مصر
ملك نظرت في عيونه وقالت: ليه ؟
ياسين: كنت اخدتك وروحت عند المأذون واتجوزتك
ملك اتكسفت أوى وياسين قال: هتحبي بابا أوى
ملك مسكت ايد ياسين وقالت: اي شخص انت تحبه انا هحبه
ياسين ضم حواجبه وقال: طب أنا بحب صحابي حضرتك هتحبي صحابي ؟
ملك حضنته وقالت: مش للدرجه ده يعنى !!
معتز: ملك
ملك بعدت عن ياسين عالطول ومعتز وصل عندهم وقال: اقرب طايره لمصر بعد يومين أن شاء الله
ياسين: كتير أوى يا عمى احنا ممكن نرجع بطايره خاصه
معتز: ولا كتير ولا حاجه يا أبنى وبعدين اليوم بيمر عالطول
ياسين هز رأسه ومعتز قال: مش يلا ولا اي
ياسين مسك ايد ملك اللى بصت على ايده وابتسمت
_يلااااااا
*في قصر جلال الوزيري*
دينا: ماما هروح أشوف رامى
سميره هزت راسها ودينا طلعت فوق وكانت رايحه تفتح الباب ولكن سمعت رامى يتحدث مع شخصًا ما
رامى: ماشي يا قلبي على موعدنا طبعًا سلام
دينا وضعت أيدها على قلبها وقالت: بتخونى يا رامى ده انت يومك أسو"د
رامى فتح الباب وقال بابتسامه: انتى هنا من امتى
دينا: من أول ما قولت ماشي يا قلبي على موعدنا طبعًا
رامى وضع ايده على كتفها وقال: الفطار جاهز ؟
دينا زقته ورامى ضم حواجبه وقال: مالك
دينا بتافف: معرفش
رامى خد نفس عميق وقال: احنا كل يوم هنبقا على الوضع ده ولا اي
دينا مدت ايدها وقالت: هات التليفون
رامى ضم حواجبه وقال: ليه
دينا بنفاذ صبر: رامى هات التليفون مش هقولها تانى
رامي وضع الهاتف في ايدها وقال: يا رب نخلص من المواضيع ده بقا
دينا جابت سجل المكالمات وقالت: فين اخر مكالمه
رامى وضع ايده في جيبه وقال: اخر مكالمه كانت مع مصطفى صاحبي
دينا: امممم يعنى مكنتش بنت ؟
رامى ضم حواجبه وقال: بنت
دينا وضعت التليفون في ايده وقالت: ايوه بنت ويا تري هتقابلها فين
رامى: في الزمالك أن شاء الله
دينا بغضب: رامى متعصبنيش
رامى: مين اللى بيعصب مين وبعدين مش ملاحظه انك مش بتوثقي فيااا
دينا ربعت أيدها ورامى خد نفس عميق وقال: والله العظيم كان مصطفي صاحبي
دينا عكس ما بداخلها: مش فارقه أصلًا
رامى وضع التليفون في جيبه الخلفي ووضع ايده على خصرها وقال بهمس: تعرفي انى بحب غيرتك عليا أوى
دينا بصت في عيونه وقالت: وممكن الغيره ده تعمل مسافه بينا
رامى باسها من خدها بحنيه وقال: وانا مستحيل اسمحلك تبعدي يا روحى
دينا ابتسمت وقالت: متزعلش منى أنا والله ما بقدر اسيطر على اعصابي خصوصًا لما الموضوع يخصك
رامى قبل أيدها بكل حب وقال: ولا يهمك يا روحى
دينا وهى بتلعب فى زراير قميصه: ما تيجى نطلع
رامى: وهنسيب ماما لوحدها
دينا: داده سميحه هنا
رامى: عايز تخرج فين يا جميل
دينا: انت وذوقك يا حبيبي
رامى: حاضر يا قلب حبيبك
