رواية بريئة اوقعتني في حبها بقلم دعاء حجاج
الدكتوره خدت نفس عميق وقالت: أنت شكلك إبن ناس ومستحيل تعمل كده
رامى سكت والدكتوره مسكت ورقه وقلم وقالت: اتمنى تاخد العلاج على الموعد
رامى هز رأسه وكان يتوعد للزياد
الدكتوره قامت ورامى قام أيضا وخد منها الروشته وقال: ممكن اخد ماما
الدكتوره: لما تفوق أن شاء الله عن اذنك
دينا كانت منتظره رامى أللى أتأخر أوى
دينا أول ما شافت رامى قامت وجرت عليا وقالت: الدكتوره قالتلك أي واوعك تكدب عليا
رامى وضع ايده على خدها وقال بحنيه: متقلقيش يا قلبي
_رامى الله يخليك قولى الدكتوره قالتلك اي
رامى: وانا بقولك الحقيقه والله
دينا ابتسمت وقالت: يعنى ماما بخير
رامى هز رأسه وقال: تنظم العلاج بس وهتكون بخير أن شاء الله
دينا بصت لتحت وقالت: أن شاء الله
رامى خد نفس عميق وقال: هروح اجيب العلاج مش هتاخر
رامى كان على وشك المغادره ولكن دينا مسكت أيده وقالت: رامى بقولك
رامى وقف مكانه واستدار ناحيتها وقال: قولى يا دينا
دينا: انا مش عايزه اتجوز
رامى بصلها وقال بعدم استيعاب: والمعنى ؟
دينا بصت لتحت وقالت بعيون دامعه: مقدرش اسيب ماما لوحدها يا رامى ماما محتاجه رعايه
رامى مسح دموعها وقال: وانا مستحيل اسيبها يا دينا
دينا بصتله وقالت: تقصد اي
رامى مسك أيدها وقال: دي مش أمك لوحدك دي امى انا كمان
دينا: بس بس عمو جلال ممكن يرفض وكيان كمان
رامى: ممكن نتكلم في الموضوع ده بعدين
دينا هزت رأسها ورامى قال: وممكن متقوليش الكلام ده تانى
دينا هزت رأسها للمره التانيه وقالت بابتسامه بسيطه: حاضر
رامى باسها من خدها بحنيه وقال: شاطره
( في مكانًا ما )
ناهد نزلت من العربيه وبصت حواليها وقالت: محدش هنااا
وفجاه تليفونها رن
ناهد طلعت التليفون بالعافيه فكانت أيدها بترتعش من الخوف
ناهد بصوت مقطع: الو الو
_لسه زي ما انتى يا روحى !!
نبضات قلب ناهد ازدادت أوى وقالت: أنت أنت مين ؟
_انا ؟ انا أللى سرقتى عمره يا ناهد أنا أللى ضحكتى عليا وقت"لتى بكل د"م بارد
ناهد بصدم#مه: ماجد
_ياااا اخيرااا افتكرتى يا ناهد
التليفون وقع من ايد ناهد وماجد طلع من خلف شجره وقال: وحشتينى يا ناهد
دموع ناهد نزلت وقالت بصوت مقطع: أنت أنت لسه عايش
ماجد وصل عندها وقال: ايوه لسه عايش انتى مش فرحانه ولا اي
ناهد مسكت ايده وقالت: بالعكس أنا فرحانه أوى ده أنا كنت بمو"ت كل يوم بسببك يا حبيبي
ماجد مسكها من شعرها جامد أوى وقال وهو بيكز على سنانه: كفايه كدب بقااا كفايه
_عاااااااااااا
ماجد بحده: مفكرانى غبي للدرجه ده ومش عارف مين اللى كان عايز يقت"لنى
عيون ناهد اتسعت وقالت: ماجد انت بتقول اي
ماجد زقها لتقع على الأرض وقال: بقا تبعتى رجالتك عشان يقت"لونى يا ناهد عشان شويه فلوس
ناهد قامت وقالت وهى بتهز رأسها: محصلش يا حبيبي وانت عارف انا بحبك قد أي
ماجد بسخريه: هههههههههه هههههههههه ٠٠٠٠٠ده كان زمان يا روحى انما دلوقتى اكتشفت كل الحقيقة وصحيح السر أللى قعدتى سنين تخفي خلاص هينكشف
ناهد بنبضات قلب عاليه جدآ: ماجد انت بتقول أي انت متقدرش تعمل كده
ماجد بصوت جهوري: لا أقدر يا ناهد أقدر زي ما قدرتى بالظبط
ناهد نزلت لمستوي رجله وقالت برجاء: عشان خاطري يا ماجد بلاش تقول لحد عشان خاطري
ماجد مسكها من شعرها وقال: تفتكري لما كمال بيه يعرف بالماضي الو"سخ ده هيعمل اي اكيدا هيق"تلك
دموع ناهد نزلت وقالت: وأنا متاكده انك مش هتقول لحد عشان عارفه انك بتحبني
ماجد:هههههههه ده كان زمان يا روحى
ناهد مسحت دموعها وقالت بابتسامه: بس انا معملتش حاجه انت اللى عملت ناسي ولا افكرك
ماجد بابتسامة مماثله: مكنتش أعرف انك غبيه أوى كده
