رواية بريئة اوقعتني في حبها بقلم دعاء حجاج
ماجد: يومين كمان !! ده أنا فكرت هتجيبي الفلوس خلال ساعه انتى ناسيه انتى مرات مين ولا أي ؟
ناهد: ______________
ماجد: يعنى ممكن تفتحى الخزنه وتاخدي منها الأربعة مليون وخلصت الحكايه
ناهد: انت مستوعب الرقم ولا لا
ماجد: الرقم ده بالنسبه لعائله النصراوي ولا حاجه يا نونو
ناهد بحده: يومين أن شاء الله والفلوس هتكون عندك
ماجد: هوافق عشان خاطر عيونك بس يا جميل
ناهد قفلت التليفون ورمته على السرير وقالت: حيو"ان
ناهد فكرت في كلامه وقالت: عنده حق فعلًا أنا ممكن افتح الخزنه واخد المبلغ ده
_بس اكيدا كمال هيعرف ولو عرف هتبقا مصيبه
وفجاه ابتسمت الناهد بخبث وقالت: ازاى راحت منى ده
ناهد طلعت وقفلت الباب وراءها وقالت: اكيدا الخزنه في المكتب اللى تحت ٠٠٠٠٠٠
بقلم دعآء حجآج
ميرال خرجت من الحمام بعد ما لبست الفستان اللى أخرجته رنيم
مسكت هاتفها وقالت بابتسامه: انا عارفه أنك بتحبنى ومش هتقبل بالوضع ده
ميرال رنت على حمزه اللى مردش عليها
وقتها رنيم دخلت وقالت: كل ده عشان تلبسي
ميرال احفت حزنها الشديد بابتسامة بسيطة
_ما انتى عارفه انى بتأخر في أي حاجه
رنيم ابتسمت وقالت: فعلًا
ميرال راحت عندها وقالت: رنيم أنا مش هقدر اروح روحى انتى
رنيم ضمت حواجبها وقالت: ليه ؟
ميرال بكدب: الصراحه حاسه بصداع
رنيم بخوف: طب مقولتيش ليه ٠٠٠٠اقولك يلا نروح المستشفى
ميرال مسكت أيدها وقالت: أهدي
رنيم: اهدااا ازاى يا ميرال وبعدين بقالك قد اي ماكلتيش
ميرال: رنيم خلاص
رنيم خدت نفس عميق وقالت: هخلى سوسن تطلعلك حاجه تاكليها
ميرال ابتسمت ورنيم طلعت من هنا وحمزه دخل من هنا
ميرال أول ما شافته قالت: مبتردش على تليفونك ليه
حمزه بكل برود: كنت سايق العربيه
ميرال راحت عنده وقالت: وعشان سايق العربيه متردش عليا
حمزه فتح الدولاب وقال: هاخد مخالفه
ميرال: ومن امتى بتاخد مخالفه بسبب المواضيع ده
حمزه استدار ناحيتها وقال بعصبية: من النهارده باخد مخالفه من النهارده
_انت بتتكلم معايا كده ليه
حمزه قلع الجاكيت وقال: ده طريقه كلامى
ميرال: ده مش طريقه كلام زوج مع زوجته
حمزه: من الآخر عايزه اي
ميرال حبست دموعها بالعافيه وقالت: هروح مع رنيم
حمزه: _____________
ميرال: بقولك هروح مع رنيم
حمزه بصلها وقال: وأنا مالى
ميرال ضمت حواجبها وقالت: مالك ازاى ؟ هو أنا مش مراتك ولا أي
حمزه وهو بيفك ازرار القميص: بالاسم بس
ميرال راحت عنده ومسكت ايده وقالت: لا أنا مراتك شرعا وقانونا
سوسن وقفت مكانها وطرقت الباب وقالت: مدام ميرال
دمعه فرت من عين ميرال وقالت وهى مركزه في عيون حمزه: رجعى الأكل تانى يا سوسن نفسي اتسدت خلاص
سوسن هزت رأسها وخدت بعضها ومشت
ميرال تركت ايد حمزه وخدت بعضها وطلعت
حمزه بعد ما انتهى من فك الأزرار بتاعت القميص رمى على الأرض بكل عصبيه ودلف بعدها الى الحمام
ميرال نزلت تحت وقالت: سوسن فين رنيم
سوسن: برااا يا مدام
ميرال طلعت برا ووجدت رنيم بالفعل
ميرال وقفت جنبها وقالت: آمال العربية فين
رنيم بصت لميرال وقالت: ماكلتيش ليه وبعدين مش قولتى انك حاسه بصداع
ميرال بتغيير الموضوع: أسامه مش هنا ولا أي
رنيم مسكت أيدها وقالت: ميرال متغيريش الموضوع
ميرال وضعت أيدها على خد رنيم وقالت: بقيت احسن وبعدين البت دينا واحشنى أوى
