رواية بريئة اوقعتني في حبها بقلم دعاء حجاج
رنيم: مش هيكون كل يوم يا سيف
سيف: طب أي رايك نتكلم في وقت انسب من ده
رنيم هزت رأسها وقالت بعناد: لا دلوقتى
سيف بصلها وقال: عايزه تعرفي ردي؟
رنيم هزت رأسها والسيف قال: لأ يا رنيم مفيش شغل
في لحظه الدموع اتجمعت في عينها ولكن حبست تلك الدموع بالعافيه
رنيم وهى باصه لتحت: عايزه اروح
سيف مردش عليها ورنيم بصتله وقالت: سيف ارجع لو سمحت
سيف وهو مركز في القياده: بلاش تعملى عقلك بعقل العيال الصغيره يا رنيم
رنيم لأول مره تكون عصبيه مع سيف: ليه شايفنى عقلى صغير على فكره أنا واعيه اوى
سيف داس فرامل ودموع رنيم نزلت عالطول
سيف خد رأسها على كتفه وقال: اسف
رنيم ازدادت في العياط وسيف بعدها عنه ووضع ايده على خدها وقال بحب: خلاص أهدي حقك عليا انتى عارفه أنى مش بحب اشوفك كده
رنيم بعقل اطفال فعلًا: هرجع الشغل صح
سيف ابتسم وقال: يعنى عملتى كل ده عشان الشغل
رنيم هزت رأسها وقالت: أنا بحب شغلى أوى ومقدرش اسيبه
سيف وهو مركز في عيونها (الرمادي): يعنى لو خيروكى بينى وبين الشغل هتختاري مين
رنيم: انتوا الاتنين
سيف هز رأسه وقال: حاجه واحده بس
رنيم بصت لتحت وقالت: هختارك أنت
وقتها الابتسامه اترسمت على وجهه السيف اللى قال: خلاص أنا بخيرك دلوقتى أنا ولا الشغل
رنيم بغضب: سييييف
سيف قعد يضحك وشغل العربيه وقال: خلاص أهدي
رنيم: مقولتش بردو
سيف: يا حول الله يا رب ما قولت ماشي
رنيم بفرحه جنونيه: يعنى هروح بكره
سيف بصلها وقال: ومالك مستعجله كده ليه وبعدين اوعك تنسي أننا عرسان جداد
رنيم وجهها أحمر وقال: واي دخل الموضوع ده في ده
سيف: أصلا على الأسبوع الجاي مسافرين أن شاء الله وخلى الشغل بعد ما نرجع من السفر
رنيم ضمت حواجبها وقالت: سفر اي
سيف: نتقرب من بعض اكتر ونقضي وقت لطيف كده
رنيم شهقت بخجل وقالت: لا أنا مش بحب الطايره بخاف من الأماكن العاليه
سيف غمزلها وقال: وتخافي وأنا معاكى
رنيم اتكسفت أوى فندمت أنها راحت معا لأنها بتخجل من كلامه أوى وممكن متقدرش تسيطر على مشاعرها
سيف داس فرامل وقال: وصلنا
رنيم نزلت وسيف نزل أيضًا وحط أيده على كتفها ورنيم بصت على ايده وابتسمت
رنيم: ما كنت جبت الفستان مع ميرال وخلاص
سيف بهمس: ولو قولتلك أني رفضت عشان نيجى انا وانتى لوحدنا
رنيم مقدرتش ترد وصاحب المحل: نورت يا سيف بيه
سيف: بنورك يا عمى حمدان
حمدان بص لرنيم وقال: مراتك ده يا بيه
سيف بص لرنيم وقال: ده مش مراتى بس ده قلبي
رنيم بصت لتحت وحمدان ضحك وقال: ربنا يخليكم لبعض
سيف ورنيم بصوت واحد: يا رب♥️
سيف بص لرنيم اللى بصتله
سيف هز رأسه وقال:بقولك يا عمى حمدان عايز احلى فستان عندك
رنيم بصت لسيف وقالت: انا هختار بنفسي
سيف ابتسم وقال: براحتك يا قلبي
رنيم راحت مع بنت ما
سيف طلع تليفونه ورن على تالين
تالين: سيف بيه
سيف: السكرتيره الجديده وصلت ولا لسه
تالين: وصلت على الموعد يا بيه وشايفه شغلها كويس
سيف: عايزك تاخدي بالك منها وانا نص ساعه وهكون في الشركه
