رواية بريئة اوقعتني في حبها بقلم دعاء حجاج

سيف: طبعًا 

رنيم بهمس: عايزه البس بنطلون

سيف بنفس الهمس: لا

رنيم خدت خطوه لوراء وقالت: طب انا زعلانه 

سيف وقف قدام المرايه وقال بكل برود اعصاب: ولا يشغلنى 

رنيم راحت عنده وقالت:طب قولى ازاى هروح الأهرامات بالفستان انت مشوفتش الاجانب ولا اي

سيف ببرود أيضا: لا 

رنيم: سيف عشان خاطري طب عشان خاطر الطفل اللى فى بطنى

سيف بحده: قولت لا 

رنيم دبت برجليها على الأرض وفتحت الدولاب وطلعت ملابس ودلفت نحو الحمام 

بعد شويه 

رنيم طلعت من الحمام وقالت بابتسامة: اي رأيك

سيف بصلها وقال بغضب: اي شغل العند ده ؟ 

رنيم: مره واحده بس عشان خاطري 

سيف: قولت لا وادخلى غيري هدومك 

رنيم كانت رايحه تتكلم وسيف قال بحده: من غير نقاش 

رنيم قعدت على طرف السرير وقالت وهى مربعه أيدها: خلاص مش عايزه اروح 

سيف: يكون أحسن بردو واهو بالمره اروح الشركه

رنيم قامت عالطول ومسكت ايده وقالت: استهدي بالله كده يا حبيبي 

سيف خد نفس عميق ورنيم باسته من خده وقالت: خلاص بقااا 

سيف: لا

رنيم وهى بتمشي أيدها على خده: عشان خاطري يا سيفو هو انا معنديش خاطر عندك ولا اي 

سيف ببرود: لا

رنيم: عااااااااا ٠٠٠٠سيف 

سيف ابتسم رغمًا عنه ورنيم قالت: وافق بقااا مش انا حبيبتك 

سيف: لا

رنيم بغضب: هو مفيش الا ( لا ) مفيش اه ابدا 

سيف: اه 

رنيم مسكته من رقبته وقالت: وربنا لو ما وافقت هطلع روحك في أيدي 

سيف مسك أيدها وقال: عايزه تمو"تينى عشان تلبسي القر"ف ده 

رنيم: ما انا قولتلك المره ده بس 

سيف خد نفس عميق وقال: ماشي يا رنيم بس قسما بالله اللى هيبصلك هطلع روحه في ايدي ساعتها متلوميش الا نفسك

رنيم طبعت بوسه على خده وقالت: ومين هيقدر يبصلى وانت معايا يا حبيبي 

سيف: عشر دقايق وهكون جاهز

رنيم هزت رأسها وقالت بسعاده: اشطااااا 

سيف وهو متجه نحو الحمام: مجنونه

(عند ميرال وحمزه)

ميرال خرجت من الحمام بعد ما لبست تلك الفستان الذي اخرجه الحمزه 

حمزه كان قاعد على الاريكه ومنتظرها 

ميرال وقفت مكانها وحمزه قام وقال بحب: حقك علياااا

ميرال بعيون دامعه: مبقتش فارقه 

حمزه وضع ايده على خدها وقال: لا طبعًا فارقه عارفه ليه عشان بحبك أوى 

ميرال بصت في عيونه وقالت: واضح فعلًا أنك بتحبنى

حمزه مسك أيدها وقال: وربنا بحبك بس طالب رضاكى

ميرال سحبت أيدها وقالت: انت بتهزر صح أنت ناسي انت عملت أي 

حمزه: لا مش ناسي يا ميرال والنهارده هثبتلك أنى مظلوم 

ميرال قعدت تضحك ثم قالت: دفعت للبنت كام عشان تقول انك مظلوم 

حمزه وهو بيكز على سنانه: بلاش الاستعجال 

ميرال بثقه أخافت الحمزه: مش يلا ولا أي

حمزه رغم خوفه تحدث بنفس الثقه: الله مش كنتى رافضه 

ميرال: وغيرت رأيي

حمزه: واي اللى حصل 

ميرال طلعت من غير ما ترد على حمزه اللى قال: النهارده هنبدل الأدوار يا ميرال

بقلمى دعآء حجآج

(في ألمانيا)

ياسين خرج من اوضته وملك خرجت أيضًا في نفس الوقت

ياسين أبتسم وملك قالت: صباح الخير