رواية بريئة اوقعتني في حبها بقلم دعاء حجاج
ميرال بغيظ: وطالما متاكد من كده باعت الزفت ده ورأيا ليه
حمزه رجع خصلات شعرها خلف ودنها وقال: مش يمكن بخاف عليكى
ميرال قلبها فرح أوى ولكن أخفت تلك الفرحه بقناع العصبيه
ميرال بعصبية: كداااب انت باعته عشان يشوفنى بعمل اي وبروح فين
حمزه: اكلتى ؟
ميرال: حمزه متغيرش الموضوع
حمزه مسكها من خدودها اللى بقوا شبه الطماطم وقال: يخربيتك وانتى عصبيه أوى أنا شكلى هغير رأيي
ميرال بصتله وقالت بنبره صوت حاده: تغير رأيك في اي أن شاء الله
حمزه وهو متجه نحو الكرسي: ولا حاجه
ميرال ربعت أيدها وبقت تنفخ
حمزه بصلها وقال: هتفضلى واقفه كده كتير
ميرال أخيرا اتكلمت بهدوء: لا ما انا ماشيه
حمزه بكل برود اعصاب: ماشي
ميرال اتعصبت أوى وراحت عنده وقالت: هو اي اللى ماشي
حمزه رفع احد حاجبيه وقال: مش قولتى أنا ماشيه بقولك ماشي
ميرال بتريقه: ههههههه لا حلوه النكته ده
حمزه قام ووقف قصادها وقال: انتى مجنونه يا بت
ميرال داست على رجل حمزه وقالت: لا مش مجنونه هبله بس
حمزه مسك أيدها عالطول وقال بالم: كده يا ميرال
ميرال بعصبية: احسن مش خساره فيك عارف ليه عشان عديم الرومانسيه
حمزه انعدل وقال: زيك بالظبط
ميرال: يا ريتك زي يا بتاع البنات
حمزه كبح ضحكاته بصعوبه وقال: وطالما بتاع بنات وافقتى بيا ليه
ميرال: ما قولتلك قبل كده قدري الاسود
حمزه وضع ايده في جيبه وقال: ما إحنا لسه فيها
ميرال هزت رأسها وقالت: أنا مش عارفه ازاي هكون مراتك بعد أسبوع
حمزه شدها من خصرها وقال بهمس: تحبي أقولك ازاى
ميرال زقته وقالت بغضب: لأ شكرا
حمزه قعد على الكرسي وقال: على العموم براحتك
ميرال قعدت على الكرسي المقابل ليا وقالت: اي رايك نطلع نتغدا في مطعم
حمزه وهو بيوقع على الورق: لا
ميرال: طب طب قوم وصلنى
حمزه بنفس الرد: بردو لا
ميرال قام ودبت برجليها على الأرض وقالت بغضب: هو كل حاجه لا مفيش اه خالص
وفجاه جنا طرقت الباب وقالت: حمزه بيه
حمزه: تعالى يا جنا
ميرال غارت أوى وقالت في سرها: اشمعنا بيتكلم معاها بلطف وانا لا
حمزه حط الورق في الملف وقال: الملف ده مهم أوى يا جنا
جنا بابتسامة: متقلقش يا حمزه بيه
ميرال صبرها نفذ لتمسك جنا من دراعها وتقول: مش اخدتى الملف لسه واقفه ليه يلا على شغلك
ميرال زقت جنا وقفلت الباب وبصت لحمزه وقالت: وأنت
حمزه حط ايده على فمه وكان بيحاول يكبح ضحكاته ليقول: أنا ؟؟
ميرال بصت حواليها وقالت: ايوه أنت هو في حد معانا وأنا مش واخده بالي
حمزه رجع راسه لوراء وقال بابتسامه خفيفه: تعرفي أن شكلك بيبقا حلو أوى لما تكونى غيرانه
ميرال: امممم وحضرتك فرحان بكده
حمزه قام وبدأ يقرب منها ويقول: مش قولتلك قبل كده انى بحب عصبيتك أوى والنهارده حبيت غيرتك عليا أوى
ميرال: انت لسه مشوفتش غيرتى عليك يا حمزه انت متعرفش أنا بحبك قد اي♥️
حمزه وصل عندها ووضع ايده على خدها وقال: وانتى متعرفيش أنا بحبك قد اي ٠٠انتى روحى وقلبي وعقلى يا بت
الابتسامه اترسمت على وجهه ميرال وقالت: بجد؟
حمزه حاوطها بين أيديه وقال: عندك شك في كده
ميرال بصت في عيونه اللى بتغرق فيها في ثانيه لتقول: لا طبعًا هو أنا اقدر اشك في حبيبي
حمزه: عارفه؟ لو بأيدي اخدك دلوقتى واتجوزك كنت عملتها
ميرال حطت أيدها حوالين رقبته وقالت: واي اللى منعك
حمزه بلع ريقه بصعوبه وقال: حاجات كتير أوى
ميرال بنبضات قلب عاليه جدآ: زي
حمزه بص لتحت وقال: بلاش تعرفي
ميرال بنظره شك: ليه
حمزه بص في عيونها وقال: عشان مش مستعد اخسرك
