رواية بريئة اوقعتني في حبها بقلم دعاء حجاج
سيف بحزن: طب لحد امتى ؟ مر يوم كامل ورنيم متذكرتش حاجه والدكتور قال انها هتتذكر خلال يومين بالكتير
في مكان يتصف بالطبيعة الخلابة فكانت الخضره تزين أرضه وصوت العصافير التى تصدر اصوات جميله تجذب الأشخاص لسمعها ♥️
حمزه نزل من العربيه وميرال نزلت أيضًا وقالت: احنا بنعمل اي هنا ؟
حمزه فتح شنطه العربيه واخرج سجاده صغيره وفرشها على الأرض
ميرال ربعت أيدها وبقت تراقب الحمزه لكى تعرف ماذا يفعل
حمزه اخرج شنطه طعام وقعد على السجاده ونظر لميرال الواقفه والمحدقه بيا بشده
حمزه: هتصورنى ولا أي ؟
ميرال استفاقت من شرودها وقالت: لا بس مستغربه أوى
حمزه وضع ايده على خده وقال: وممكن اعرف مستغربه من أي
ميرال قعدت جنبه وقالت: مكنتش متخيله ان يطلع منك كل ده
حمزه فتح الشنطه واخرج منها الطعام وقال: للدرجه ده أنا شخص سيئ
ميرال: مش قصدي بس اللى يشوف معاملتك معايا الصبح ميشوفكش دلوقتى
حمزه بصلها وقال: كنتى عايزانى اعمل اي لما واحد يرن على مراتى بليل ويقولها ٠٠٠٠٠٠٠
ميرال: كمل سكت ليه
حمزه: شوفتي مين اللى بيبدا الأول
ميرال قامت وقالت بتافف: أنا مش عارفه وافقت اجى معاك ليه مع انى عارفه انك شخص مستفز اوى
حمزه قام أيضًا وقال: والله ما في حد مستفز غيرك ومش بس كده بتعشقي النكد
ميرال شاورت على نفسها وقالت: أنا بعشق النكد بردو
حمزه قبض أيده وقال: عارفه انا الغلطان انى حبيت اعملك مفاجاه بس كان لازم افكر الأول قبل ما اخد الخطوه ده
ميرال: ومين قالك تعمل يا حبيبي
حمزه: تعرفي ان معجبينى كانوا معاهم حق لما قالوا اننا مش لايقين على بعض خالص
ميرال بغيظ: وطالما معاهم حق بتتجوزنى ليه
حمزه سحبها من ايدها وقال بهمس: مش يمكن عشان بحبك
ميرال بارتباك: متغيرش الموضوع
حمزه رجع خصلات شعرها خلف ودنها وقال: بلاش القلب القاسي ده
ميرال: خلاص ماشي
حمزه طبع بوسه على خدها وقال: هي ده البنت اللى بحبها
ميرال قعدت على السجاده وقالت: اي الاكل ده ؟
حمزه قعد جنبها وقال: بصي يا ستى ده سندوتشات كريب عشان عارف انك بتحبي الكريب
ميرال: اممممم
حمزه ازاح الغطاء من على العلبه وقال: وده كشري مصري حار
ميرال قاطعته وقالت: وفين البرجر
حمزه: ومن امتى وانتى بتحبي البرجر يا قلبي
ميرال بغضب: من النهارده حبتوا من النهارده
حمزه بنفاذ صبر: مش ملاحظه انك بدوري على الناقص عشان تتخانقي معايا
ميرال مردتش وحمزه مسك أيدها وقال بهدوء: ممكن اعرف بتتكلمى معايا كده ليه ؟
ميرال بحزن: عشان كسرت التليفون والخط
حمزه خد نفس عميق وأخرج من جيبه هاتف وقال: اتفضلى يا ستى
ميرال خدت منه الهاتف وحمزه قال:
_ Apple iPhone 13 Pro Max
ميرال كانت فرحانه أوى وقالت: فين العلبه بتاعته
حمزه: جديد متقلقيش
ميرال: أتأكد بردو يا حبيبي
حمزه بهدوء: في العربيه
ميرال جرت على العربيه وفتحت الباب واخرجت العلبه فعلًا
ميرال: عاااااااااااااا ده جديد فعلًا
حمزه وضع ايده على رأسه وقال: أنا اللى جبتوا لنفسي
ميرال جرت على حمزه وفجاه اختل توازنها ووقعت عليا
حمزه: عااااااااا يا عمودي يا فقري
ميرال ضر"بته على صدره وقالت: أنا مش سمينه اوى كده
حمزه بص في عيونها وقال بابتسامه: طبعًا يا روحى
ميرال قامت عالطول وقالت: فين الخط واوعك تقولى نسيت
حمزه انعدل ووضع ايده على ضهره وقال: لازم خط يعنى
ميرال وضعت أيدها عند خصرها وقالت: يبقي مالوش لازوم التليفون بقاا
حمزه لكى يعصبها: أنا بقول كده بردو وبعدين ده غالى أوى هاتى يلاا
ميرال وضعت التليفون خلفها وقالت: فين الخط يا حمزه
حمزه قام وقال: الخط في التليفون على فكره
ميرال فتحت التليفون عالطول وقالت بفرحه: ده بجد !!
حمزه: شوفتى انك دايمًا ظلمانى
ميرال حضنته وقالت: انت حبيبي يا ميزو
حمزه زقها وقال: دلوقتى بقيت حبيبك عشان تعرفي انك ماديه
ميرال فتحت فمها وقالت: انا ماديه ؟ على فكره انا مش ماديه ولا حاجه وبعدين اي واحد مكانك كان هيعمل كده اوعك تنسي انك كسرت تليفونى وخطي امبارح وده تعويض
حمزه: انتى بتسمى تليفونك الكحيان ده تليفون يا بنتى ده كان شغال ببركه ربنا
ميرال رمت التليفون على الأرض وقالت: انت هتعيرنى من دلوقتى ولا اي
حمزه مسك التليفون وقال: ينهار اسو"د انتى لو تعرفي تمنه قد اي مش هتعملى كده
ميرال وضعت أيدها عند خصرها وقالت: قد أي يعنى ؟ اربعه ولا خمسه
حمزه قام وقال: اللى رمتى على الأرض ده ب ٢٨ الف
ميرال: ليه أن شاء الله ليا رجلين ولا أيدين وبعدين ماله النوكيا بيقول الو بردو
